Evropa duke pasur industri të zhvilluar arriti të zhvilloj edhe bujqësinë.
Ekonomia e Evropës është e llojllojshme, ngase këtë e bëjnë të mundshme edhe kushtet natyrore dhe niveli i zhvillimit. Bujqësia e Evropës dallohet me shkallë të lartë të mekanizimit, kimizimit, numër të madh ekspertësh bujqësorë, me popullsi të arsimuar bujqësore, me rendimente të larta në bujqësi dhe në blegtori. Dikur Evropa importonte shumë prodhime bujqësore, ndërsa tash vendet e zhvilluara të Evropës janë eksportues të shumë prodhimeve bujqësore, sidomos blegtorale.
Industria e Evropës është e llojllojshme dhe gjithnjë e më tepër po automatizohet. Evropa ka të zhvilluar edhe turizmin, për shka se ka pasuri të rralla natyrore, shumë objekte kulturore-historike, rrugë moderne, komunikacion të zhvilluar dhe standard të lartë jetese.
Njëri nga treguesit më kompleks që tregon shkallën e zhvillimit është lartësia e të ardhuarve për banorë.
Të ardhurat për banorë tregojnë sa është vlera e krijuar me punë në lëmenjtë prodhues e shërbyes brenda vitit e pjesëtuar për banorë. Marrë në tërësi Evropa ka nivel të lartë të ardhurash për kokë banori- mesatarja 14560 $, dhe në të gjenden shtetet me nivel të lartë zhvillimi, me të ardhura mbi mesataren (16 vende), por ka edhe shtete me nivel mesatar (27 vende). Dallimi në mes Moldavisë dhe Luksemburgut ishte 105 herë, ose me Ukrainën dhe Luksemburgut dallimi ishte 60 herë, apo mesatares së të ardhurave të shteteve të Evropës Veriore (rreth 30000 $) me Ukrainën (700 rreth 40 herë). Pra, brenda shteteve të Evropës dhe regjioneve të saj ka dallime shumë të mëdha në të ardhura për kokë banori.
Ky artikull me tematikë në lidhje me gjeografinë e Evropës është një faqe cung. Ju mund të ndihmoni Wikipedia-n duke e përmirësuar atë. |
This article uses material from the Wikipedia Shqip article Ekonomia e Evropës, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.