Hrdza

В основѣ их творбы лежить людова музика, словацка и русинска, але в модерном аранжованю, творцьом котрого переважно е Славомир Гибарти. Хоть словацкый традичный фолклор богатый, але така его интерпретация указала ся единечна и рѣшаюча про ростучу популарность групы.

Коли в року 1999 задумали ся о своей назвѣ, вшитко рѣшила фарба волося первой соло спѣвачкы Ярославы Сисаковой, а хоть ей з часом вымѣнила Вероника Рабадова (2002–2015), не рыджа, оригинална назва уж надале зостала спознаванов значков групы.

Уже зоз первым своим албумом были означены критиков як талентована група, котра мать свою властну тварь, позначену перфекционизмом. Другый албум Pod božími oknami быв вызнаный за вершину словацкой етно музикы, а спѣванка Na horách býva з нього е доднесь часто грана в словацкых радиях. З Вероников Рабадовов награли еще третий албум, а в року 2015 она одышла з групы, котра за тот период зыскала понад 20 наград в краю и заграничу. В року 2010 група выграла словацке коло Eurovision Song Contest, але была дисквалификована, коли пришли на то, же их спѣванка Taká sa mi páči, не е цѣлком нова, а е переробленым вариантом скорше презентованой спѣванкы, што заказане правилами. Од року 2015 соло спѣвачков групы е Лемкыня Сусанна Яра.

• Muzička (2002)
• Pod božími oknami (2006)
• Hajnajnanyja (2009)
• Hrdzavá osemnástka (2016)
• Neskrotený (2018)

• Официалный сайт словац. англ.
• Архивована копия Eurovision escportal.cz (по чешскы). 2010. Archived from the original on 2014-06-06. https://web.archive.org/web/20140606204306/http://escportal.cz/soutezici-eurosongu-2010/. [перевірено 2019-12-14]. 
• Ivana Radechovská (2009-09-02). Mozaika: Pod Božími oknami (по чешскы). Český rozhlas Vltava. https://vltava.rozhlas.cz/2-9-5161944?print=1. [перевірено 2019-12-15]. 
• Eurosong 2010: Hrdza skončila, postupuje Horská Chata (по словацкы). aktuality.sk. 2010-01-29. https://www.aktuality.sk/clanok/155569/eurosong-2010-hrdza-skoncila-postupuje-horska-chata/. [перевірено 2019-12-15].