Prayagraj

Byen har 4 941 510 innbyggjarar (2001).

Prayagraj
Allahabad
by
Akbar-festninga
Land	India
Stat	Uttar Pradesh
Areal	82 km²
Folketal	5 954 391
Allahabad 25°27′N 81°51′E / 25.45°N 81.85°E / 25.45; 81.85
Wiki Commons: Prayagraj

Prayagraj er ein av dei fire stadane der kumbh mela-festivalen blei halden (dei andre er Haridwar, Ujjain og Nasik). Dei heilage elvene Ganges og Yamuna møter kvarandre ved ei landtunge som blir kalla Sangam, og skal ifølgje tradisjonen sameinast med den mytiske elva Sarasvati til ei heilag treeining, Triveni.

Stader der dei to heilage elvane Ganges og Yamuna har vore kjend som Prayāga, som tyder 'offerstad' på sanskrit, sidan gammal tid. Guden Brahma skal ha uftført det alle første offeret (yāga, yajna) her.

Ordet prayāga har tradisjonelt blitt brukt om mange stader elvar renn saman. Ifølgje ei overlevering skal også ei tredje elv, den usynlege Sarasvati, ha runne saman med Ganges og Yamuna her. Triveni Sangam eller berre Sangam er ei nemning brukt om denne samanrenninga til tre elvar.

Prayagraj (sanskirt Prayāgarāja), som tyder 'kongen av prayāgaer', blir brukt for å visa til at denne samanrenninga er den største av deifem heilage samanrenningane i India.

Då stormogulen Akbar vitja området i 1575 gav han ordre om å byggja ein festning på staden. Denne stod ferdig i 1584 og blei kalla Ilahabas, som tyder 'Gudsheim'. Namnet blei seinare endra til Allahabad (hindi इलाहाबाद, urdu الہ آباد Ilāhābād) under Shah Jahan.

I moderne India har det vore gjort fleire forsøk på å endra namnet på byen av BJP. I 1992 blei den planlagde endringa frå Allahabad til Prayagraj stoppa då sjefsminister Kalyan Singh måtte gå av etter øydelegginga av Babri Masjid. I 2001 gjorde Rajnath Singh eit anna mislukka forsøk. Omdøypinga blei endeleg fullført i oktober 2018 då regjeringa til Yogi Adityanath offisielt endra namnet på byen til Prayagraj.