ମୋନାଲିସା ଜେନା: ଓଡ଼ିଆ ସାହିତ୍ୟିକ, ଅନୁବାଦକ
ମୋନାଲିସା ଜେନା (ଜନ୍ମ: ୧୦ ଡିସେମ୍ବର ୧୯୬୩), ଜଣେ ଓଡ଼ିଆ ସାହିତ୍ୟିକା । ମୌଳିକ ସାହିତ୍ୟ ସହିତ ସେ ଅନୁବାଦ ସାହିତ୍ୟ କ୍ଷେତ୍ରରେ କାମ କରିଛନ୍ତି । ସେ ଉଭୟ ଓଡ଼ିଆରୁ ଅନ୍ୟ ଭାଷାକୁ ତଥା ଅନ୍ୟ ଭାରତୀୟ ଭାଷାରୁ ଓଡ଼ିଆକୁ ଅନୁବାଦ କରିଥାନ୍ତି । ନିଜ ଅନୁବାଦ ପୁସ୍ତକ ଆଶୀର୍ବାଦର ରଙ୍ଗ ପାଇଁ ସେ ୨୦୧୬ ମସିହାରେ କେନ୍ଦ୍ର ସାହିତ୍ୟ ଏକାଡେମୀ ଅନୁବାଦ ପୁରସ୍କାର ପାଇଛନ୍ତି ।
ମୋନାଲିସା ଜେନା | |
|---|---|
| ଜନ୍ମ | ୧୦ ଡିସେମ୍ବର ୧୯୬୩ ମୁକୁନ୍ଦପ୍ରସାଦ, ଖୋର୍ଦ୍ଧା |
| ଜାତୀୟତା |  ଭାରତୀୟ |
| ଶିକ୍ଷାନୁଷ୍ଠାନ | ରେଭେନ୍ସା ମହାବିଦ୍ୟାଳୟ, ଇନ୍ଦିରା ଗାନ୍ଧୀ ଜାତୀୟ ମୁକ୍ତ ବିଶ୍ୱବିଦ୍ୟାଳୟ |
| ପ୍ରସିଦ୍ଧି | ସାହିତ୍ୟିକା |
| ପୁରସ୍କାର | କେନ୍ଦ୍ର ସାହିତ୍ୟ ଏକାଡେମୀ ଅନୁବାଦ ପୁରସ୍କାର (ଅନୁବାଦ) |
ଜୀବନୀ
ମୋନାଲିସା ୧୯୬୩ ମସିହାରେ ଖୋର୍ଦ୍ଧା ଜିଲ୍ଲାର ମୁକୁନ୍ଦପ୍ରସାଦଠାରେ ଜନ୍ମଗ୍ରହଣ କରିଥିଲେ । ରେଭେନ୍ସା ମହାବିଦ୍ୟାଳୟରୁ ଅର୍ଥନୀତିରେ ସ୍ନାତକୋତ୍ତର ଓ ଇନ୍ଦିରା ଗାନ୍ଧୀ ଜାତୀୟ ମୁକ୍ତ ବିଶ୍ୱବିଦ୍ୟାଳୟରୁ ସେ ଏମବିଏ ପଢିଛନ୍ତି । କେନ୍ଦ୍ର ସରକାରଙ୍କ ସଂସ୍କୃତି ମନ୍ତ୍ରାଳୟ ତରଫରୁ ଭାଷା ଓ ସାହିତ୍ୟରେ ଗବେଷଣା ପାଇଁ ସେ ସିନିୟର ଫେଲୋସିପ ମଧ୍ୟ ପାଇଛନ୍ତି । ସେ ଉଭୟ ସାମ୍ବାଦିକ ଓ ଅଧ୍ୟାପିକା ଭାବରେ କାର୍ଯ୍ୟ କରିଛନ୍ତି ।
ସାହିତ୍ୟ ସର୍ଜନା
ଅନୁବାଦ୍ୟ ସାହିତ୍ୟ ବ୍ୟତିତ ଗଳ୍ପ, କବିତା, ପ୍ରବନ୍ଧ, ଜୀବନୀ, ଫିଚର୍, ଭ୍ରମଣକାହାଣୀ ଆଦିରେ ମୋନାଲିସା ନିଜ ଲେଖନି ଚାଳନା କରିଛନ୍ତି । ତାଙ୍କର ଏଯାବତ ୧୫ଟିରୁ ଅଧିକ ପୁସ୍ତକ ପ୍ରକାଶିତ ହୋଇସାରିଛି । ତାଙ୍କର ଅନେକ କବିତା ହିଦୀ, ଅହମିୟା ଓ ଇଂରାଜୀ ଭାଷାକୁ ଅନୁବାଦିତ ହୋଇଛି ।
ରଚନାବଳି
କବିତା
- ନିସର୍ଗ ଧ୍ୱନି
- ନକ୍ଷତ୍ରଦେବୀ
- ଏ ସବୁ ଧ୍ରୁବ ମୁହୂର୍ତ୍ତ
ଗଳ୍ପ
- ଇନ୍ଦ୍ରମାଳତୀର ଶୋକ
- ନୀଳମାଧବୀ
ଉପନ୍ୟାସ
- ନର୍ଗିସ
ଜୀବନୀ
- ରମାକାନ୍ତ ରଥ (ରମାକାନ୍ତ ରଥଙ୍କ ଆତ୍ମଜୀବନୀ)
ଅନ୍ୟାନ୍ୟ
- ଅଷ୍ଟରାଗ (ହୋମେନ ବର୍ଗହେନଙ୍କ ଅହମିୟା ପୁସ୍ତକ ଅସ୍ତରାଗର ଓଡ଼ିଆ ଅନୁବାଦ)
- Dasuram's Script
- Anatomy of Madness (ଚନ୍ଦ୍ରଶେଖର ରଥଙ୍କ ଅମୃତାୟନର ଅନୁବାଦ)
- Citadel of Love
ସମ୍ମାନ ଓ ପୁରସ୍କାର
- କେନ୍ଦ୍ର ସାହିତ୍ୟ ଏକାଡେମୀ ଅନୁବାଦ ପୁରସ୍କାର (ଅନୁବାଦ), ୨୦୧୬ (ଆଶୀର୍ବାଦର ରଙ୍ଗ ପାଇଁ)
- ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର (ଅନୁବାଦ), ୨୦୦୭ (ଅସ୍ତରାଗ ପାଇଁ)
- କହ୍ନେଇ କଥା ପୁରସ୍କାର - ୨୦୧୭ (କହ୍ନେଇ କଥା ସଂସଦଦ୍ୱାରା ପ୍ରଦତ୍ତ)
ଆଧାର
This article uses material from the Wikipedia ଓଡ଼ିଆ article ମୋନାଲିସା ଜେନା, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.