Batumi: By i Georgia

Han har om lag 152 839 innbyggjarar (2014).

Batumi ბათუმი
Styresmakter
Land	Georgia
Geografi
Flatevidd	64,9 km²
Flatevidd  - By	64,9 km²
Innbyggjarar  - By (2014)    - folketettleik	152 839   2 355/km²
Koordinatar	41°38′45″N 41°38′30″E / 41.64583°N 41.64167°E / 41.64583; 41.64167
Høgd over havet	3 m
Tidssone	MSD (UTC+4)
www.batumi.ge
Diverse anna
Heimeside: http://batumi.ge

Batum er med den store hamna si eit kommersielt senter og siste stopp på den transkaukasiske jernbanen og røyrleidningen Baku-Tbilisi-Ceyhan. Han ligg 20 km nord for den tyrkiske grensa og har eit subtropisk klima med mange sitrus- og teplantasjar. Av industri i byen finn ein oljeraffineri, skipsverft, næringsmiddelindustri og lett industri.

Batumi ligg på same stad som den tidlegare greske kolonien Batis. Dei første moderne kjeldene nemner at det vart bygd festningsverk i byen på 1000-talet. Området var då under georgisk kontroll fram til 1500-talet då det vart avstått til Det osmanske riket. I 1878 vart byen avstått til Russland etter San Stefanotraktaten.

Etter at tsaren fall rykte først tyrkiske styrkar inn i byen i april 1918, følgt av britiske styrkar i desember same år. Dei britiske styrkane okkuperte Batumi fram til juli 1920.

 

Klimaet i Batumi er subtropisk, og det veks palmer, sitron- og appelsintre i byen.

Middeltemperaturen i Batumi er 14 °C. Januar er den kaldaste månaden med ein middeltemperatur på 6 °C. Juli og august er den varmaste tida med ein middeltemperatur på 22 °C. Det kaldaste som er målt her er -7 °C, og det varmaste er 40 °C. Den normale årsnedbøren er om lag 2 500 mm, der januar er våtast og mai tørrast.

• Reiseguide for Batumi
• Hamna i Batumi Arkivert 2009-12-16 ved Wayback Machine.
• Prokudin-Gorskij sine fargebilete av Batumi frå om lag 1910
• Biletgalleri