Կարմիր խաչի և կարմիր մահիկի միջազգային շարժում, տարբեր երկրներում ՝ կամավոր ընկերություններ, որոնք պատերազմի ժամանակ կազմակերպում են օգնություն ռազմագերիներին, վիրավոր և հիվանդ ռազմիկներին, պատերազմական գործողություններում չներգրավված անձանց (ոչ-կոմբատանտներ), իսկ խաղաղ պայմաններում՝ բնական աղետներից տուժածներին և վարակիչ հիվանդություններով տառապողներին։ Ադրբեջանում, Թուրքմենստանում, Ուզբեկստանում, Տաջիկստանում, Աֆղանստանում, Թուրքիայում, Իրանում, Պակիստանում և մի քանի այլ երկրում կոչվում է «Կարմիր մահիկ», Իսրայելում՝ «Դավիթի Կարմիր աստղ» կամ «Կարմիր բյուրեղ» (երկրից դուրս առաքելություն իրականացնելու դեպքում)։
Կարմիր խաչի և կարմիր մահիկի միջազգային շարժում | |
---|---|
Տեսակ | միջազգային ոչ կառավարական կազմակերպություն և aid agency? |
Երկիր | Շվեյցարիա |
Հապավում | IRCRCM |
Կարգախոս | The power of humanity, Le pouvoir de l'humanité և O poder da humanidade |
Հիմնադրված | 1863 թվականին (ICRC), 1919 թվականին (IFRC) |
Նպատակներ | Առանց որևէ խտրականության օգնել բոլոր նրանց, ովքեր տառապում են, դրանով իսկ նպաստելով խաղաղությանն աշխարհում |
Գլխադասային գրասենյակ | Ժնև, Շվեյցարիա |
Տարածաշրջան | համաշխարհային |
Հիմնադիր | Անրի Դյունան |
Անվանված է | red cross? |
Բյուջե | US$ 3,6 միլիարդ (2010) |
Անձնակազմ | 300 000 մարդ |
Հիմնադիր | Անրի Դյունան, Թեոդոր Մոնուար, Գուստավ Մուանիե, Գիլյոմ-Անրի Դյուֆուր և Լուի Ապիա |
Պարգևներ | |
Կայք | www.redcross.am |
46°13′40″N 6°8′14″E |
1863 թվականին Շվեյցարիայում ստեղծվել է «Հիվանդ ու վիրավոր մարտիկների խնամատարության կոմիտե»։ Հաջորդ տարուց սկսած կազմակերպվել են «Կարմիր խաչի» ազգային ընկերություններ, հետագայում հիմնադրվել է միջազգային «Կարմիր խաչ», ստեղծվել նրա միջազգային կոմիտե։ 1965-ի կանոնադրությամբ՝ միջազգային «Կարմիր խաչի» գերագույն օրգանը կոնֆերանսն է, որը գումարվում է չորս տարին մեկ, իսկ կոնֆերանսների միջև ընկած ժամանակաշրջանում՝ մշտական հանձնաժողովը։ Հայկական Կարմիր Խաչի ընկերությունը հիմնադրվել է 1921 թվականին։ Քաղաքներում ու խոշոր բնակավայրերում կազմակերպել է մասնաճյուղեր, կապ հաստատել հայկական գաղութների հետ։ Հիմնել է տրոպիկական կայաններ, ամբուլատորիաներ, վեներական հիվանդներին օգնող բուժկետեր, առաջին օգնության բուժակային ու բժշկական կետեր։ Կազմակերպել է բժշկական ջոկատներ և ուղարկել շրջանները՝ բծավոր տիֆի, տրախոմայի, վեներական հիվանդությունների դեմ պայքարելու։ Բացել է հիվանդանոցներ, ծննդատներ, երկրաշարժի ժամանակ օգնել տուժածներին։
{{cite book}}
: CS1 սպաս․ location missing publisher (link)Վիքիպահեստն ունի նյութեր, որոնք վերաբերում են «Կարմիր խաչի և կարմիր մահիկի միջազգային շարժում» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 334)։ |
This article uses material from the Wikipedia Հայերեն article Կարմիր խաչի և կարմիր մահիկի միջազգային շարժում, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.