Бронзова доба
Историчны добы |
---|
Правѣк (3 милионы - 3500 до Р. Х.) |
Камяна доба |
Старовѣк (3500 до Р. Х. - 6. ст.) |
Вандрованя народох |
Середновѣк (6. - 15. столѣтя) |
Ранный середновѣк Зрѣлый середновѣк Поздный середновѣк |
Нововѣк (15. ст. - сучасность) |
Ренесанция Ранный нововѣк Найновша история |
Середновѣк — период европской истории од V. стороча (упадок Римской империи и Велике вандрованя народох) до епохы Ренесанции и Реформации (конець XV. стороча — зачаток XVI. стороча).
Подля устояной периодизации ранный середновѣк скорше настав в Западной Европѣ, як во Выходной (около IX.-XI. ст.).
Середновѣк як общесвѣтовый период в историчном розвою крайох Азии, Африкы, Америкы — вопрос дискутабилный. В сучасности пануе думка, же середновѣк яко зъяв е чисто регионалным, але тот термин часто ся хоснуе про опис подѣй, што ся стали перед 500-1500 роками, независимо од региону и шпецификы.
По упадку Римской империи зачала ся доба вандрованя народох, котру справедливо мож назвати «темнов добов», понеже многы вылѣпшѣня, принесены в часѣ Римской империи, як дость ефективне земледѣлство, широкы сѣти дорог, системы водоживѣня значно прийшли в упадок, як и умѣлство и научны усилованя.
Далшов добов было ширѣня христианства, запутане и противорѣчиве. До VI. стороча оно загорнуло Западну Европу, де ключову роль играла Римокатолицка Церковь, а до XII. стороча — цѣлу Европу. В XII. сторочу настала културна и економична оброда; многы историци видять там выток Ренесанции. Центер економичных сил зачав помалы ся пересувати из Выходного Середоморя до Западной Европы. В умѣлствѣ и архитектурѣ вывинув ся готичный штил. Городы зачали процвѣтати, путованя и комуникация зробили ся скоршыма, безпечныма и простыма, зачала ся розвивати торговля и класы торговцьох. Еднов з важных причин процвѣтаня было поднятя земледѣлства; В XII. сторочу пестованя бобовых первый раз в истории учинило збалансовану выживу доступнов про вшиткы социалны верстѣ. Вершинов середновѣкой цивилизации было XIII. стороча. Роспад феодалных штруктур, змоцнѣня городох-держав в Италии, вывой националных монархий в Испании, Франции и Англии, а тыж розвой културы, рост мирянского образованя, привели ку роджѣню новой епохы з новым духом, котру познаеме як Ренесанцию.
This article uses material from the Wikipedia Русиньскый article Середновік, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.