பேத் மா ரா ஹாஹத் போட் (பாரசீகம்: باد ما را خواهد برد, Bād mā rā khāhad bord) ஆங்கிலம்: The Wind Will Carry Us) என்பது ஈரானியத் திரைப்படம் ஆகும்.
இத்திரைப்படம் 1999 ஆம் ஆண்டு ஈரானிய இயக்குநர் அப்பாஸ் க்யாரஸ்டமியால் தயாரிக்கப்பட்டது. இத்திரைப்படத்தை எழுதி இயக்கியவரும் அப்பாஸ் க்யாரஸ்டமி ஆவார். இத்திரைப்படத்தின் தலைப்பான காற்று நம்மை தூக்கிச் செல்லும் என்பது ஈரானின் சமகாலப் பெண் கவிஞர் பெரோக் பெர்ரோகாஷாத்தின் (Forough Farrokhzad) கவிதை வரியாகும். இத்திரைப்படம் வெனிஸ் சர்வதேசத் திரைப்பட விழாவிற்கு தங்கச் சிங்கம் விருதிற்காகப் பரிந்துரைக்கப்பட்டது. இத்திரைப்படம் நடுவர்களின் சிறப்புப் பரிசான வெள்ளிச் சிங்கம் விருதினை வென்றது. மேலும் இத்திரைப்படம் பல்வேறு பரிந்துரைகளையும் விருதுகளையும் பெற்றது.
பேத் மா ரா ஹாஹத் போட் | |
---|---|
இயக்கம் | அப்பாஸ் க்யாரஸ்டமி |
தயாரிப்பு | அப்பாஸ் க்யாரஸ்டமி |
கதை | அப்பாஸ் க்யாரஸ்டமி |
நடிப்பு | பெஹ்ஸாத் டோரனி (Behzad Dorani) |
ஒளிப்பதிவு | மொஹ்மூத் கலாரி (Mahmoud Kalari) |
வெளியீடு | 6 செப்டம்பர் 1999 |
ஓட்டம் | 118 நிமிடங்கள் |
மொழி | பாரசீக மொழி |
ஈரானின் குர்திஷ் கிராமம் ஒன்றில் மரணத் தறுவாயில் வசிக்கும் முதிய பெண்மணி ஒருவரின் துக்கச் சடங்குகளை ஆவணப்படுத்த பத்திரிகையாளர்கள் குழு ஒன்று பொறியாளர்கள் என்ற போர்வையில் வருகின்றனர். நகரப் பத்திரிகையாளர்கள் மற்றும் கிராம மக்களின் வாழ்வியலைக் காட்சிப்படுத்துகிறது இத்திரைப்படம். நகரத்துப் பத்திரிகை அலுவலகத்திலிருந்து தினமும் கிராமத்துப் பத்திரிகையாளர் குழுவுக்கு தொலை பேசி மூலம் முதிய பெண் மரணமடைந்துவிட்டாரா எனக் கேட்டுச் செய்தி வருகிறது. பத்திரிகையாளர் குழுவின் தலைவர் கிராமத்து மக்களின் இயல்பான வாழ்வால் மனம் நெகிழ்கிறார். வயதான பெண்மணி உடல் நலம் தேறி நலமடைகிறார். கிராமப் பெண்மணியின் மரணத்தை எதிர் நோக்கும் நகரத்து மனிதர்களின் மனதை இத்திரைப்படம் பேசுகிறது.
This article uses material from the Wikipedia தமிழ் article பேத் மா ரா ஹாஹத் போட், which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.