Tga Malṭa yat tmazirt igan tagzirt ɣ iffus n urubba.
Ism nns unṣib iga t Tagduda n Malṭa (s tmalṭiyt : Repubblika ta' Malta). Tamaẓunt nns tga tt Balita (Valletta). Tutlayin nns tunṣibin gant tnt : tamalṭiyt d tnglizt. Taggug nn f tuns s 284 km. zdɣn tt 475 000 n umdan. Tga tamazirt tiss mrawt akk imẓẓyn ɣ umaḍal.
Mqqar tlla Malṭa ɣ Urupa mac tqqrb ula i Tafriqt.
Ṭalyan aygan tamazirt iyudsn i Malṭa zɣ tsga n Urupa, d Tuns d Libya zɣ tsga n Tafriqt.
Tamazirt ad tsuds zɣ 3 n tgzirin ituzdɣn nitni : Malṭa, Gudc d Kumuna. d tigzirin ur tuzdɣnin gan : Kumunat ,Filfila, d tgzirt n Umrabḍ bulus.
Anzwi n Malṭa iga anzwi n yill Agrakal tanammast n taɣlt tlla gr 12 d 26 tafsna (taskflt) silasyuz (°C), d unẓar itawḍ ar 500 ml ɣ usggwas .
Uṭṭun imzdaɣ n Malṭa iga uggar n 400 000 n middn, mac tanẓẓi n middn tmqqur tawḍ ar attayn 1200 n imzdaɣ i Km2, acku tajjuma (surface) n Malṭa tmẓẓiy, tawḍ atayn, 94% n imzdaɣ n tmazirt ad zdɣn ɣ tmdinin, d ataya n 5% n ibṛaniyn.
Tamasiḥit aygan asgd unṣib n tmazirt n Malṭa. Mac illa yan wuṭṭun imẓẓiyn n yisgdn yaḍnin.
Tutlayt Tamalṭit ay-gan tutlayt tunṣibt n Malṭa, nttat tga yat tutlayt tasammit(afru-azyatik) tatrart d atayn 60% zɣ tutlayt a aẓur nns d alatini d taɛrabt. Ar ttaran imalṭiyn tutlayt tamalṭit s agmmay alatin.
This article uses material from the Wikipedia Taclḥit article Malṭa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.