Meleqët Në Islam

الملك, al-malak, tur. melek). Në Islam ata janë krijesa të nderuara, që i ka krijuar Allahu nga drita (nuri). Në ndryshim nga njerëzit dhe xhindët që kanë liri të zgjedhin a të bëjnë mirë ose keq, engjëjt nuk e kanë këtë liri, ata nuk kanë mundësi t'u rezistojnë urdhrave të Allahut, dhe mund të bëjnë vetëm mirë.

Besimi në engjëj është një nga gjashtë kushtet e besimit Islam.

Sipas traditës islame, engjëj ka shumë dhe numri i tyre është një nga gjërat e njohura vetëm nga Zoti. Myslimanëve janë të njohur me engjëjt që janë të përmendur në librin e shenjtë të fesë islame, Kuranin, e për ta ka folur shumë edhe profeti Muhamed.

Katër engjëjt e mëdhenj

Katër engjëjt e mëdhenj janë:

• Xhibrili, sjellësi i shpalljeve të Allahut tek të dërguarit
• Azraili, i njohur edhe si Meleku i vdekjes, ka për detyrë të marrë shpirtrat në çastin e vdekjes
• Mikaili, së bashku me engjëjt e tijë ndihmës, ka përgjegjësi për të gjitha dukuritë dhe proceset në hapësirë dhe natyrë lidhur me botën e gjallë dhe jo të gjallë, siç janë: lëviza e galaktikave, yjeve dhe planetave, fryrja e erërave, lëvizja e reve, rënja e shiut dhe reshjeve të tjera, pastaj për fekondimin, rritjen dhe zhvillimin e bimëve, zgjedhjen e ngjyrave, madhësive dhe shijen e bimëve dhe fruteve
• Israfili, është engjëlli që do ti fryjë borisë Sur që do të lamëroj shkatërrimin e hapësirës në fundin e kohës, gjëgjësisht lajmëron Ditën e Gjykimit, dhe pastaj prap do ti frye që të lajmëroj ringjalljen e të vdekurve dhe Ditën e Gjykimit.

Engjëjt e tjerë të njohur

• Hamelei Arshi
• Hafaza, janë engjëjt mbrojtës:
  • Kiramen-katibin
  • Muakibet
• Munkiri dhe Nekiri
• Ridvani, udhëheqësi i Xhenetit
• Maliku, udhëheqësi i Xhehenemit
• Zebanijët
• Dardailët
• Haruti dhe Maruti

Numri i engjëjve

Sipas traditës islame, engjëj ka shumë dhe numri i tyre dihet vetëm nga Allahu. Për numrin e engjëjve flasin edhe dituritë e Muhamedit në Miraxh, ku Ai ka parë Bejtul-Ma'mur ("Tempullin me plotë të devotshëm"), ku çdo ditë faleshin 70 mijë engjëj, të cilët pas faljes nuk kthehen më në të, për shkak të numrit të madhë të engjëjve.