Malta

La pupulazzioni è di casi 400.000 abbitanti. Lu Maltisi e lu ngrisi sugnu li lingui ufficiali. Lu talianu nun è na lingua nazziunali, ma veni parratu d'assai genti, spiciarmenti nnî centri turistici.

Malta
Dati amministrativi
Nomu cumpretu	Ripubbrìca dî Mauta
Nomu ufficiali	(MT) Repubblika ta' Malta (EN) Republic of Malta
Lingui ufficiali	Maltisi, Ngrisi
Àutri lingui	Talianu
Capitali	Valletta  (5.827 ab. / 2019)
Pulitìca
Guvernu	Ripubbrìca Parlamintari
Capu đđî Statu	Myriam Spiteri Debono
Capu di Guvernu	Robert Abela
Nnipinnenza	21 Sittèmmiru 1964
Trasuta nnâ l'ONU	1º Dicèmmiru 1964
Trasuta nnâ l'UE	1º Maiu 2004
Ària
Tutali	316 km²
% di l'acqui	0,001 %
Pupulazziuni
Tutali	525.825 ab. (2020)
Dinsitati	1.376 ab./km²
Ìnnici đđî criscita	0,359% (2012)
Nomu đđî l'abbitanti	Mautisi
Giografìa
Cuntinenti	Europa
Cunfini	Nuddu
Fusu urariu	UTC+1 UTC+2 (cu l'urariu ligali)
Ecunumìa
Munita	Euru
Àutru
Còdici ISO 3166	MT, MLT, 470
TLD	.mt, .eu
Prifissu tel.	+356
Sigla autu.	M
Innu nazziunali	L-Innu Malti
Festa nazziunali	21 Sittèmmiru

Malta è, n tèrmini di diminziuni, lu cchiù nicu statu di l'Unioni Europea.

Di la Sicilia, si pò agghicari a Malta pi menzu di l'ariupranu o la navi. Si pò varchiari di Catania, Puzzaddu, Licata, Sarausa.

L'arcipèlacu maltisi s'attrova sulu a 93 chilòmitri a sud dâ Sicilia e a 290 chilòmitri a livanti dâ Tunisia. Cumprenni sti tri ìsuli maggiuri:

• Malta (246 km²),
• Gozo (Għawdex, 67 km²)
• Cumminu (Kemmuna, 3 km²)

Supra Cumminu nun cci sunnu nè màchini nè muturini e sulu cincu abbitanti.

 

Lu puntu cchiù àutu supra l'ìsula di Malta è Ta' Dmejrek a 253 metri s.l.m. Lu clima è timpiratu meditirraniu, cu mmernu mudirusu e chiuvusu e stati càuda e sicca.

L'ìsula principali è spartuta n cincu cumuni, mentri Gozo e Cumminu furmanu nzèmmula lu sestu cumuni.

La capitali è Valletta. L'àutri dui paisi maggiuri sugnu Rabat (o Victoria) supra l'ìsula di Gozo, e Birzebbuga supra l'ìsula principali. Mdina, ô centru di l'ìsula principali, era l'antica capitali.

Malta havi na storia millinaria e ricca, ca tanti voti s'assimmigghia a la storia dâ Sicilia. Ma l'abbinimentu stòricu cchiù mpurtanti fu sinza dubbiu l'assediu turcu dû 1565. L'ìsula cu l'esèrcitu dî Cavaleri risistìu a chidda ca era cunzidirata comu la forza militari cchiù putenti di l'èbbica.

Malta addivintò nu statu ntô 1962 e pigghiò la sò nnipinnenza dû Regnu Unitu lu 21 di sittèmmiru 1964. Addivintò na ripùbbrica ntô 1974. Accuminzò a fari parti di l'Unioni Europea di lu 1 di maiu 2004. Ntô 2008, l'Euro trasiu ntâ circulazzioni n sostituzzioni dâ precedenti munita locali, la lira maltisa.

• Fungus Rock
• Storia di Malta
• Cumuna di Malta

• L'edizzioni maltisi dâ wikipedia
• it:Malta
• visitmalta.com
• globalfgeografia.com
• Malta di Cedrick Gauthier-Lacognata
• Fotu di Gozo
• GuideToMalta.net
• Malta Travel Guide