సిద్ధార్థ జాదవ్

సిద్ధార్థ రామచంద్ర జాదవ్ (జననం 1981 అక్టోబర్ 23) భారతదేశానికి చెందిన సినిమా, టెలివిజన్, రంగస్థల నటుడు. అతను టెలివిజన్, మరాఠీ, హిందీ చిత్రాలలో నటించాడు. గోల్‌మాల్, గోల్‌మాల్ రిటర్న్స్ వంటి అనేక బాలీవుడ్ సినిమాలలో నటించాడు. జాదవ్ మిథున్ చక్రవర్తి హీరోగా అమీ సుభాష్ బోల్చి అనే బెంగాలీ సినిమాలో కూడా నటించాడు. మీడియాలో ఇతని గురించి "మరాఠీ సినిమా కామెడీ కింగ్"గా ప్రస్తావించబడింది.

సిద్ధార్థ జాదవ్
సిద్ధార్థ జాదవ్ (2017)
జననం	(1981-10-23) 1981 అక్టోబరు 23 (వయసు 42) రత్నగిరి, మహారాష్ట్ర
విద్య	సెవ్రీ మున్సిపల్ స్కూల్
వృత్తి	నటుడు
క్రియాశీల సంవత్సరాలు	2000–ప్రస్తుతం
జీవిత భాగస్వామి	తృప్తి ​ (m. 2007)​
పిల్లలు	2
పురస్కారాలు	యువ బాలగంధర్వ పురస్కారం (2007)

సిద్ధార్థ 1981 అక్టోబర్ 23న మహారాష్ట్రలోని రత్నగిరిలో జన్మించాడు.

సిద్ధార్థకు తృప్తితో వివాహం జరిగింది, వారికి ఇద్దరు కుమార్తెలు ఉన్నారు.

అతను డిడి సహ్యాద్రిలో ఏక్ శూన్య బాబూరావు ద్వారా నటనారంగంలోకి ప్రవేశించాడు. హసా చకత్ఫు, ఘడ్లే బిఘడ్లే, అపన్ యన్నా పహిలత్ కా?, మొదలైన వాటిలో సహాయక పాత్రలలో కూడా నటించాడు. 2004లో కేదార్ షిండే తీసిన అగా బాయి అరేచా! సినిమాతో తన సినీరంగంలోకి వచ్చాడు. ఆ తర్వాత జాత్రా సినిమాలో అవకాశం వచ్చింది. 2006లో రోహిత్ శెట్టి తీసిన గోల్‌మాల్: ఫన్ అన్‌లిమిటెడ్ లో నటించి గుర్తింపు పొందాడు. అదే సంవత్సరం లోచ్య జాల రే అనే నాటకం నటించాడు. తర్వాత అతను బకులా నామ్‌దేయో ఘోటాలే, సాడే మాదే తీన్, దే ఢక్కా, మే శివాజీరాజే భోసాలే బోల్టోయ్, ఇంకా చాలా ముఖ్యమైన సినిమాలలో నటించాడు. 2008లో దే ఢక్కా చిత్రానికిగాను మహారాష్ట్ర రాజ్యపాల్ చిత్రపత్ పురస్కార్‌లో ఉత్తమ సహాయ నటుడి అవార్డును గెలుచుకున్నాడు. బెంగాలీ చిత్రం అమీ శుభాష్ బోల్చిలో కూడా అరంగేట్రం చేశాడు. మహారాష్ట్రచా డ్యాన్సింగ్ సూపర్ స్టార్, డ్యాన్స్ మహారాష్ట్ర డ్యాన్స్‌తో సహా అనేక రియాలిటీ షోలకు న్యాయనిర్ణేతగా కూడా ఉన్నాడు. 2016లో గెలా ఉదత్ అనే నాటకం చేశాడు. 2021లో, రాధేలో రంజీత్ మవానీగా కనిపించాడు.