தலாஸ் பிராந்தியம் (Talas Region, கிருகிசு மொழி :Талас облусу ) என்பது கிர்கிஸ்தானின் ஒரு மாகாணம் ( ஒப்லாஸ்ட் ) ஆகும்.
இதன் தலைநகரம் தலாஸ் நகரம். இதன் எல்லைகளாக மேற்கிலும், வடக்கிலும் கஜகஸ்தானின் ஜம்பில் பிராந்தியம், கிழக்கில் சுய் பிராந்தியம், தெற்கே ஜலால்-அபாத் பிராந்தியம், தென்மேற்கில் உஸ்பெகிஸ்தானின் விரல் அமைந்துள்ளது. இது பொதுவாக மேற்கு நோக்கி திறந்த U- வடிவ பள்ளத்தாக்கு ஆகும். இதன் வடக்கு பகுதி கிர்கிஸ் ஆலா-டூ மலைகளால் சூழப்பட்டுள்ளது. இது சூய் பிராந்தியத்தின் தெற்கு எல்லையாகவும் உள்ளது. கிழக்கு முனையில், தலாஸ் ஆலா-டூ மலை பிரிந்து தெற்கு எல்லையாக உள்ளது. தலாஸ் ஆறு பள்ளத்தாக்கின் மையப்பகுதி வழியாக பாய்கிறது. பிரதான நெடுஞ்சாலை (A361) கிழக்கிலிருந்து எட்மக் கணவாய் வழியாக நுழைகிறது (வானிலை காரணமாக குளிர்காலத்தில் மோசமானதாக மாறக்கூடியது) மேலும் இது பள்ளத்தாக்கிலிருந்து கஜகஸ்தானில் உள்ள தாராசுக்கு செல்கிறது. கைசில்-அடிரில் உள்ள பள்ளத்தாக்கின் வாய்க்கு அருகில், ஒரு சாலை வடக்கே தாராசை நோக்கி செல்கிறது, மற்றொன்று தெற்கே காரா-புரா கணவாய் வழியாக ஜலால்-அபாத் மாகாணம் வரை செல்கிறது. சுதந்திரத்திற்கு முன்பு பெரும்பாலான வர்த்தக தொடர்புகள் தாராசுடன் இருந்தன. வரலாற்று சிறப்புமிக்க தலாஸ் போர் இங்கு நிகழ்ந்தது.
தலாஸ் பிராந்தியம் Талас облусу Talas oblusu | |
---|---|
மாகாணம் | |
கிர்கிஸ்தானின் வரைபடத்தில், தலாஸ் மாகாணத்தின் அமைவிடம் | |
ஆள்கூறுகள்: 42°30′N 72°30′E / 42.500°N 72.500°E | |
நாடு | Kyrgyzstan |
தலைநகரம் | தலாஸ் |
அரசு | |
• குபர்னேட்டர் | கொய்சுன் குர்மனலீவா |
பரப்பளவு | |
• மொத்தம் | 11,400 km2 (4,400 sq mi) |
மக்கள்தொகை (2020-01-01) | |
• மொத்தம் | 2,67,360 |
• அடர்த்தி | 23/km2 (61/sq mi) |
நேர வலயம் | East (ஒசநே+6) |
• கோடை (பசேநே) | not observed (ஒசநே+6) |
ஐ.எஸ்.ஓ 3166 குறியீடு | KG-T |
மாவட்டங்கள் | 4 |
நகரங்கள் | 1 |
நகரியங்கள் | 1 |
ஊர்கள் | 90 |
2009 ஆம் ஆண்டு நிலவரப்படி, தலாஸ் பிராந்தியத்தில் ஒரு நகரம், ஒரு நகர்ப்புற வகை குடியேற்றம் மற்றும் 90 கிராமங்கள் உள்ளன. இதன் மக்கள் தொகை, 2009 ஆம் ஆண்டு மக்கள் தொகை மற்றும் வீட்டுவசதி கணக்கெடுப்பின்படி, 219.6 ஆயிரம் (கணக்கிடப்பட்ட உண்மையான மக்கள் தொகை) அல்லது 226.8 ஆயிரம் (தோராய மக்கள் தொகை) ஆகும். 2020 ஆம் ஆண்டின் தொடக்கத்தில் பிராந்தியத்தின் மதிப்பிடப்பட்ட மக்கள் தொகை 267,360 ஆகும்.
ஆண்டு | ம.தொ. | ±% |
---|---|---|
1970 | 1,41,169 | — |
1979 | 1,63,288 | +15.7% |
1989 | 1,93,814 | +18.7% |
1999 | 2,00,269 | +3.3% |
2009 | 2,19,615 | +9.7% |
Note: de jure population; Source: |
2009 மக்கள் தொகை கணக்கெடுப்பின்படி, தலாஸ் பிராந்தியத்தின் இன அமைப்பு (தோராய மக்கள் தொகை):
இனக்குழு | மக்கள் தொகை | தலாஸ் மாகாண மக்களின் விகிதம் |
---|---|---|
கிர்கிசுகள் | 2,08,399 | 91.9% |
குர்து மக்கள் | 5,547 | 2.5% |
உருசியர்கள் | 4,356 | 1.9% |
கசக்குகள் | 3,049 | 1.3% |
உஸ்பெக்கியர் | 1,779 | 0.8% |
துருக்கியர்கள் | 1,547 | 0.7% |
உக்ரைனியர் | 500 | 0.2% |
ஜேர்மனியர்கள் | 384 | 0.2% |
தாதர்கள் | 299 | 0.1% |
பிற இனத்தவர் | 919 | 0.4% |
தலாஸ் பிராந்தியம் நிர்வாக ரீதியாக 4 மாவட்டங்களாக பிரிக்கப்பட்டுள்ளது:
மாவட்டம் | தலைநகரம் |
---|---|
பாக்கே-அட்டா மாவட்டம் | பாக்கே-அடா |
காரா-புரா மாவட்டம் | கைசில்-அடீர் |
மனஸ் மாவட்டம் | போக்ரோவ்கா |
தலாஸ் மாவட்டம் | மனஸ் |
This article uses material from the Wikipedia தமிழ் article தலாசு பிராந்தியம், which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.