Boderline Personality Disorder

පහත දක්වා ඇති ලක්ෂණ වලින් පහක් හෝ වැඩි ගණනක් ඇති පුද්ගලයා BPD රෝගියෙකු ලෙස මනෝ චිකිත්සකවරයා හෝ මනෝ වෛද්‍යවරයා විසින් නිර්ණය කරනු ලබයි.

• සැනෙකින් වෙනස් වන අදහස්, හැඟීම් ඇතිවීම. (උදා: පෙර දවසේ හොඳ යයි පවසමින් ආදරය කල පුද්ගලයා හට හෙට දිනයේදී වෛර කිරීම)
• පුද්ගල සම්බන්ධතා ස්ටාවරව පවත්වා ගැනීමට ඇති නොහැකියාව
• තමන් ගැන විවිධාකාරවූ ප්‍රතිරුපයන් ඇතිවීම (අසල සිටින පුද්ගලයා හෝ පරිසරය මත වෙනස් වේ)
• තම ක්‍රියාවන් නිසා ඇතිවන ප්‍රතිවිපාක ගැන නොසිතා කටයුතු කිරීම
• ස්වයං හානි පමුණුවා ගැනීම (ශරීරය තියුණු අයුධ වලින් කපා ගැනීම, ඖෂධ අනිසි ලෙස භාවිතා කිරීම)
• තමන් හුදකලවෙයි/අතහැර යතියි/ප්‍රතික්ෂේප වෙයි පවතින අනිසි භිය.
• නැති තත්වයන්/සිද්ධීන් සත්‍ය යයි මවා ගැනීම.

BPD ඇති වීමට එක් නිශ්චිත හේතුවක් මෙතෙක් සොයාගෙන නොමැත. ජානමය, සමාජයීය බලපෑම සහ පවුල් පසුබිම මෙම රෝග තත්වය ඇති වීම සඳහා බලපායි.

• කුඩා කලදී හෝ නව යොවුන් වියේදී තනිවීම, නොසලකා හැරීම.
• අසමතිලිත පවුල් පසුබිම.
• පවුල තුල ඇති සන්නිවේදන ගැටළු.
• ලිංගික අපයෝජන.

මෙම තත්වය කාන්තාවන් අතර වැඩිපුර දක්නට ලැබේ.

Dialectical behavioral therapy (DBT) වැනි උපදේශන,සාකච්චා විධි ප්‍රතිකාර සඳහා යොදා ගැනේ. සමුහ චිකිතසවන්ද (group therapy) ස්වයං හානි කිරීමට තැත්කරන රෝගීන් සඳහා භාවිත කෙරේ. මනෝ චිකිත්සකය විසින් හැඟීම් වෙනස්වීම් පාලනය සඳහා ඖෂද වර්ග භාවිතා කරයි.