Festivali Evropian i Këngës 2024 do të jetë edicioni i 68-të i Festivalit Evropian të Këngës.
Është planifikuar të zhvillohet në Malmö, Suedi, pas fitores së vendit në konkursin e vitit 2023 me këngën "Tattoo" nga Loreen. Organizuar nga Unioni Evropian i Transmetuesve (EBU) dhe transmetuesi pritës Sveriges Television (SVT), gara do të mbahet në Malmö Arena dhe do të përbëhet nga dy gjysmëfinale më 7 dhe 9 maj dhe një finale më 11 maj 2024. Do të jetë hera e tretë që konkursi zhvillohet në Malmö, i cili e organizoi më 1992 dhe 2013, dhe hera e shtatë në Suedi, e cila e organizoi për herë të fundit në Stokholm më 2016.
Festivali Evropian i Këngës 2024 | |
---|---|
Datat | |
Gjysmëfinalja e parë | 7 maj 2024 |
Gjysmëfinalja e dytë | 9 maj 2024 |
Finalja | 11 maj 2024 |
Pritës | |
Vendi | Malmö Arena, Malmö, Suedi |
Mbikëqyrës ekzekutiv | Martin Österdahl |
Producent ekzekutiv | Ebba Adielsson Christel Tholse Willers |
Transmetuesi pritës | Sveriges Television (SVT) |
Pjesëmarrës | |
Numri i pjesëmarrësve | 37 |
Shtetet debutuese | Asnjë |
Shtetet që kthehen | Luksemburgu |
Votimi | |
Sistemi i votimit | Secili shtet jep dy palë pikë nga 12, 10, 8–1 pikë për këngët e tyre të preferuara: njëra nga juria e tyre profesionale dhe tjetra nga televotimi. |
Konkursi i vitit 2024 do të zhvillohet në Malmö, Suedi, pas fitores së vendit në edicionin e vitit 2023 me këngën "Tattoo", interpretuar nga Loreen. Kjo do të jetë hera e shtatë që Suedia e organizon konkursin, pasi e ka bërë këtë më parë më 1975, 1985, 1992, 2000, 2013 dhe 2016. Arena e përzgjedhur është Malmö Arena me 15,500 ulëse, një arenë e brendshme me shumë qëllime që shërben si arenë për ndeshjet e hendbollit, të futbollit, koncerte dhe ngjarje të tjera, i njohur për faktin se ka qenë organizues i Festivalit Evropian të Këngës 2013.
Menjëherë pas fitores së Suedisë në konkursin e vitit 2023, qytetet e para që shprehën interesin e tyre për të pritur edicionin e vitit 2024 ishin Stokholmi, Goteborgu dhe Malmö, tri qytetet më të mëdha në vend, si dhe ato që kanë pritur më parë konkursin. Përveç këtyre, një numër qytetesh të tjera shprehën gjithashtu synimin e tyre për të konkurruar në ditët që pasuan fitoren e vitit 2023, përkatësisht Eskilstuna, Jönköping, Örnsköldsvik, Partille dhe Sandviken. Më 7 korrik 2023, EBU-ja dhe SVT-ja e shpallën Malmö-n si qytetin pritës.
Përshtatshmëria për pjesëmarrje në Festivalin Evropian të Këngës kërkon një transmetues kombëtar me një anëtarësim aktiv në EBU, të aftë për të marrë konkursin përmes rrjetit të Eurovizionit dhe për ta transmetuar atë drejtpërdrejt në mbarë vendin. EBU-ja lëshon ftesa për të marrë pjesë në konkurs për të gjithë anëtarët.
Për konkursin e vitit 2024, shtetet e pranueshme kishin afat deri më 15 shtator 2023 për t'i dërguar EBU-së konfirmimin e pjesëmarrjes së tyre dhe deri më 11 tetor 2023 të tërhiqeshin pa u përballur me ndëshkime financiare.
Deri në dhjetor 2023, 37 shtetet e mëposhtme kanë konfirmuar publikisht synimin e tyre për të marrë pjesë në 2024. Luksemburgu do të rikthehet në garë 31 vjet pas pjesëmarrjes së tij të fundit në 1993.
Shteti | Transmetues | Artist(ë) | Kënga | Gjuha | Tekstshkrues |
---|---|---|---|---|---|
Armenia | AMPTV | mars 2024 | |||
Australia | SBS | Electric Fields | "One Milkali (One Blood)" | Anglisht, Yankunytjatjara |
|
Austria | ORF | Kaleen | "We Will Rave" | Anglisht |
|
Azerbajxhani | İTV | mars 2024 | |||
Belgjika | RTBF | Mustii | "Before the Party's Over" | Anglisht |
|
Britania e Madhe | BBC | Olly Alexander | "Dizzy" | Anglisht |
|
Çekia | ČT | Aiko | "Pedestal" | Anglisht |
|
Danimarka | DR | Saba | "Sand" | Anglisht |
|
Estonia | ERR | 5miinust & Puuluup | "(Nendest) narkootikumidest ei tea me (küll) midagi" | Estonisht |
|
Finlanda | Yle | Windows95man | "No Rules!" | Anglisht |
|
Franca | France Télévisions | Slimane | "Mon amour" | Frëngjisht |
|
Gjeorgjia | GPB | mars 2024 | |||
Gjermania | NDR | Isaak | "Always on the Run" | Anglisht |
|
Greqia | ERT | Marina Satti | "Ζάρι (Zari)" | Greqisht, Anglisht |
|
Holanda | AVROTROS | Joost Klein | "Europapa" | Holandisht |
|
Islanda | RÚV | 11 mars 2024 | |||
Irlanda | RTÉ | Bambie Thug | "Doomsday Blue" | Anglisht |
|
Italia | RAI | Angelina Mango | "La noia" | Italisht |
|
Izraeli | IPBC | Eden Golan | "Hurricane" | ||
Kroacia | HRT | Baby Lasagna | "Rim Tim Tagi Dim" | Anglisht | Marko Purišić |
Letonia | LTV | Dons | "Hollow" | Anglisht |
|
Lituania | LRT | Silvester Belt | "Luktelk" | Lituanisht |
|
Luksemburgu | RTL | Tali | "Fighter" | Frëngjisht |
|
Malta | PBS | Sarah Bonnici | "Loop" | Anglisht |
|
Moldavia | TRM | Natalia Barbu | "In the Middle" | Anglisht |
|
Norvegjia | NRK | Gåte | "Ulveham" | Norvegjisht |
|
Polonia | TVP | Luna | "The Tower" | Anglisht |
|
Portugalia | RTP | mars 2024 | |||
Qiproja | CyBC | Silia Kapsis | "Liar" | Anglisht | Dimitris Kontopoulos |
San Marino | SMRTV | Megara | "11:11" | Italisht, Spanjisht |
|
Serbia | RTS | Teya Dora | "Рамонда (Ramonda)" | Serbisht |
|
Shqipëria | RTSH | Besa Kokëdhima | "Titan" | Anglisht |
|
Sllovenia | RTVSLO | Raiven | "Veronika" | Sllovenisht |
|
Spanja | RTVE | Nebulossa | "Zorra" | Spanjisht |
|
Suedia | SVT | Marcus & Martinus | "Unforgettable" | Anglisht |
|
Ukraina | UA:PBC | Alyona Alyona & Jerry Heil | "Teresa & Maria" | Ukrainisht |
|
Zvicra | SRG SSR | Nemo | "The Code" | Anglisht |
|
This article uses material from the Wikipedia Shqip article Festivali Evropian i Këngës 2024, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.