బ్వేనౌస్ ఐరిస్: అర్జెంటీనా రాజధాని

ఇది దక్షిణ అమెరికాలో ఆగ్నేయ దిశలో ఉన్న రియో డి లా ప్లాటా నదికి పశ్చిమ తీరాన విస్తరించి ఉంది.

ఈ నగరం 2018లో అత్యుత్తమ జీవన ప్రమాణాల్లో ప్రపంచంలో 91వ స్థానంలో, లాటిన్ అమెరికాలో అత్యుత్తమ నగరాల్లో ఒకటిగా నిలిచింది. 2012 లో ఈ నగరం దక్షిణ అమెరికాలో అత్యధిక పర్యాటకులు సందర్శించిన నగరంగానూ, లాటిన్ అమెరికాలో అత్యధికంగా పర్యాటకులు సందర్శించిన రెండవ నగరంగానూ నిలిచింది.

ఈ నగరం ఎక్లెక్టిక్ యూరోపియన్ నిర్మాణశైలిని పదిలంగా కాపాడుకుంటూ వస్తున్న సాంస్కృతిక నగరంగా పేరుగాంచింది.

ఇది బహుళ సంస్కృతులకు, వివిధ జాతులకు, మతాలకు నిలయమైన నగరం. స్పానిష్ భాష కాకుండా ఇంకా అనేక భాషలు ఇక్కడ మాట్లాడతారు.