కిలోబైట్

ఇది అంతర్జాతీయ ప్రమాణాల పద్ధతి కిలో అనే ప్రత్యయము బైట్ తో చేర్చడం వలన ఉద్భవించింది. ఇది కంప్యూటర్ల సమాచారం స్థాయిని, భద్రపరిచే పరిమాణాన్ని సూచించడానికి ఉపయోగ పడుతుంది. అంతర్జాతీయ ప్రమాణాల వ్యవస్థ ప్రకారం కిలో అనగా 1000 (10³). అందువలన కిలో బైట్ అనగా 1000 బైట్లక్ సమానం. అంతర్జాతీయంగా కిలో బైట్ ను kB గా సూచించాలని ప్రతిపాదించడమైనది.

సాధారణంగా కంప్యూటర్లలో ద్విసంఖ్యామానం ఉపయోగించడం వలన 2¹⁰ = 1024 ≈ 1000 సంఖ్యాత్మకంగా పరిగణించబడింది. కిలోబైట్ ను సాధారణంగా KB , K లుగా సూచిస్తారు. (K అనగా కిలోగా భావించవచ్చు).

• సుగర్త్ కంపెనీ SA-400 5¼ - అంగుళాల ఫ్లాపీ డిస్క్ (1976) లో ఫార్మాట్ కాని 109,375 బైట్లతో తయారుచేసి, దాని ప్రకటలలో "110 Kbyte" అని తెలియజేసింది. ఇక్కడ 1000 గుణకాలను ఉపయోగించారు. అదే విధంగా 8 అంగుళాల DEC RX01 ఫ్లాపీ (1975) ఫార్మాట్ చేయబడిన 256,256 బైట్ల పరిమాణంతో తయారుచేసి ప్రకటనలలో "256k" అని తెలియజేసారు. మరొకవైపు టాండన్ 5¼- అంగుళాల DD ఫ్లాపీ ఫార్మాట్ (1978) 368,640 బైట్లతో తయారుచేసి, వాణిజ్య ప్రకటనలో "360 KB" అని తెలియజేసింది. ఇందులో 1024 గుణకాలను ఉపయోగించారు.
• నవీన వ్యవస్థలలో మైక్రోసాఫ్ట్ విండోస్ (2019 ప్రకారం) 1024 చే భాగించి 65,536-బైట్ల ఫైల్ ను "64KB" గా సూచిందింది.
• ద్విసంఖ్యా విధానాన్ని ప్రస్తుతం మార్కెటింగ్ లో కొన్ని టెలీ కమ్యూనికేషన్స్ సంస్థలు (వొడాఫోన్, AT&T, ఆరెంజ్, టెల్‌స్ట్రా వంటివి) ఉపయోగిస్తున్నాయి.