سٹالن گراڈ دی لڑائی
ستالن گراد شہر جہرا ہن وولگوگراد کہلاندا اے دا محاصرہ ، شہر دا اندر لڑائی تے سویت یونین دا جوابی حملہ جس دے نتیجے چ شہر دے دوالے نازی جرمنی دی 6ویں فوج تے محوری قوتاں مکمل تباہی دا شکار ہوئیاں ، معرکہ ستالن گراد کہلاندا اے ۔ دونے پاسے دیاں کل ہلاکتاں دی کنتی دا اندازہ تقریبا 20 لکھ لائیا گئیا اے ۔ اس معرکے دے نتیجے چ محوری قوتاں نوں تقریبا 8 لکھ 50 ہزار جاناں دا نقصاں چکانا پئیا ، جہڑا چڑھدے محاذ تے اینہاں دی کل افرادی قوت دا اک چوتھائی سی ، اس دے علاوہ رسد تے سامان دا وی وڈے پیمانے تے نقصان ہوئیا ۔ محوری قوتاں اس وڈے نقصان نوں کدے وی پورا نا کر سکئیاں تے آخر کار اینہاں نوں چڑھدے یورپ توں پسپائی اختیار کرنی پئی ۔
سویت یونین لئی ، جسنوں جنگ چ زبردست شکستاں تے جانی تے مالی نقصاناں دا ساہمنا کرنا پئیا سی ، ستالن گراد چ فتح بوہت اہمیت دی حامل سی ۔ ایہہ ایسے شکست دا نتیجہ سی کہ 1945ء چ نازی جرمنی نوں دوجی جنگ عظیم چ مکمل شکست ہوگئی ۔
اوداں تے ایہہ معرکہ جنگ عظیم دا اک اہم موڑ سمجھئیا جاندا اے پر اس نوں جرمن تے سویت فوج دے نظم تے ضبط دی وجہ توں وی یاد رکھئیا جاندا اے ۔ سویت جنہاں نے جرمنی دی جارحیت دے خلاف پہلے ستالن گراد دا دفاع کیتا ، لئی جنگ چ اک ایہوجہا موقع وی آئیا کہ جدوں محاذ تے آن آلے نویں فوجیاں دی متوقع عمر اک دن توں وی گھٹ ہو گئی پر اس دے باوجود انہاں نے پچھے ہٹن دی بجائے مزاحمت جاری رکھی ۔ دوجے پاسے انتہائی خراب موسمی حالات تے چاروں پاسےاوں گھیرے چ آن دے باوجود جرمن سپاہیاں نے ہتھیار نئیں سٹے تے جدوں بالکل ای جنگ جتن دی کوئی امید نا رہی تے بلآخر ہٹلر دے حکم دی خلاف ورزی کردے ہوئے اینہاں نے ہتھیار سٹے ۔
This article uses material from the Wikipedia شاہ مکھی پنجابی (Shāhmukhī Pañjābī) article سٹالن گراڈ دی لڑائی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.