TikTok er eit kinesisk sosialt nettverk der brukarane kan dela korte videoar, i all hovudsak gjennom ein mobilapp.
Videoane inneheld ofte framføringar med song-miming, humor, dans eller matlaging. Nettstaden er blitt forboden i fleire land eller har fått kritikk for brot på personvernlovgjeving, overvaking av brukarane og trugsmål mot nasjonal tryggleik.
TikTok | |||
| |||
Utviklar | Beijing Microbroadcast Vision Technology | ||
---|---|---|---|
Utgjeve | september 2016 | ||
OS-familie | Douyin | ||
Type | videodelingstjeneste, sosiale medium | ||
Lisens | proprietær lisens | ||
Nettstad | https://tiktok.com |
Nettverket har det Beijing-baserte selskapet ByteDance som eigar. Dette blei skipa i 2012 av Zhang Yiming. I 2017 blei TikTok-appen gjeven ut for marknaden utanfor Kina. TikTok er ikkje tilgjengeleg i Kina, men i 2016 lanserte ByteDance applen Douyin for den kinesiske marknaden. TikTok og Douyin er identiske, men Douyin har andre retningslinjer. TikTok er populært i Asia, USA og store delar av verda, og appen var tilgjengeleg på 39 språk i 2020. I september 2018 var TikTok den mest nedlasta appen i USA den månaden – den fyrste kinesiske appen som oppnådde dette.
Per 2021 var det registrert éin milliard brukarar. Totale nedlastingar var omtrent tre milliardar i juni 2021.
Forløparen til TikTok var heiter Musical.ly. Musical.ly blei skapt av Alex Zhu og Luyu Yang, og blei kjøpt opp for éin milliard dollar i november 2017 av ByteDance, som allereie hadde lansert TikTok. I august 2018 blei alle Musical.ly-kontoane overført til TikTok, og Musical.ly blei seinare lagt ned.
Brukarar på TikTok kan laga korte videoer av seg sjølv eller andre. Dei kan opptre på ulike måtar, til dømes ved å mime til musikk, dansa, synga eller anna. Ein kan legge til effektar, musikk og eigen lyd. Det går an å lage duettar, ved at fleire brukarar filmar eigne videoar og legg dei ut saman. Videoar lagt ut på TikTok kan også delast på andre sosiale medium. Det går også an å gje ut videoane privat, berre for vennar og utvalde følgjarar. Fleire av videoane har gått viralt og skapt ulike TikTok-trender. TikTok har også blitt brukt til filmkritikk, ofte ved hjelp av memar og lipsyncing.
This article uses material from the Wikipedia Nynorsk article TikTok, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.