ᱡᱟᱯᱟᱱᱤᱡᱽ ᱯᱟᱹᱨᱥᱤ
ᱡᱟᱯᱟᱱᱤᱡᱽ ᱯᱟᱹᱨᱥᱤ(ᱡᱟᱯᱟᱱᱤᱡᱽ : 日本語 ᱱᱤᱦᱚᱸᱜᱳ) ᱫᱚ ᱡᱟᱯᱟᱱ ᱫᱤᱥᱚᱢ ᱨᱮᱱᱟᱜ ᱢᱩᱬ ᱟᱨ ᱨᱟᱡᱽᱯᱟᱹᱨᱥᱤ ᱠᱟᱱᱟ ᱾ ᱫᱚᱥᱟᱨ ᱡᱮᱜᱮᱛ ᱞᱟᱲᱦᱟᱹᱭ ᱚᱠᱛᱚ ᱨᱮᱱᱟᱜ ᱢᱟᱬᱟᱝ ᱠᱷᱚᱱ ᱜᱮ ᱯᱩᱭᱞᱩ ᱫᱚ ᱠᱳᱨᱤᱭᱟ, ᱯᱷᱟᱨᱢᱟᱥᱟ ᱟᱨ ᱥᱚᱠᱷᱟᱞᱤᱱ ᱴᱨᱮ ᱠᱚ ᱨᱚᱲ ᱠᱟᱱ ᱛᱟᱦᱮᱸᱫ ᱾ ᱱᱤᱛ ᱦᱚᱸ ᱠᱳᱨᱤᱭᱟ ᱟᱨ ᱯᱷᱟᱨᱢᱟᱥᱟ ᱨᱮ ᱡᱟᱯᱟᱱᱤᱡᱽ ᱯᱟᱹᱨᱥᱤ ᱵᱩᱡᱷᱟᱹᱣ ᱦᱚᱲ ᱢᱮᱱᱟᱜ ᱠᱚ ᱜᱮᱭᱟ, ᱢᱮᱱᱠᱷᱟᱱ ᱵᱟᱹᱭ ᱵᱟᱹᱭ ᱛᱮ ᱩᱱᱠᱩᱣᱟᱜ ᱮᱞ ᱫᱚ ᱠᱚᱢᱤᱫᱤᱜ ᱠᱟᱱᱟ ᱾ ᱡᱟᱯᱟᱱᱤ ᱯᱟᱹᱨᱥᱤ ᱫᱚ ᱪᱤᱱᱤ-ᱛᱤᱵᱽᱵᱚᱛᱤ ᱯᱟᱹᱨᱥᱤ ᱜᱷᱟᱨᱚᱡᱽ ᱨᱮᱱᱟᱜ ᱫᱚ ᱵᱟᱝ ᱠᱟᱱᱟ ᱾ ᱯᱟᱹᱨᱥᱤ ᱥᱟᱬᱮᱥᱤᱭᱟᱹ ᱠᱚ ᱱᱚᱶᱟ ᱫᱚ ᱡᱟᱯᱟᱱᱤ ᱯᱟᱹᱨᱥᱤ ᱜᱷᱟᱨᱚᱡᱽ ᱨᱮᱜᱮ ᱠᱚ ᱫᱚ ᱫᱚᱦᱚᱭᱟ ᱾ ᱛᱤᱢᱤᱱ ᱜᱟᱱ ᱫᱚ ᱡᱟᱯᱟᱱᱤ-ᱠᱳᱨᱤᱭᱚᱭ ᱜᱷᱟᱨᱚᱡᱽ ᱨᱮᱱᱟᱜ ᱢᱮᱱᱛᱮ ᱦᱚᱸ ᱠᱚ ᱢᱟᱱᱟᱣ ᱜᱮᱭᱟ ᱾ ᱱᱚᱶᱟ ᱯᱟᱹᱨᱥᱤ ᱫᱚ ᱵᱟᱨᱭᱟ ᱦᱚᱨᱚᱯ ᱨᱮᱱᱟᱜ ᱢᱮᱥᱟ ᱠᱟᱴᱮ ᱠᱚ ᱚᱞᱟ, ᱢᱤᱫ ᱫᱚ ᱠᱟᱸᱡᱤ ᱦᱚᱨᱚᱯ ᱟᱨ ᱢᱤᱫ ᱫᱚ ᱠᱟᱱᱟ ᱦᱚᱨᱚᱯ ᱾
ᱱᱟᱜᱟᱢ
ᱡᱟᱯᱟᱱᱤᱡᱽ ᱯᱟᱹᱨᱥᱤ ᱛᱤᱥ ᱠᱷᱚᱱ ᱮᱦᱚᱵ ᱮᱱᱟ ᱚᱱᱟ ᱨᱮᱱᱟᱜ ᱡᱟᱦᱟᱸᱱ ᱡᱚᱛᱷᱟᱛ ᱥᱟᱹᱠᱷᱤ ᱵᱟᱝ ᱛᱮ ᱴᱷᱟᱶᱠᱟᱹ ᱞᱟᱹᱭ ᱵᱟᱝ ᱜᱟᱱᱚᱜᱼᱟ ᱾ ᱛᱮᱥᱟᱨ ᱥᱟᱭᱟᱝ ᱥᱮᱨᱢᱟ ᱨᱮ ᱚᱞ ᱞᱮᱱ ᱢᱤᱫ ᱪᱤᱱᱤ ᱯᱚᱛᱚᱵ ᱨᱮ ᱡᱟᱯᱟᱱ ᱨᱮᱱᱟ ᱛᱤᱢᱤᱱ ᱜᱟᱱ ᱴᱷᱟᱶ ᱟᱨ ᱦᱚᱲᱟᱜ ᱧᱩᱛᱩᱢ ᱧᱟᱢᱚᱜ ᱠᱟᱱᱟ, ᱚᱸᱰᱮ ᱠᱷᱚᱱ ᱜᱮ ᱯᱟᱭᱛᱟᱨ ᱦᱩᱭ ᱫᱟᱲᱮᱭᱟᱜᱼᱟ ᱪᱤ ᱩᱱ ᱚᱠᱛᱚ ᱨᱮ ᱡᱟᱯᱟᱱᱤᱡᱽ ᱯᱟᱹᱨᱥᱤ ᱫᱚ ᱦᱟᱨᱟᱵᱩᱨᱩ ᱦᱩᱭ ᱥᱟᱹᱛ ᱟᱠᱟᱱ ᱛᱟᱦᱮᱸᱫ ᱾ ᱗-᱘ ᱥᱟᱭᱟᱝ ᱨᱮ ᱡᱟᱯᱟᱱᱤᱡᱽ ᱦᱚᱲ ᱪᱟᱭᱱᱟ ᱟᱹᱨᱥᱤ ᱟᱨ ᱦᱚᱨᱚᱯ ᱠᱚ ᱪᱮᱫ ᱮᱱᱟ, ᱚᱱᱟ ᱛᱟᱭᱚᱢ ᱪᱟᱭᱱᱟ ᱯᱟᱹᱨᱥᱤ ᱛᱮ ᱱᱟᱜᱟᱢ, ᱚᱛᱱᱚ ᱮᱢᱟᱱ ᱠᱚ ᱚᱞ ᱠᱮᱫᱼᱟ ᱾ ᱵᱟᱹᱭ ᱵᱟᱹᱭ ᱛᱮ ᱪᱤᱱᱤ ᱦᱚᱨᱚᱯ ᱛᱮ ᱡᱟᱯᱟᱱᱤᱡᱽ ᱯᱟᱹᱨᱥᱤ ᱚᱞ ᱨᱮᱱᱟᱜ ᱦᱚᱨᱟ ᱠᱚ ᱯᱟᱱᱛᱮ ᱧᱟᱢ ᱠᱮᱫᱼᱟ ᱾
ᱵᱟᱨᱦᱮ ᱡᱚᱱᱚᱲ
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱡᱟᱯᱟᱱᱤᱡᱽ ᱯᱟᱹᱨᱥᱤ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.