Голокауст
Голокауст (з ґрецького ὁλόκαυστον голокаустон; ὅλος голос цїлый + καυστός каустос спаленый), означованый тыж як шоа (гебрейскы שואה напасть, зничіня, нещастя), хурбен (їдіш חורבן зничіня), є означіня про сістематічне і штатом выконоване пронаслїдованя і масове выгублїня особ означованых як Жыде выконоване націстічным Нїмецьком і ёго споєнцями в часї другой світовой войны.
Під час той ґеноціды было загубеный коло 6 міліонів Жыдів
Термін голокауст быв пізнїше росшыреный і на сістематічне забиваня далшых етнічных, реліґійных і політічных ґруп. Їднать ся о Циґанів, Поляків, Русинів, громадянів Совєтьского союза, тїлесно ці ментално постигнутых, політічных одпорцїв (особісто комуністів і соціалных демократів), гомосексуалів і Свідків Єгововых. Подля той дефініції є чісло жертц міджі 11 аж 17 міліонів.
Термін голокауст
Термін голокауст є одводженый з ґрецького голокаустон, што є означіня про реліґійну жертву, котра ся цїла спалить. Автором терміну є носитель Нобелівской премії за мір Еліе Віесел (* 1928), котрый го першыраз хосновав у своїм романї Ніч (La Nuit, 1958) у змыслї „нічіня огнём“. Жыде преферують біблічный выраз шоа (гебрейскы השואה, знічіня, загуба), котрый є але обмедженый на другу світову войну. Вывраждёваня Циґанів ся зове Пораймос.
Не екзістує общій консенз над ограніченём терміну голокауст. Яд Вашем і ряд історіків односить тот термін лем ку забиваню Жыдів або другых ґруп означованых як расов меншецїнны (Циґане) в часї другой світовой войны.
Термін голокауст є часто ужываный про хоцьяку ґеноціду ці масакер, наприклад про етнічны чіщіня у Рвандї ці ґеноціду Арменів Турції по 1. світовій войнї.
Фідел Кастро означів за расовый голокауст выганяня Циґанів без поволїня ку бываню з Франції.
Жертвы
| Жертвы | Чісла мертвых | Жрідла |
|---|---|---|
| Жыде | 5,9 міліонів | |
| Совєтьскы войновы заятцї | 2–3 міліонів | |
| Поляци | 1,8 – 2 міліонів | |
| Циґане | 220,000–1,500,000 | |
| Люде зо зниженов схопностёв | 200,000–250,000 | |
| Слободны мулярї | 80,000–200,000 | |
| Гомосексуалы | 5,000–15,000 | |
| Салвішы | 2,500–5,000 |
Жыде
Головнов жертвов голокаусту были Жыде. Голокауст є практічнов аплікаціёв „конечного рїшіня жыдівского вопроса“ (Endlösung der Judenfrage), котрым мало быти цілком выгубити жыдівску популацію.
Референції
.
This article uses material from the Wikipedia Русиньскый article Голокауст, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.