لسن یا تھوم تھوم ٹبر دے اک بوٹے دا ناں اے۔ ایس دے پتے تے جڑ کھانیاں وچ ورتے جاندے نیں۔ ایہ وشکارلے ایشیاء دا واسی اے تے انسان ایہنوں پچھلے 7000 وریاں توں ورت ریا اے۔ پرانے مصری ایہنوں جاندے سن تے ایہ کھانیاں تے دوائیاں وچ ورتیا جاریا اے۔
تھوم ٹبر | |
پچھان | |
دیس: | بوٹے |
برادری: | پھلوالے بوٹے |
ٹبر: | نرگس ٹبر |
نکا ٹبر: | تھوم ٹبر |
ٹوکرہ: | ؟ |
سائینسی ناں: | Allium sativum |
ایہ گنڈوالا سدا اگا رہنوالا بوٹا اے جیہڑا 30 توں 90 سینٹی میٹر تک اچا جاندا اے۔ پدھرے نیلے ہرے پتے 15 ملی میٹر تک چوڑے ہوندے نیں۔ ایہدی زمین وچ گنڈ بندی اے جیدے اندر چکر وچ تھوم دیاں تریاں ہوندیاں نیں۔ ایہناں دے دوالے اک پتلی چٹی یا لال لفافی ہوندی اے۔ لمی سدھی ٹاہنی اتے چٹا پھل لگدا اے۔
لسن اک فصل اے جیدا مڈھ وشکارلے ایشیاء توں بندا اے۔ ایہدی جنگلی ونڈ مک گئی اے۔ ایہ پرانے ویلیاں توں کھان پین یا دوائی لئی ورتیا جاندا اے۔ اہرام بنانوالے کمیاں دی روز دے کھاپین وج لسن وی سی۔ رومی تے یونانی ایس دے روگاں نوں مکان والی صفت نون جاندے سن۔ پہلی صدی دا رومی حکیم پیڈیانوس ڈائیسکوریڈس اپنی کتاب ڈی میٹریا میڈیکا وچ تھوم نوں کئی روگاں لئی فیدے والی شے لکھدا اے۔
This article uses material from the Wikipedia شاہ مکھی پنجابی (Shāhmukhī Pañjābī) article لسݨ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.