Правѣк — традичне означѣня того периода истории людства, з котрого не суть писомны жерела, циже часу до взнику писма.
Хоснуе ся тыж термин предистория ци преистория, англ. prehistory.
Историчны добы |
---|
Правѣк (3 милионы - 3500 до Р. Х.) |
Камяна доба |
Старовѣк (3500 до Р. Х. - 6. ст.) |
Вандрованя народох |
Середновѣк (6. - 15. столѣтя) |
Ранный середновѣк Зрѣлый середновѣк Поздный середновѣк |
Нововѣк (15. ст. - сучасность) |
Ренесанция Ранный нововѣк Найновша история |
Правѣк загорнюе час взнику и вывоя чоловѣка, людского сполоченства и културы од 3 милионы рокы пред Р.Х. (розграня третёгор и штвертогор), коли во выходной и южной Африцѣ появив ся австралопитек африцкый (Australopithecus africanus), попередник чоловѣка зручного (Homo habilis) до появы найскоршых познатых систем писма около 3300 рокы до Р.Х.
Але требали ещи далшы тысячроча, обы системы писма достали велике росширѣня, а ку XIX. ст. писмо ся росширило майже во вшиткых културах (в Середньой Европѣ по приходѣ Келтох в III. ст. до Р.Х.). Зато, же конець правѣку настав барз в розличных часох в розличных културах, про него ся принимать условна границя. Правѣк так найстарша и найдовша доба в истории. Намѣсто хыблячых писомных жерел материалы до познаня правѣкых култур подавать археология.
„ | Найдавнѣйшѣ періодьі культурного розвитку чоловѣческого рода, из котрых через разнѣ причины письменных памятков не остало, припадают до предисторіи человѣчества, котра починаеся с першым выкопаным костяком и из культурными памятками того вѣка, котрѣ выразливо од чоловѣка происходят. | ” |
Ф. Лессек (правопис оригинала) |
This article uses material from the Wikipedia Русиньскый article Правік, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.