பென் பெரிங்கா அல்லது பெர்னார்டு இலூக்காசு பெரிங்கா (Bernard Lucas Ben Feringa, டச்சு ஒலிப்பு: , பிறப்பு: மே 18, 1951) ஓர் கரிம வேதியியலாளர்.
இவர் மூலக்கூற்று நானோ நுட்பியலிலும் ஒரே நிலைமுகம் கொண்ட தூண்டலியலிலும் (homogenous catalysis) சிறப்பான ஆய்வுக்குவியம் கொண்டவர். இவர் நெதர்லாந்தில் குரோனிங்கன் பல்கலைக்கழகத்தில் இசுற்றாடிங்குக் கழகத்தில் வேதியியல் துறையில் மூலக்கூற்று அறிவியல் பிரிவில் யாக்கோபசு வான்.ட்டு கோஃபு (Jacobus Van't Hoff) சிறப்பெய்திய பேராசிரியராக இருக்கின்றார். இது தவிர நெதர்லாந்திய வேந்திய அறிவியல் அக்காதெமியில் பேராசிரியராகவும் அறிவியல் ஆயத்தின் தலைவராகவும் இருக்கின்றார். இவர் 2016 ஆண்டுக்கான வேதியியலுக்கான நோபல் பரிசை மூலக்கூற்று இயந்திரங்களுக்காக இழான் பியர் சோவாழ்சு, பிரேசர் இசுட்டோடார்ட்டு ஆகியோருடன் சேர்ந்து வென்றுள்ளார்.
பென் பெரிங்கா | |
---|---|
பிறப்பு | பெர்னார்டு இலூக்காசு பெரிங்கா Bernard Lucas Feringa மே 18, 1951 பார்கர்-கொம்பாசுக்குவம், நெதர்லாந்து |
வாழிடம் | குரோனிங்கன் நெதர்லாந்து |
தேசியம் | இடச்சு (நெதர்லாந்தியர்) |
துறை | கரிம வேதியியல் பொருள் அறிவியல் நானோ நுட்பவியல் ஒளிவேதியியல் |
பணியிடங்கள் | குரோனிங்கன் பல்கலைக்கழகம், 1984-தற்பொழுதுவரை இரோயல் இடச்சு செல், 1979-1984 |
கல்வி கற்ற இடங்கள் | குரோனிங்கன் பல்கலைக்கழகம், PhD குரோனிங்கன் பல்கலைக்கழகம், BS |
ஆய்வேடு | பீனால்களின் சமனற்ற ஆக்சிசனேற்றம். அட்ரோபிசோமரிசம் மற்றும் ஒளி இயக்கம் (1978) |
ஆய்வு நெறியாளர் | பேராசிரியர் அன்சு வியின்பெர்கு |
அறியப்படுவது | மூலக்கூற்றுத் தொடுப்பி (மூலக்கூற்று நகர்வியக்கி, ஒரே நிலைமுகம் கொண்ட தூண்டலியல், ஒத்தொருங்கு வேதியியல், ஓளிவேதியியல் |
விருதுகள் | வேதியியலுக்கான நோபல் பரிசு (2016) |
துணைவர் | பெட்டி பெரிங்கா |
இணையதளம் benferinga.com |
இவருடைய மூலக்கூறு அளவினதாகிய தொடுப்பி (switch), புறவயமாக நகரும் அமைப்புடைய மூலக்கூறு போன்ற ஆய்வின் பயனாய் மின்னாற்றலால் நிறம் மாறக்கூடிய கருவி, மருந்தை செலுத்தக்கூடிய, ஒளியின் இயக்கத்தால் நிலைமாறக்கூடிய, புரத ஓடை (protein channel) போன்ற பற்பல ஒளியியக்கத்தால் மூலக்கூறளவில் மாற்றம் செய்யக்கூடிய முற்றிலும் புதிய இயக்கங்களை அமைக்க இயலுகின்றது.
This article uses material from the Wikipedia தமிழ் article பென் பெரிங்கா, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.