குண்டி (buttock) என்பது மனிதன் மற்றும் மனிதக் குரங்கு போன்ற விலங்குகளின் உடலில் பின் பகுதியில், முதுகுப் பகுதிக்குக் கீழாகவும், கால் தொடைப் பகுதிக்கு மேலாகவும் உருண்டையான, சதைப் பிடிப்புடன் காணப்படும் உறுப்புக்கான தமிழ்ச் சொல்லாகும்.
தமிழிலும் பிற திராவிட மொழிகளான கன்னடம் மலையாளத்திலும் குண்டி என்னும் சொல் பள்ளமான பகுதியைக் குறிக்கும். குறிப்பாக, வாயகன்ற பாத்திரம் (இதனைக் குண்டா, குண்டான் என்றும் சொல்வர்), பழங்களில் காம்புள்ள பகுதியில் குழிந்து இருக்கும் பக்கம் (எ.கா. ஆப்பிள், மாம்பழம்) முதலியவற்றைக் குண்டி என்று சொல்வதுண்டு.
குண்டி | |
---|---|
ஓர் பெண்ணின் குண்டியும் (மேல்) ஆணின் குண்டியும் (கீழ்). | |
தமனி | superior gluteal artery, inferior gluteal artery |
நரம்பு | superior gluteal nerve, inferior gluteal nerve, cluneal nerves |
ம.பா.தலைப்பு | Buttocks |
குண்டி எனும் தமிழ் சொல் மனித உடலின் பின்னுறுப்பை குறிக்க பயன்படும் அதேவேளை, இலங்கை முஸ்லீம்களின் பேச்சு வழக்கில் குண்டி எனும் சொல் பெண்களின் பெண்ணுறுப்பைக் குறிக்கும் சொல்லாகவே பயன்படுத்தபடுகிறது. குறிப்பாக கொழும்பு மற்றும் தென்னிலங்கைப் பகுதிகளில்.
யாழ்ப்பாணப் பேச்சு வழக்கில் குண்டி எனும் சொல்லுடன் தொடர்புடைய பல சொல்லாடல்கள், நகைச்சுவைக் கதைகள் உள்ளன.
"குளத்தோடு கோபித்துக்கொண்டு குண்டி கழுவ மறுப்பது போன்று", "குளத்தோடு கோபித்துக்கொண்டு குண்டி கழுவ மறுப்பவன் போன்று" எனும் சொல்லாடல்கள் காரணமற்று கோபம் கொள்வதனையும், கோபம் கொண்டவரின் கோபம் பொருளற்றது என்பதை இடித்துரைக்கும் வகையிலும் இச்சொல்லாடல்கள் யாழ்ப்பாணப் பேச்சு வழக்கில் அடிக்கடி பயன்படுவதுண்டு. சிலவேளை இச்சொல்லாடல்கள் நகைச்சுவையாக சொல்லப்படுவதும் உண்டு.
யாழ்ப்பாணத்திலிருந்து கதிர்காமத்திற்கு வண்டில் கட்டி பலநாள் நீண்டநாள் பயணமாக பயணித்த கால கட்டத்தில் "அதுவல்லோ குண்டி, இதுவென்ன குண்டி" என காலைக் கடன் முடிக்க சிரமப்பட்ட ஒரு பக்தர், தனது குண்டியை தானே நொந்துகொண்ட நகைச்சுவைக் கதையொன்றும் உண்டு.
எது கிடைத்தாலும் மிகுதியாகப் பயன்படுத்துபவரைக் குறிக்க, சந்தனம் மிஞ்சினால் குண்டியில் தடவுவான் என்பர்.
தமிழ் இலக்கியத்தில் குறிப்பாக பெண்களின் இடையின் கீழான பகுதியை "பின்னழகு" என வர்ணனை செய்தெழுதும் வழக்கு பழங்காலந்தொட்டே இருந்துவருகிறது.
குண்டி என்ற சொல்லுக்கு நிகராகப் பயன்படுத்தும் பிற சொற்களும் அவற்றின் பயன்பாடும்:
குண்டி என்பது ஆபாசமில்லாத ஒரு உறுப்பு என்றாலும் நவீன நாகரிகம் இதைப் பெரும்பாலும் மறைக்கவே சொல்லுகிறது. தற்பொழுதுள்ள அனைத்து வகைத் துணிகளும் குண்டியை மறைத்தே வைக்கிறது. இருப்பினும், குண்டி வெளியே தெரியும் ஆடைகள் தொன்றுதொட்டுப் பயன்படுத்தப்பட்டு வந்துள்ளது (கோவணம் போன்றவை). ஆனால், மக்கள் பொதுவாகக் கூடும் இடங்களில் இவற்றை யாரும் உடுத்துவதில்லை.
This article uses material from the Wikipedia தமிழ் article குண்டி (உடல்), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.