ဆရာတော်ဦးဇောတိကသည် ဗုဒ္ဓဘာသာ ရဟန်းတော်တပါးဖြစ်ပြီး၊ မြန်မာနိုင်ငံတွင် ထင်ရှားကျော်ကြားသော စာရေးဆရာတစ်ယောက်လည်း ဖြစ်သည်။ ဆရာတော် အင်္ဂလိပ်ဘာသာဖြင့် ရေးသားခဲ့သော Snow in the Summerစာအုပ်မှာ ဘာသာစကားဆယ်မျိုးသို့ ပြန်ဆိုခဲ့ပြီး အုပ်ရေတစ်သန်းထက်မနည်း ပုံနှိပ်ခဲ့ရသည်ဟု အင်တာနက်အာခိုက်ဖ်၏ စာကြည့်တိုက်(Internet Archive's Open Library)ကက်တလောက်တွင် ဆိုထားသည်။
ဆရာတော် ဦးဇောတိက | |
---|---|
ဘာသာ | ဗုဒ္ဓဘာသာ |
ဘာသာအုပ်စု | ထေရဝါဒ |
ပညာရေး | လျှပ်စစ်အင်ဂျင်နီယာဘွဲ့ (ရန်ကုန် စက်မှုတက္ကသိုလ်) |
ဓမ္မအမည် | ဇောတိက |
ပုဂ္ဂိုလ်ရေးရာ | |
မွေးဖွား | မော်လမြိုင် | ၅ ဩဂုတ်၊ ၁၉၄၇
ဘာသာရေးရာ | |
ဆရာ(များ) | တောင်ပုလုဆရာတော်၊ ထန်းတပင်တောရ ဆရာတော် |
ဆရာတော်ဦးဇောတိကကို ၁၉၄၇-ခုနှစ် ဩဂုတ်လ ၅-ရက်နေ့တွင် မော်လမြိုင်မြို့တွင် မွေးဖွားခဲ့သည်။ သူသည် အခြေခံပညာရေးကို ရိုမန်ကက်သလစ် သာသနာပြုကျောင်းတွင် သင်ကြားခဲ့သည်။ သူငယ်ရွယ်စဉ်ကာလတွင် မည်သည့်ဘာသာရေးကိုမှ ဘာသာဝင်အဖြစ် ပါဝင်ပတ်သက်ခြင်းမရှိခဲ့သော်လည်း ဘာသာတရားပေါင်းစုံတို့၏ သဘောတရားတို့ကို လေ့လာပြီး နားလည်အောင်ကြိုးစားခဲ့သည်။ အနောက်တိုင်း ဒဿနိကဗေဒနှင့် စိတ်ပညာဘာသာရပ်များကို လေ့လာလိုက်စားခဲ့သည်။ ၁၉၇၃-ခုနှစ်တွင် ရန်ကုန်စက်မှုတက္ကသိုလ်မှ လျှပ်စစ်အင်ဂျင်နီယာဘွဲ့ကို ရရှိခဲ့သည်။
လူအများစုသည် သူတို့ဘဝ၏ တန်ဖိုးရှိသောအချိန်များကို ချမ်းသာကြွယ်ဝအောင်ပြုလုပ်ခြင်း၊ လောကီစည်းစိမ်များကို ခံစားခြင်း၊ ကျော်ကြားမှု၊ ဩဇာအာဏာနှင့် ရာထူးနေရာကောင်း ရရှိရေးအတွက် အသုံးချရင်း ကုန်ဆုံးနေကြသော်လည်း ဘဝ၏ ရလဒ်များအပေါ် ကျေနပ်နှစ်သက်မှုမရှိကြသည်ကို သူကတွေ့ခဲ့ရသည်။ ဗုဒ္ဓနည်းကျ တရားထိုင်ခြင်းဖြင့် စိတ်တည်ငြိမ်အေးချမ်းမှုရသဖြင့် တရားထိုင်မှုအပေါ် သူအလွန်စိတ်ဝင်စားလာခဲ့သည်။ ထိုကြောင့် အသက် ၂၆-နှစ်အရွယ်တွင် မိသားစုကို စွန့်ခွာခဲ့ပြီး ရှင်သာမဏေ အဖြစ်ကို ခံယူခဲ့သည်။ ၁၉၇၄-ခုနှစ်တွင် မိတ္ထိလာမြို့ တောင်ပုလုတောရ၌ တောင်ပုလုဆရာတော်ကြီးအား ဥပဇ္ဈာယ်ပြု၍ ရဟန်းဘဝသို့ ရောက်ရှိခဲ့သည်။
သူသည် အခြေခံပညာရေး (၈)တန်းကာလမှစ၍ ဝိပဿနာစာအုပ်များကို ဖတ်ရှုဖြစ်ကာ တစ်နေ့ဆယ်မိနစ်ဖြစ်စေ၊ တစ်ဆယ့်ငါးမိနစ်ခန့်ဖြစ်စေ တရားထိုင်သည့် အလေ့အကျင့်ရှိခဲ့သည်။ သူသည် တောင်ပုလုဆရာတော်ကြီး၏ လမ်းညွှန်မှုဖြင့် ဝိပဿနာတရားကို ၃-နှစ်တာ အားထုတ်ခဲ့သည်။ ထိုနောက် ထန်းတပင် တောရဆရာတော်ထံတွင် ၁၅-နှစ်ကြာ ဝိပဿနာတရားကို ဆက်လက်အားထုတ်ခဲ့သည်။
ဆရာတော်သည် ဩစတြေးလျနိုင်ငံ မဲလ်ဘုန်းမြို့သို့ ၁၉၇၇-ခုနှစ်တွင်တစ်ကြိမ်၊ ၁၉၉၈-ခုနှစ်တွင်တစ်ကြိမ် ကြွရောက်သာသနာပြုခဲ့သည်။
သူသည် အမေရိကန်ပြည်ထောင်စုသို့ ၁၉၈၃-၈၄တွင် ကြွရောက်ခဲ့ပြီး ၁၆-လကြာခန့် သီတင်းသုံးကာ ဆန်တာခယု(ဇ်)၊ နယူးယောက်၊ ဘော့စတွန်နှင့် ဝါရှင်တန်တို့တွင် တရားပွဲများ ကျင်းပခဲ့သည်။
သူသည် စင်္ကာပူနိုင်ငံသို့လည်း ဓမ္မဒူတခရီး အကြိမ်ကြိမ် ကြွချီခဲ့သည်။
စာအုပ်အမည် | ထုတ်ဝေချိန် | ရေးသားသည့်ဘာသာ ဘဝကိုစိတ်ကဦးဆောင်သည် ၂၀၂၃-ခု၊ ဒီဇင်ဘာလ မြန်မာ | မြင့်မြတ်မှုပျောက်ဆုံးနေခြင်း၊ မေတ္တသုတ်တရားတော် | ၂၀၁၂-ခု၊ စက်တင်ဘာလ | မြန်မာ |
---|---|---|---|---|---|
တွေးမိတိုင်းပျော်တယ် | ၂၀၀၇-ခု၊ အောက်တိုဘာလ | မြန်မာ | |||
A Map of the Journey | ၂၀၀၆-ခု၊ ဇွန်လ | အင်္ဂလိပ် | |||
လွတ်လပ်သောစိတ် | ၂၀၀၆-ခု၊ မေလ | မြန်မာ | |||
အသက်ရှင်နေလျက် ဘဝသေနေသူ | ၂၀၀၃-ခု၊ အောက်တိုဘာလ | မြန်မာ | |||
အခွင့်အရေးနှင့်တာဝန် | ၂၀၀၂-ခု၊ ဇွန်လ | မြန်မာ | |||
ကိုယ်နွမ်းသော်လည်းစိတ်မပန်းပါ သူ့ကိုပြင်ချင်ရင်ကိုယ့်ကိုကိုယ်အရင်ပြင် | ၂၀၀၂-ခု၊ ဇန်နဝါရီလ | မြန်မာ | |||
မေတ္တာတရား၊ လမ်းပျောက်ရာမှ လမ်းမှန်ပေါ်ရောက်လာသူ | ၂၀၀၁-ခု၊ မေလ | မြန်မာ | |||
သတိနဲ့ပြောပါ၊ ဒေါသကိုနားလည်ပါ၊ အလုပ်တွင်မွေ့လျော်ခြင်း | ၂၀၀၀-ခု၊ ဇွန်လ | မြန်မာ | |||
အရှုပ်ထဲမှာ ရှင်းအောင်နေ | ၂၀၀၀-ခု၊ မတ်လ | မြန်မာ | |||
တစိမ့်စိမ့်တွေးမယ် | ၁၉၉၉-ခု၊ ဒီဇင်ဘာလ | မြန်မာ | |||
Snow in the Summer | ၁၉၉၉-ခု၊ စက်တင်ဘာလ | အင်္ဂလိပ် | |||
စိတ်နှလုံး ရွှင်လန်းစေဖို့ | ၁၉၉၉-ခု၊ ဧပြီလ | မြန်မာ | |||
ကိုယ်ရည်ကိုယ်သွေးမြင့်မားစေရန် သတိဖြင့် နေထိုင်ခြင်း | ၁၉၉၈-ခု၊ ဒီဇင်ဘာလ | မြန်မာ | |||
သတိဆိုတဲ့နေအိမ်၊ အပျော်ဆုံးလူ၊ ဗုဒ္ဓရင်ခွင်မှာ | ၁၉၉၈-ခု၊ ဇွန်လ | မြန်မာ | |||
ဘဝဆိုတဲ့ကျောင်း | ၁၉၉၈-ခု၊ မတ်လ | မြန်မာ |
This article uses material from the Wikipedia မြန်မာဘာသာ article ဇောတိက (မဟာမြိုင်တောရ ဆရာတော်), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.