Somerset er eit grevskap i Sørvest-England.
Administrasjonsbyen er Taunton, som ligg sør i grevskapet. Det seremonielle grevskapet grensar til grevskapa Bristol og Gloucestershire i nord, Wiltshire i aust, Dorset i søraust og Devon i sørvest. Det grensar delvis i nord og vest til kysten av Bristolkanalen og estuaret til elva Severn. Den tradisjonelle nordlege grensa gjekk langs elva Avon, men den administrative grensa har krype sørover med opprettinga av City of Bristol og grevskapet Avon og dei etterfølgjande sameinte styresmaktene i nord.
Somerset | |
---|---|
Motto: Sumorsǣte ealle (Alle i Somerset) | |
Geografi | |
Status | Seremonielt og ikkje-metropolitansk grevskap |
Opphav | Historisk |
Region | Sørvest-England |
Areal | 4 171 km² |
Demografi | |
Folketal - Totalt (2008) - Folketettleik | 912 200 218,7 /km² |
Etnisitet | 98,5 % kvite |
Distrikt | |
|
Somerset er eit landleg grevskap med åsar som Mendip Hills, Quantock Hills og Exmoor nasjonapark og store flater som Somerset Levels. Det er funne spor etter menneske frå steinalderen og busetnader etter romarane og saksarane. Seinare spelte grevskapet ei viktig rolle i å føre kong Alfred den store til makta, i den engelske borgarkrigen og i Monmouthopprøret.
Jordbruket er ei stor næring i grevskapet. Oppdrett av sau og kyr, inkluder produksjon av ull og ostar (som cheddar) er tradisjonelle næringar som framleis eksisterer. Arbeidsløya er lågare enn landsgjennomsnittet.
This article uses material from the Wikipedia Nynorsk article Somerset, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.