Тыждень — мѣра часу, довжа як день а куртша як мѣсяць ай обсягуе в собѣ сѣм днѣ.
Во векшинѣ култур тыждень сѣмденный, але были културы, котры мали пятьденный и десятьденный тыжднѣ. Стародавны Римляне мали восямденный тыждень аж до часу, покаль ку ним ни пришло христианство зоз сѣмденным тыждньом. Од 1. октобра 1929 в револучном календарю СССР пробовали пятьденный тыждень (в роках 1929–1931), пак в роках 1932–1940 шѣстьденный, але 26. юна 1940 револучный календарь скасовали и вернули ся ку традичному сѣмденному тыждню.
Еден день в тыждню во вельо културах ся выокремлять як день спочивку або день про религийны обряды. В Споеных Штатох мають сѣм днѣ в тыждню, рахованых в порядку: недѣля, понедѣльок, второк, середа, четверь, пятниця, субота. В Европѣ и Латинской Америцѣ ся але векшинов поуживать рахованя дньох од понедѣлька, котрый зачинать працовный тыждень.
Слово тыж-день в славянскых языках означать, же по семи дньох вертать ся тот истый день, котрый маеме теперь.
Звычай мѣряти час семиденныма тыжднями пришов зоз стародавной Вавилонии и быв звязаный з фазами Мѣсяця. Синодичный мѣсяць (период котрый обсягуе вшиткы фазы), мать довготу 29,53 днѣ, але в ньому суть дас 1,5 днѣ, коли Мѣсяць зовсѣм не видко, циже час, коли го мож видѣти чинить 28 днѣ. При тому около 7 днѣ тримле змѣна фазы. Зато в давнинѣ люде, мѣряючи час небесныма мѣсяцями, приимали, же каждый з них обсягуе четыри тыжднѣ и еден-два додаточны днѣ, циже подобно тому, як мы теперь рахуеме переступны рокы.
Днї тыждня |
понедїлёк | віторок | середа | четверь | пятніця | субота | недїля |
This article uses material from the Wikipedia Русиньскый article Тыждень, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.