Պաթում

Բնակավայր
Պաթում
վրաց.՝ ბათუმი
Դրօշակ Զինանշան
Երկիր	Վրաստան
Տարածութիւն	64,9 քմ²
ԲԾՄ	3±1 մեթր
Բնակչութիւն	169 095 մարդ (2020)[1]
Կը գտնուի ափին	Սեւ Ծով
Ժամային գօտի	UTC+4։00
Հեռախօսային ցուցանիշ	(422)
Փոստային ցուցանիշ	6000–6099[2]
Պաշտօնական կայքէջ

Տեղակայուած է Սեւ ծովու ափին եւ կը համարուի ժամանակակից Վրաստանի գլխաւոր զբօսաշրջային, ինչպէս նաեւ տնտեսական եւ մշակութային կեդրոններէն մէկը։ Տեղակայուած է Մեծ Կովկասեան լեռնաշղթային մէջ՝ ծովու մակարդակէն 3 մեթր բարձրութեան վրայ։

Պաթումի մէջ կը գտնուի Վրաստանի սահմանադրական դատարանի նախագահին, ինչպէս նաեւ Աճարիոյ կառավարութեան ղեկավարին նստավայրը։

Պաթումի մէջ կը գործէ նաեւ Վրաստանի մէջ Հայաստանի գլխաւոր հիւպատոսութիւնը։

Պաթում քաղաքին անուանումը առնուած է քարթվելական լեզուաընտանիքին պատկանող սվաներէն լեզուէն եւ թարգմանաբար կը նշանակէ «քար»։

Քաղաքին մասին առաջին յիշատակումը եղած է Ք.Ա. 4-րդ դարուն՝ յոյն փիլիսոփայ Արիստոտէլի կողմէ։ Ք.Ա. 1-ին դարուն հռոմէացի գրող եւ գիտակ Պլինիոս Աւագը քաղաքը յիշատակած է «Բատուս» անուանումով, որ թարգմանաբար կը նշանակէ «խոր» (յուն․՝ Βαθύς):

Միջնադարուն քաղաքը ծանօթ է Պատոմի անուանումով, 1878-էն՝ Պատում։ Քաղաքին ժամանակակից վրացերէն անուանումը ընդունուած է 1936-ին։ Բոլոր լեզուներով ընդունուած է քաղաքը անուանել Պաթումի, իսկ հայերէն լեզուով՝ Պաթում (առանց վրացերէն լեզուի մէջ լայն կիրարկութիւն ունեցող «ի» տառին):