ଚାର୍ମି କୌର: ଦକ୍ଷିଣ ଭାରତୀୟ ଅଭିନେତ୍ରୀ
ଚାର୍ମି କୌର (ଜନ୍ମ: ୧୭ ମଇ ୧୯୮୭) ଜଣେ ଭାରତୀୟ ଅଭିନେତ୍ରୀ ଏବଂ ପ୍ରଯୋଜିକା, ଯିଏକି ମୁଖ୍ୟତଃ ତେଲୁଗୁ କଥାଚିତ୍ର ଜଗତରେ ଅଭିନୟ କରିବା ସହିତ ତାମିଲ, ମାଲାୟଲମ୍, କନ୍ନଡ଼ ଏବଂ ହିନ୍ଦୀ କଥାଚିତ୍ର ଜଗତରେ କାର୍ଯ୍ୟ କରନ୍ତି । ସେ ଚାଳିଶିରୁ ଅଧିକ କଥାଚିତ୍ରରେ ଅଭିନୟ କରିଛନ୍ତି ।
ଚାର୍ମି କୌର | |
|---|---|
.jpg) ସେଲିବ୍ରେଟି କ୍ରିକେଟ୍ ଲିଗ୍ର ୪ର୍ଥ ସଂସ୍କରଣ ଉଦଘାଟନୀ ଉତ୍ସବରେ ଚାର୍ମି | |
| ଜନ୍ମ | ୧୭ ମଇ ୧୯୮୭ ହାଇଦ୍ରାବାଦ, ଆନ୍ଧ୍ର ପ୍ରଦେଶ, ଭାରତ |
| ବୃତ୍ତିସମୂହ |
|
| ସକ୍ରିୟ ବର୍ଷ | ୨୦୦୨–ଏବେଯାଏଁ |
| ୱେବସାଇଟ | charmmekaur |
୨୦୦୨ ମସିହାରେ ସେ ତେଲୁଗୁ ସମେତ ତାମିଲ ଓ ମାଲାୟଲମ୍ କଥାଚିତ୍ର ଜଗତରେ ଅଭିନୟ କରିବା ଆରମ୍ଭ କରିଥିଲେ । ସେହି ବର୍ଷ ଏକ ହିନ୍ଦୀ କଥାଚିତ୍ରରେ ଅତିଥି କଳାକାର ଭାବରେ ଏକ ଛୋଟ ଭୂମିକାରେ ଅଭିନୟ କରିଥିଲେ । ୨୦୦୪ ମସିହାରେ ତାଙ୍କ ଅଭିନୀତ ତେଲୁଗୁ କଥାଚିତ୍ର ମାସ୍ ହିଟ୍ ହୋଇଥିଲା ଏବଂ ୨୦୦୭ ମସିହାରେ ସେ କନ୍ନଡ଼ କଥାଚିତ୍ର ଜଗତରେ ଅଭିନୟ କରିବା ଆରମ୍ଭ କରିଥିଲେ ।
୨୦୦୫ ମସିହାରେ ତାଙ୍କ ଅଭିନୀତ ସୁପରହିଟ୍ ତେଲୁଗୁ କଥାଚିତ୍ର ଅନୁକୋକୁଣ୍ଡା ଓକା ରୋଜୁ ପାଇଁ ତାଙ୍କୁ ସିନେମା' ଆୱାର୍ଡ଼ସ୍ ଓ ନନ୍ଦି ଆୱାର୍ଡ଼ସ୍ରେ ଶ୍ରେଷ୍ଠ ଅଭିନେତ୍ରୀ ପୁରସ୍କାର ମିଳିବା ସହିତ ଫିଲ୍ମଫେୟାର୍ ତେଲୁଗୁ ପୁରୁସ୍କାର ଉତ୍ସବରେ ତାଙ୍କୁ ଶ୍ରେଷ୍ଠ ଅଭିନେତ୍ରୀ ଭାବରେ ମନୋନୀତ କରାଯାଇଥିଲା । ୨୦୦୭ ମସିହାରେ ତାଙ୍କ ଅଭିନୀତ କଥାଚିତ୍ର ମନ୍ତ୍ରା ପାଇଁ ତାଙ୍କୁ ନନ୍ଦି ଆୱାର୍ଡ଼ସ୍ରେ ଶ୍ରେଷ୍ଠ ଅଭିନେତ୍ରୀ ପୁରସ୍କାର ମିଳିଥିଲା । ୨୦୧୧ ମସିହାରେ ଚର୍ଚ୍ଚିତ ହିନ୍ଦୀ କଥାଚିତ୍ର ବୁଢ଼ା ହୋଗା ତେରା ବାପ୍ରେ ସେ ହିନ୍ଦୀ କଥାଚିତ୍ର ଜଗତର ଜଣାଶୁଣା ଅଭିନେତା ଅମିତାଭ ବଚ୍ଚନଙ୍କ ସହିତ ଅଭିନୟ କରିଥିଲେ ।
ଜନ୍ମ ଓ ପ୍ରାରମ୍ଭିକ ଜୀବନ
ଚାର୍ମି ୧୯୮୭ ମସିହାର ମଇ ୧୭ ତାରିଖରେ ହାଇଦ୍ରାବାଦଠାରେ ଜନ୍ମଗ୍ରହଣ କରିଥିଲେ ।
ଅଭିନୟ ଜୀବନ
ଚାର୍ମି ୨୦୦୨ ମସିହାରେ ସେ ତେଲୁଗୁ କଥାଚିତ୍ର ଜଗତରେ ଅଭିନୟ କରିବା ଆରମ୍ଭ କରିଥିଲେ । ତାଙ୍କ ଅଭିନୀତ ପ୍ରଥମ କଥାଚିତ୍ର ହେଉଛି ନୀ ତୋଡ଼ୁ କାବାଲି, ଯେଉଁଥିରେ ସେ ମାତ୍ର ୧୫ ବର୍ଷ ବୟସରେ ଜଣେ ଗୃହିଣୀ ଭୂମିକାରେ ଅଭିନୟ କରିଥିଲେ । ଏହି ଚଳଚ୍ଚିତ୍ରଟି ବ୍ୟବସାୟିକ ସଫଳତା ପାଇନଥିଲେ ମଧ୍ୟ ଦକ୍ଷିଣ ଭାରତୀୟ କଥାଚିତ୍ର ଜଗତରୁ ତାଙ୍କୁ ଅନେକ ଅଭିନୟ ସୁଯୋଗ ମିଳିଥିଲା । ସେହି ବର୍ଷ ସେ ତାମିଲ ଓ ମାଲାୟଲମ୍ କଥାଚିତ୍ର ଜଗତରେ କାମ କରିବା ଆରମ୍ଭ କରିଥିଲେ ଏବଂ ଏକ ହିନ୍ଦୀ କଥାଚିତ୍ର, ମୁଝେ ଦୋସ୍ତି କରୋଗେରେ ମଧ୍ୟ ଅତିଥି କଳାକାର ଭାବରେ କାର୍ଯ୍ୟ କରିଥିଲେ ।
ପୁରସ୍କାର
- ୨୦୧୨: ମଙ୍ଗଳା ପାଇଁ ନନ୍ଦୀ ସ୍ୱତନ୍ତ୍ର ଜୁରି ପୁରସ୍କାର
- ୨୦୦୭: ମନ୍ତ୍ରା ପାଇଁ ନନ୍ଦି ଶ୍ରେଷ୍ଠ ଅଭିନେତ୍ରୀ ପୁରସ୍କାର
- ୨୦୦୫: ଅନୁକୋକୁଣ୍ଡା ଓକା ରୋଜୁ ପାଇଁ ସାନ୍ତୋଷମ୍ ଶ୍ରେଷ୍ଠ ଅଭିନେତ୍ରୀ ପୁରସ୍କାର
- ୨୦୦୫: ଅନୁକୁକୁଣ୍ଡା ଓକା ରୋଜୁଙ୍କ ପାଇଁ ସିନେମା' ଶ୍ରେଷ୍ଠ ଅଭିନେତ୍ରୀ (ଜୁରି) ପୁରସ୍କାର
- ୨୦୧୬: ଜ୍ୟୋତି ଲକ୍ଷ୍ମୀ ପାଇଁ ସିନେମା' ଶ୍ରେଷ୍ଠ ଅଭିନେତ୍ରୀ (ଜୁରି) ପୁରସ୍କାର
- ୨୦୧୬: ଜ୍ୟୋତି ଲକ୍ଷ୍ମୀ ପାଇଁ ଜି ତେଲୁଗୁ ଆପସରା ପୁରସ୍କାର (ଜୁରି)
- ୨୦୨୦: ଇସ୍ମାର୍ଟ ଶଙ୍କର ପାଇଁ ଜି ସିନେ ଆୱାର୍ଡ଼ସ୍ର ଶ୍ରେଷ୍ଠ ତେଲୁଗୁ ପ୍ରେଯୋଜିକା
ଆଧାର
ବାହାର ଆଧାର
- Official website
- ଇଣ୍ଟରନେଟ ମୁଭି ଡାଟାବେସରେ ଚାର୍ମି କୌର
This article uses material from the Wikipedia ଓଡ଼ିଆ article ଚାର୍ମି କୌର, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.