ଯତୀନ୍ଦ୍ର ମୋହନ ମହାନ୍ତି: ଓଡ଼ିଆ ସାହିତ୍ୟିକ
ଯତୀନ୍ଦ୍ର ମୋହନ ମହାନ୍ତି, (୩ ଅଗଷ୍ଟ ୧୯୩୨ - ୧୪ ଅଗଷ୍ଟ, ୨୦୧୨) ଜଣେ ଓଡ଼ିଆ ସାହିତ୍ୟିକ ଓ ସମୀକ୍ଷକ । ବୃତ୍ତିରେ ସେ ଜଣେ ଅଧ୍ୟାପକ ଥିଲେ ।
ଯତୀନ୍ଦ୍ର ମୋହନ ମହାନ୍ତି | |
|---|---|
| ଜନ୍ମ | ୩ ଅଗଷ୍ଟ ୧୯୩୨ |
| ମୃତ୍ୟୁ | ୧୪ ଅଗଷ୍ଟ ୨୦୧୨ (ବୟସ ୮୦) |
| ଜାତୀୟତା | ଭାରତୀୟ |
| ଅନ୍ୟ ନାମ | ଯତୀନ୍ଦ୍ର ମହାନ୍ତି |
| ଶିକ୍ଷା | ସ୍ନାତକୋତ୍ତର |
| ଶିକ୍ଷାନୁଷ୍ଠାନ | ପ୍ୟାରୀମୋହନ ଏକାଡେମୀ, ରେଭେନ୍ସା ବିଶ୍ୱବିଦ୍ୟାଳୟ, |
| ପ୍ରସିଦ୍ଧି | ଓଡ଼ିଆ ସାହିତ୍ୟିକ ଓ ସମୀକ୍ଷକ |
| ବୈବାହିକ-ସାଥୀ | ବିଜୟଲକ୍ଷ୍ମୀ ମହାନ୍ତି |
| ସନ୍ତାନ | ସମ୍ବୀତ, ସମ୍ବୁଧ, ସୀମିତା, ନମିତା |
| ପିତାମାତା(s) | ଜଗମୋହନ ମହାନ୍ତି ଶ୍ରଦ୍ଧାରାଣୀ ଦେବୀ |
| ପୁରସ୍କାର | କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର |
ଜୀବନୀ
ପ୍ରାରମ୍ଭିକ ଜୀବନ
ଯତୀନ୍ଦ୍ର ମୋହନ ମହାନ୍ତି ୧୯୩୨ ମସିହାରେ ଓଡ଼ିଶାର କେନ୍ଦ୍ରାପଡ଼ା ଜିଲ୍ଲାର ଶ୍ୟାମସୁନ୍ଦରପୁରଠାରେ ଜନ୍ମଗ୍ରହଣ କରିଥିଲେ। ତାଙ୍କ ପିତାଙ୍କ ନାମ ଜଗମୋହନ ମହାନ୍ତି ଓ ମାତାଙ୍କ ନାମ ଶ୍ରଦ୍ଧାରାଣୀ ଦେବୀ ଥିଲା । କଟକର ପ୍ୟାରୀମୋହନ ଏକାଡେମୀରୁ ବିଦ୍ୟାଳୟ ଶିକ୍ଷା ସମାପ୍ତ କରିବା ପରେ, ରେଭେନ୍ସା ବିଶ୍ୱବିଦ୍ୟାଳୟ, ହାଇଦ୍ରାବାଦ ବିଶ୍ୱବିଦ୍ୟାଳୟ ଓ ଇଂଲଣ୍ଡର ଲିଡ଼ସ ବିଶ୍ୱବିଦ୍ୟାଳୟରୁ ଉଚ୍ଚଶିକ୍ଷା ଗ୍ରହଣ କରିଥିଲେ ।
ରେଭେନ୍ସା ବିଶ୍ୱବିଦ୍ୟାଳୟରେ ଅଧ୍ୟାପକ ଭାବରେ ସେ ନିଜ କର୍ମଜୀବନ ଆରମ୍ଭ କରିଥିଲେ । ପରବର୍ତ୍ତୀ ସମୟରେ ସେ ବିଜେବି କଲେଜ, ଉତ୍କଳ ବିଶ୍ୱବିଦ୍ୟାଳୟରେ ଅଧ୍ୟାପନା କରିଥିଲେ ଓ ପୂର୍ବାଞ୍ଚଳ ଭାଷା ସଂସ୍ଥାନ, ଭୁବନେଶ୍ୱରର ଅଧ୍ୟକ୍ଷ ରୂପେ ମଧ୍ୟ କାର୍ଯ୍ୟ କରିଥିଲେ । ୧୯୯୨ ମସିହାରେ ସେ ଉତ୍କଳ ବିଶ୍ୱବିଦ୍ୟାଳୟରୁ ଅବସର ଗ୍ରହଣ କରିଥିଲେ । ତାଙ୍କୁ ବ୍ରିଟିଶ କାଉନସିଲ ତରଫରୁ ସ୍କଲାରସିପ ଓ ପୂର୍ବାଞ୍ଚଳ ଭାଷା ସଂସ୍ଥାନ ତରଫରୁ ଫେଲୋସିପ ମଧ୍ୟ ପ୍ରଦାନ କରାଯାଇଥିଲା ।
ଯତୀନ୍ଦ୍ର ମୋହନ ମହାନ୍ତି,ଉଭୟ ଓଡ଼ିଆ ଓ ଇଂରାଜୀ ଭାଷାରେ ପ୍ରାୟ ୨୦ ଖଣ୍ଡ ପୁସ୍ତକ ଓ ୨୫୦ଟି ନିର୍ବନ୍ଧ ରଚନା କରିଯାଇଛନ୍ତି । ଏହା ବ୍ୟତିତ ପ୍ରଜ୍ଞା ଓ ଭୁବନେଶ୍ୱର ରିଭ୍ୟୁ ନାମକ ଦୁଇଟି ପତ୍ରିକାର ସମ୍ପାଦନା ମଧ୍ୟ କରିଥିଲେ । କେନ୍ଦ୍ର ସାହିତ୍ୟ ଏକାଡେମୀ (୧୯୮୩-୯୩) ଓ ଓଡ଼ିଶା ସାହିତ୍ୟ ଏକାଡେମୀ ସହିତ ସେ ବହୁ ସମୟ ଧରି ଜଡ଼ିତ ରହିଥିଲେ ।
୨୦୧୨ ମସିହା ଅଗଷ୍ଟ ମାସ ୧୪ ତାରିଖରେ ତାଙ୍କର ମୃତ୍ୟୁ ଘଟିଥିଲା ।
ରଚନାବଳୀ
- ଓଡ଼ିଆ ଗଦ୍ୟ ସମ୍ଭାର, ୨୦୦୪
- ପ୍ରେମସ୍ପଦା, ୨୦୦୨
- ଆଧୁନିକ ଓଡ଼ିଆ ନାଟକ, ୨୦୦୦
- ସୂର୍ଯ୍ୟସ୍ନାତା, ୧୯୯୯
- ଆଧୁନିକ ଓଡ଼ିଆ କବିତା ସମ୍ଭାର, ୧୯୯୮
- ପ୍ରାଚୀନ ଓଡ଼ିଆ କବିତା ସମ୍ଭାର, ୧୯୯୭
- ନୂତନ ସମାଲୋଚନା, ୧୯୮୧
- କାବ୍ୟତତ୍ତ୍, ୧୯୭୬
- ଆଧୁନିକ ଓଡ଼ିଆ କବିତା, ୧୯୬୮
- ପ୍ରାଚୀନ ଓଡ଼ିଆ କବିତା (୧୯୪୮)
- Tradition and Creativity : Essays on Oriya literature, ୨୦୦୩
- Madhusudan Rao, ୧୯୯୬
- Into Another Intensity, Essays on Oriya literatrue, ୧୯୮୯
- Along The Stream on Contemporary Oriya Literature, ୧୯୯୯
- There Where Trees Flower, Essays on Modern Oriya Literature, ୧୯୮୭
- Biblography of India Literature in English Translation, ୧୯୮୪
- Literary Crticism : A READING, ୧୯୮୫, (ଯୁଗ୍ମ ଲେଖକ)
- Nobel Laureates AK (1900-1990), ୧୯୯୧, (ଯୁଗ୍ମ ଲେଖକ)
- Land Beautiful An Orissan Culture, ୨୦୦୧, (ଯୁଗ୍ମ ଲେଖକ)
ପୁରସ୍କାର ସମ୍ମାନ
- କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର, ୨୦୦୩ - ସୂର୍ଯ୍ୟସ୍ନାତ
ଆଧାର
This article uses material from the Wikipedia ଓଡ଼ିଆ article ଯତୀନ୍ଦ୍ର ମୋହନ ମହାନ୍ତି, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.