Lëvizja Ndërkombëtare E Kryqit Të Kuq Dhe Gjysmëhënës Së Kuqe

Selia e saj është në Gjenevë, Zvicër.

Megjithëse është një organizatë e madhe ndërkombëtare, ajo është drejtuar privatisht. Asnjë qeveri nuk kontrollon Kryqin e Kuq. Kryqi i Kuq ka një punë të veçantë, është i vetmi grup privat që i ka punët e tij të përcaktuara me ligj ndërkombëtar.

Tre gjëra që e përbëjnë këtë lëvizje:

• Komiteti Ndërkombëtar i Kryqit të Kuq u krijua më 1863 në Gjenevë. Puna e saj, sipas ligjit ndërkombëtar, është të mbrojë jetën dhe dinjitetin e viktimave të luftës.
• Federata Ndërkombëtare e Shoqatave të Kryqit të Kuq dhe Gjysmëhënës së Kuqe u themelua në vitin 1919. Kjo Federatë përpiqet të sigurojë që shoqëritë kombëtare të Kryqit të Kuq dhe Gjysmëhënës së Kuqe të punojnë së bashku dhe të organizojnë misionet e ndihmës në rast emergjencash në shkallë të gjerë. Sekretariati i Federatës Ndërkombëtare gjithashtu është i vendosur në Gjenevë, Zvicër.
• Ekziston një shoqëri e Kryqit të Kuq dhe Gjysëmhënës së Kuqe në pothuajse çdo vend në botë. Secili punon në vendin e vet, duke ndjekur idetë e ligjit ndërkombëtar humanitar dhe statutet e Lëvizjes ndërkombëtare. Nëse është e mundur, Shoqëritë Kombëtare mund të marrin përsipër detyra shtesë humanitare që nuk përcaktohen drejtpërdrejt nga ligji ndërkombëtar humanitar ose mandatet e Lëvizjes ndërkombëtare.

• Webfaqja zyrtare Arkivuar 12 gusht 2007 tek Wayback Machine