ଜୁଲାଇ ୧ , ୨୦୧୫ରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନୂଆ ଦିଲ୍ଲୀଠାରେ ଏହି ସପ୍ତାହର ଶୁଭ ଉଦ୍ଘାଟନ କରିଛନ୍ତି । ଏହି ଅବସରରେ ଏକ ବିସ୍ତୃତ ବର୍ଗର ଡିଜିଟାଲ ଉତ୍ପାଦ ସେବାଗୁଡ଼ିକର ଉନ୍ମୋଚନ କରିଛନ୍ତି ଯଥା ଡିଜିଟାଲ ଲକର, ଡିଜିଟାଲ ପେମେଣ୍ଟ, ଡିଜିଟାଲ ଶିକ୍ଷା ଇତ୍ୟାଦି ।
ଜୁଲାଇ ୧ରୁ ସପ୍ତାହବ୍ୟାପି ଏହି କାର୍ଯ୍ୟକ୍ରମ ଚାଲୁରହିବ । ଜନସାଧାରଣଙ୍କ ସହ ଏହି ବିଷୟରେ ଯୋଗାଯୋଗ, ସଚେତନତା ଆଦି ପଦକ୍ଷେପ ନିଆଯାଉଛି । ଏହି କାର୍ଯ୍ୟକ୍ରମ ମଧ୍ୟ ବିଭିନ୍ନ ସ୍ତରରେ ଯଥା ଗ୍ରାମ ସ୍ତରୀୟ, ବ୍ଲକ ସ୍ତରୀୟ, ମୁନିସିପାଲିଟି, ସବଡିଭିଜନ, ଜିଲ୍ଲା, ରାଜ୍ୟ, ଏବଂ ଜାତୀୟସ୍ତରରେ ସମସ୍ତ ସରକାରୀ ଅନୁଷ୍ଠାନମାନଙ୍କଠାରୁ ବ୍ୟାପକ ପ୍ରଚାର କରାଯିବ ।
ଡିଜିଟାଲ ଇଣ୍ଡିଆ ଭାରତ ସରକାରଙ୍କ ଏକ ଫ୍ଲାଗସିପ ପ୍ରୋଗ୍ରାମ ଯାହାର ଲକ୍ଷ୍ୟ ‘’ଭାରତକୁ ଡିଜିଟାଲ ସଶକ୍ତ କରି ସମାଜିକ କ୍ଷେତ୍ରରେ ସମୃଦ୍ଧ କରିବା ଓ ପରିବର୍ତ୍ତନ କ୍ଷେତ୍ରରେ ଧ୍ୟାନ କେନ୍ଦ୍ରିତ କରି ଆଇଟି (IT = (Indian Talent) + IT (Information Technology) = IT (India Tomorrow)କୁ ସିଦ୍ଧ କରିବା । ଏହି ପ୍ରୋଗ୍ରାମ ଇଲେକ୍ଟ୍ରୋନିକ ସେବା, ଉତ୍ପାଦ, ଉତ୍ପାଦନ ଏବଂ ରୋଜଗାର ସୃଷ୍ଟି କ୍ଷେତ୍ରରେ ସାମଗ୍ରିକ ବିକାଶକୁ ଦୃଷ୍ଟି ରଖିଛି । ଏହି ପ୍ରୋଗ୍ରାମର ତିନୋଟି ମୁଖ୍ୟ ଦୃଷ୍ଟି ‘ପ୍ରତ୍ୟେକ ନାଗରିକମାନଙ୍କ ବ୍ୟବହାର୍ଯ୍ୟ ନିମିତ୍ତ ଭିତ୍ତିଭୂମି’, ‘ଶାସନ ଏବଂ ଇଛାମତେ ସେବା’, ‘ନାଗରିକମାନଙ୍କ ଡିଜିଟାଲ ସଶକ୍ତିକରଣ’ ଉପରେ କାର୍ଯ୍ୟ କରିବ ।
ଏହି ପ୍ରୋଗ୍ରାମ ଭାରତ ସରକାରଙ୍କ ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତି ମନ୍ତ୍ରଣାଳୟ(DeitY)ଦ୍ୱାରା ପରିକଳ୍ପିତ ଅଟେ । ଏହାକୁ ଅନେକ କେନ୍ଦ୍ରୀୟ ମନ୍ତ୍ରଣାଳୟ ଏବଂ ବିଭାଗ ଏବଂ ରାଜ୍ୟ ସରକାର ସହଯୋଗ କରିବେ ।
ପ୍ରାରମ୍ଭିକ ପର୍ଯ୍ୟାୟରେ ପ୍ରାୟ ୨ ଲକ୍ଷ କୋଟି ନିବେଶ ହେବ ବୋଲି ଯୋଜନା ହୋଇଛି । ୨,୫୦.୦୦୦ ଗ୍ରାମ ପଂଚାୟତକୁ ଅପ୍ଟିକ ଫାଇବରରେ ସଂଯୋଗ ପାଇଁ ପାଖାପାଖି ୧ ଲକ୍ଷ କୋଟି ଟଙ୍କା ଖର୍ଚ୍ଚ ଅଟକଳ କରାଯାଇଛି । ଆଗାମୀ ୫ ବର୍ଷ ମଧ୍ୟରେ ବିର୍ଲା କମ୍ପାନୀ ୭ ନିୟୁତ ଡଲାର ନିବେଶ କରିବ । ବୈଷୟିକ କ୍ଷେତ୍ରରେ ରିଲାଏନ୍ସ ୧୦ ହଜାର କୋଟି ନିବେଶ କରିବ ଏବଂ ଆଗାମୀ ୫ ବର୍ଷ ମଧ୍ୟରେ ୨ ଲକ୍ଷ ୫୦ ହଜାର କୋଟି ନିବେଶ କରିବ । ମୋଟାମୋଟି ଭାବେ ଏହା ୪.୫ ଲକ୍ଷ କୋଟି ପୁଞ୍ଜିନିବେଶ ପାଇବ ଏବଂ ୧୮ ଲକ୍ଷ ଲୋକଙ୍କୁ ଜୀବିକା ପ୍ରଦାନ କରିବ ।
This article uses material from the Wikipedia ଓଡ଼ିଆ article ଡିଜିଟାଲ ଇଣ୍ଡିଆ ସପ୍ତାହ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.