மே 9 வெற்றி நாள்

1945 மே 8 மாலையில் (மாஸ்கோ நேரம் மே 9 நள்ளிரவிற்குப் பின்னர்) செருமனி சரணடைந்தமை கையெழுத்திடப்பட்டதை அடுத்து, சோவியத் ஒன்றியத்தின் 15 குடியரசுகளால் இந்நாள் முதன் முதலில் நினைவுகூரப்பட்டது. சோவியத் அரசு பெர்லினில் கையெழுத்திடும் விழா முடிவடைந்தவுடன் அதனை மே 9 அதிகால அறிவித்தது. 1945 ஆம் ஆண்டில் அதிகாரபூர்வமாக அறிவிக்கப்பட்டாலும், 1965 ஆம் ஆண்டிலேயே இந்நாள் தொழிலாளர் அல்லாத அனைவருக்குமான விடுமுறை நாளாக சில சோவியத் குடியரசுகளில் மட்டுமே அறிவிக்கப்பட்டது.

வெற்றி நாள் Victory Day
மாஸ்கோவில் 2005 மே 9 இல் வெற்றி நாள் கொண்டாட்டங்கள்
அதிகாரப்பூர்வ பெயர்	உருசியம்: День Победы
கடைபிடிப்போர்	உருசியா, முன்னாள் சோவியத் நாடுகள், செர்பியா, இசுரேல், முன்னாள் வார்சா உடன்பாடு நாடுகள்
நாள்	9 மே
நிகழ்வு	ஆண்டுதோறும்
தொடர்புடையன	வெற்றி நாள் (ஐரோப்பா)

கிழக்கு செருமனியில், மே 8 வெற்றி நாள் 1950 முதல் 1966 வரை கொண்டாடப்பட்டு வந்தது. பின்னர் 1985 இல் 40-வது நிறைவு நாள் கொண்டாடப்பட்டது. 1975 இல், சோவியத் முறையிலான "வெற்றி நாள்" மே 9 இல் கொண்டாடப்பட்டது. 2002 முதல், செருமனியின் மெக்லென்பூர்க்-வோர்போமர்ன் மாநிலம் தேசிய சோசலிசத்தில் இருந்து விடுதலை நாளாகவும் இரண்டாம் உலகப் போர் முடிவு நாளாகவும் கொண்டாடி வருகிறது.

1991 இல் சோவியத் ஒன்றியம் கலைக்கப்பட்டு உருசியக் கூட்டமைப்பு உருவானதில் இருந்து மே 9 ஐ அதிகாரபூர்வமாக அங்கீகரித்தது. இந்நாள் ஒரு வார இறுதியில் வந்தாலும், இதனை வேலை செய்யாத நாளாகவே கருதுகிறது (அதன் பின் வரும் திங்கட்கிழமை பொது விடுமுறை நாளாகும்).

• ஐரோப்பாவில் இரண்டாம் உலகப் போரின் முடிவு
• வியட்நாம் ஒருங்கிணைப்பு நாள்