Robin Gosens: Futbollist gjerman
Robin Everardus Gosens (lindur më 5 korrik 1994) është një futbollist profesionist gjerman i cili luan si anësor i majtë ose mbrojtës i majtë për klubin gjerman Union Berlin dhe kombëtaren gjermane.
.jpg) Gosens në vitin 2018 | |||
| Të dhënat vetjake | |||
|---|---|---|---|
| Emri i plotë | Robin Everardus Gosens | ||
| Datëlindja | 5 korrik 1994 | ||
| Vendlindja | Emmerich am Rhein, Gjermani | ||
| Gjatësia | 1.83 m (6 ft 0 in) | ||
| Pozicioni | Anësor i majtë | ||
| Të dhënat e klubit | |||
Klubi aktual | Union Berlin | ||
| Numri | 6 | ||
| Karriera me të rinjtë | |||
| 2000–2007 | Fortuna Elten | ||
| 2007–2009 | 1. FC Bocholt | ||
| 2009–2012 | VfL Rhede | ||
| 2012–2014 | Vitesse | ||
| Karriera me klube* | |||
| Vitet | Klubi | Ndeshje | (Golat) |
| 2014–2015 | Vitesse | 0 | (0) |
| 2014–2015 | → Dordrecht (loan) | 47 | (3) |
| 2015–2017 | Heracles Almelo | 60 | (4) |
| 2017–2022 | Atalanta | 121 | (25) |
| 2022 | → Internazionale (huazim) | 7 | (0) |
| 2022–2023 | Internazionale | 32 | (3) |
| 2023– | Union Berlin | 2 | (2) |
| Karriera ndërkombëtare‡ | |||
| 2020– | Gjermania | 14 | (2) |
| *Ndeshjet dhe golat me klubet llogariten vetëm për ligën vendase – redaktuar më 26 gusht 2023 ‡ Ndeshjet dhe golat me ekipin kombëtar të redaktuar më 20:42, 26 shtator 2022 (UTC) | |||
Karriera me klube
Vitesse
Gosens lindi në Emmerich am Rhein, dhe e nisi karrierën e tij si futbollist duke luajtur me klubet lokale të qytetit, si Fortuna Elten, 1. FC Bocholt dhe VfL Rhede, para se të bëhej pjesë e akademisë së Vitesses më 4 korrik 2012. Më 13 gusht 2013, ai firmosi kontratën e parë si profesionist me klubin. Para kësaj, ai kishte pasur një provë të pasuksesshme me klubin gjerman Borussia Dortmund. Gosens e quajti provën me Dortmundin një "dështim".
Huazimi te FC Dordrecht
Më 14 janar 2014, Gosens u huazua te FC Dordrecht deri në përfundim të sezonit 2013–14. Ai bëri debutimin e tij si profesionist tre ditë më vonë, duke luajtur si titullar në barazimin 1–1 në shtëpi kundër SBV Excelsior.
Gosens shënoi golin e parë si futbollist profesionist më 7 shkurt, duke realizuar të dytin e fitores komode 6–1 kundër FC Emmen. Ai u aktivizua në 20 ndeshje gjatë pjesës së dytë sezonet, përfshirë edhe ndeshjet e fazës play-off, me Dordrecht që e mbylli kampionatin në vendin e dytë, duke u rikthyer në Eredivisie pas një mungese nëntëmbëdhjetë-vjeçare.
Më 29 maj 2014, huazimi i Gosens te Dordrecht u rinovua edhe për një vit tjetër. Ai luajti ndeshjen e tij të parë në elitën e futbollit holandez më 9 gusht, duke u aktivizuar 90 minuta të plota në fitoren 2–1 në transfertë kundër SC Heerenveen. Goli i tij i parë në Eredivisie erdhi më 20 shtator në njē barazim 1–1 në transfertë kundër Excelsior.
Heracles Almelo
Më 4 qershor 2015, Heracles Almelo njoftoi transferimin e Gosens si lojtar i lirë.
Atalanta
Më 2 qershor 2017, u njoftua se Gosens ishte transferuar në Itali te Atalanta. Më 18 shtator 2019, Gosens bëri debutimin e tij në UEFA Ligën e Kampioneve kundër Dinamo Zagreb në fazën e grupeve. Më 19 dhjetor të të njëjtit vit, Gosens regjistroi golin e parë në këtë kompeticion në fitoren 3–0 në transfertë kundër Shakhtar Donetsk. Goli i tij i dytë në Ligën e Kampioneve erdhi më 25 nëntor 2020 në fitoren 2–0 kundër Liverpool në Anfield.
Gjatë qëndrimit të tij në Itali, Gosens u bë një nga anësorët më të mirë të kampionatit italian, veçanërisht në sezonet 2019–20 dhe 2020–21. Gjatë këtyre sezoneve, ai ishte një nga golashënuesit më të mirë të Atalantës, duke regjistruar respektivisht 10 dhe 12 gola, shifra jo të zakonshme për një mbrojtës. Më 14 shtator 2021, ai shënoi në barazimin 2–2 kundër Villarrealit në ndeshjen e parë të fazës së grupeve të Ligës së Kampioneve.
Internazionale
Më 27 janar 2022, Inter njoftoi se Gosens do të bëhej pjesë e klubit në formë huazimi deri në përfundim të sezonit; formula e huazimit përfshinte detyrimin e blerjes nesë disa kushte do të arriheshin. Më 12 tetor, ai shënoi golin e parë në Ligën e Kampioneve si futbollist i Interit në barazimin 3–3 në Camp Nou kundër Barcelonës në fazën e grupeve.
Union Berlin
Më 15 gusht 2023, Gosens firmosi një kontratë pesë-vjeçare me Union Berlinin, duke realizuar ëndrrën e tij për të luajtur në Bundesligë. Sipas raportimeve të medias, Berlini pagoi 15 milion £ për kartonin e tij, duke e bërë gjermanin transferimin më të shtrenjtë në historinë e klubit.
Gosens debutoi me klubin më 20 gusht në fitoren 4–1 kundër Mainz në ndeshjen hapëse të sezonit, duke u aktivizuar si zëvëndësues në pjesën e dytë. Gjashtë ditë më vonë, ai luajti ndeshjen e parë si titullar dhe shënoi dy gola në një tjetër fitore 4–1, këtë herë kundër Darmstadt.
Karriera ndërkombëtare
Më 25 gusht 2020, Gosens u thirr për herë në kombëtaren gjermane. Ai debutoi zyrtarisht më 3 shtator në një ndeshje të Ligës së Kombeve kundër Spanjës.
Më 19 maj 2021, Gosens ishte pjesë e listës me 21 lojtarë që do të luanin në UEFA Euro 2020. Më 19 qershor, ai shënoi dhe asistoi në fitoren 4–2 kundër Portugalisë në fazën e grupeve. Ai gjithashtu u shpall lojtari i ndeshjes.
Gosens nuk ishte pjesë e ekipit të Gjermanisë për Kupën e Botës 2022. Trajneri i ekipit Hansi Flick e justifikoi këtë vendim me rënjen e ritmit të lojtarit dhe minutazhin e pakët.
Jeta personale
Gosens ka lindur në Gjermani nga një mama gjermane dhe baba holandez. Ai zotëron pasaportën gjermane dhe holandeze. Në qershor 2022, ai u martua me të dashurën e tij Rabea Böhlke, me të cilën ka një fëmij.
Më 22 shkurt 2023, Gosens mori diplomën Bachelor në degën e Psikologjisë në universitetin SRH Fernhochschule.
Statistikat e karrierës
Klube
- Redaktuar më 1 nëntor 2022
| Klubi | Sezoni | Liga | Kupa | Evropa | Tjetër | Gjithsej | ||||||
|---|---|---|---|---|---|---|---|---|---|---|---|---|
| Divizioni | Ndsh | Gola | Ndsh | Gola | Ndsh | Gola | Ndsh | Gola | Ndsh | Gola | ||
| Dordrecht (huazim) | 2013–14 | Eerste Divisie | 16 | 1 | 0 | 0 | – | 4 | 0 | 20 | 1 | |
| 2014–15 | Eredivisie | 31 | 2 | 2 | 0 | – | – | 33 | 2 | |||
| Gjithsej | 47 | 3 | 2 | 0 | – | 4 | 0 | 53 | 3 | |||
| Heracles Almelo | 2015–16 | Eredivisie | 32 | 2 | 3 | 1 | – | 3 | 0 | 38 | 3 | |
| 2016–17 | 28 | 2 | 2 | 0 | 2 | 0 | – | 32 | 2 | |||
| Gjithsej | 60 | 4 | 5 | 1 | 2 | 0 | 3 | 0 | 70 | 5 | ||
| Atalanta | 2017–18 | Serie A | 21 | 1 | 2 | 0 | 3 | 1 | – | 26 | 2 | |
| 2018–19 | 28 | 3 | 3 | 0 | 5 | 0 | – | 36 | 3 | |||
| 2019–20 | 34 | 9 | 1 | 0 | 8 | 1 | – | 43 | 10 | |||
| 2020–21 | 32 | 11 | 5 | 0 | 7 | 1 | – | 44 | 12 | |||
| 2021–22 | 6 | 1 | 0 | 0 | 2 | 1 | – | 8 | 2 | |||
| Gjithsej | 121 | 25 | 11 | 0 | 25 | 4 | – | 157 | 29 | |||
| Internazionale (huazim) | 2021–22 | Serie A | 7 | 0 | 2 | 1 | 0 | 0 | – | 9 | 1 | |
| Internazionale | 2022–23 | Serie A | 9 | 0 | 0 | 0 | 6 | 1 | 0 | 0 | 15 | 1 |
| Gjithsej | 16 | 0 | 2 | 1 | 6 | 1 | 0 | 0 | 24 | 2 | ||
| Gjithsej karriera | 244 | 32 | 20 | 2 | 33 | 5 | 7 | 0 | 304 | 39 | ||
Kombëtarja
- Redaktuar më 26 shtator 2022
| Ekipi kombëtar | Viti | Ndsh | Gola |
|---|---|---|---|
| Gjermania | 2020 | 4 | 0 |
| 2021 | 9 | 2 | |
| 2022 | 1 | 0 | |
| Gjithsej | 14 | 2 | |
Golat me kombëtaren
| Nr. | Data | Vendi | Ndsh | Kundërshtari | Goli | Rezultati | Kompeticioni |
|---|---|---|---|---|---|---|---|
| 1 | 7 qershor 2021 | Merkur Spiel-Arena, Düsseldorf, Gjermani | 7 |  Letonia | 1–0 | 7–1 | Ndeshje miqësore |
| 2 | 19 qershor 2021 | Allianz Arena, Mynih, Gjermani | 9 |  Portugalia | 4–1 | 4–2 | UEFA Euro 2020 |
Trofe
Klube
- Internazionale
- Coppa Italia: 2021–22, 2022–23
- Supercoppa Italiana: 2022
Personale
- Ekipi i Vitit i Serie A: 2019–20
Referime
Lidhje të jashtme
| Wiki Commons ka materiale multimediale në lidhje me: Robin Gosens. |
- Robin Gosens te National Football Teams
- Robin Gosens te Federata Gjermane e Futbollit
- Profili te FC Dordrecht
This article uses material from the Wikipedia Shqip article Robin Gosens, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.