တိန့်ရှောင်ဖိန်
တိန့်ရှောင်ဖိန် (鄧小平) (မူလအမည် တိန့်ရှဲန်းစိန့်; 鄧先聖) (၁၉၀၄ ဩဂုတ် ၂၂ - ၁၉၉၇ ဖေဖော်ဝါရီ ၁၉) သည် တရုတ်ပြည် စီချွမ်းပြည်နယ် ကွမ်အန်းခရိုင် ဖိုင်ဖန်းရွာရှိ ဟတ်ကားမိသားစုမှ ဆင်းသက်လာသည်။ ၎င်းသည် တရုတ် ကွန်မြူနစ်ပါတီဝင်၊ တရုတ် ပြည်သူ့ လွတ်မြောက်ရေး တပ်မတော်နှင့် တရုတ်ပြည်သူ့သမ္မတနိုင်ငံ၏ အရေးပါသော ခေါင်းဆောင် တစ်ဦးဖြစ်သည်။ တရုတ်ကွန်မြူနစ်ပါတီက သူ့အား မာ့ခ်စ်ဝါဒီ၊ တော်လှန်ရေးသမား၊ နိုင်ငံရေးသမား၊ စစ်ရေးကျွမ်းကျင်သူ၊ နိုင်ငံခြားရေး သံတမန်ဟု အမွန်းတင်ကာ တရုတ်ဆိုရှယ်လစ်ဝါဒနှင့် ခေတ်သစ်တည်ဆောက်ရေး စီမံကိန်းကို ဦးဆောင်ရေးဆွဲသူဟု မှတ်ယူထားသည်။ သူ့တသက်တွင် နိုင်ငံတော်နှင့် အစိုးရ အကြီးအကဲ စသည့်ရာထူးများကို မရယူခဲ့သော်လည်း လက်တွေ့တွင်မူ ၁၉၇၈ ခုနှစ်မှ ၁၉၉၀ ပြည့်လွန်နှစ်များအထိ တရုတ်ပြည်ကို ကြီးစိုးခဲ့သည်။
| တိန့်ရှောင်ဖိန် Deng Xiaoping | |
|---|---|
.jpg) တိန့်ရှောင်ဖိန် (၁၉၇၉) | |
| အမည်ရင်း | တိန့်ရှဲန်းစိန့် (鄧先聖) |
| မွေးသက္ကရာဇ် | ၁၉၀၄ ဩဂုတ် ၂၂ ကွမ်အန်း၊ စီချွမ်းပြည်နယ် |
| ကွယ်လွန် | ၁၉၉၇ ဖေဖော်ဝါရီ ၁၉ (၉၂) ပေကျင်းမြို့ |
| နိုင်ငံသား |  တရုတ် |
| လူမျိုး | တရုတ် |
| အလုပ်အကိုင် | နိုင်ငံရေးသမား |
| ကြင်ဖော် | 張錫瑗（1928－1929） 金維映（1931—1940） 卓琳（1939－1997） |
တိန့်ရှောင်ဖိန်သည် တရုတ်ပြည်အား ဈေးကွက်စီးပွားရေးစနစ်ဆီသို့ ဦးဆောင်သွားခဲ့သူ ပြုပြင်ပြောင်းလဲရေး သမားတစ်ဦးဖြစ်သည်။ လက်ရှိ ဟောင်ကောင်နှင့် မကာအိုတို့တွင် ကျင့်သုံးနေသည့် တပြည်ထောင် နှစ်စနစ်ကို အဆိုပြုတင်သွင်းခဲ့သူလည်း ဖြစ်သည်။ သူချမှတ်ခဲ့သည့် မူဝါဒများသည် ၂၀ ရာစု နှောင်းပိုင်းတွင် တရုတ်ပြည်အပေါ်သာမက ကမ္ဘာ့ စီးပွားရေး၊ နိုင်ငံရေး အခြေအနေကိုလည်း အတိုင်းအတာ တစ်ခုအထိ သက်ရောက်စေခဲ့သည်။ ထို့ကြောင့်လည်း တိုင်းမ်မဂ္ဂဇင်းက ၎င်းအား မျက်နှာဖုံးတွင် ၈ ကြိမ်ဖော်ပြခဲ့ပြီး ၁၉၇၈ ခုနှစ်နှင့် ၁၉၈၅ ခုနှစ်၏ ဩဇာအကြီးမားဆုံး ပုဂ္ဂိုလ်အဖြစ် ရွေးချယ်ခဲ့သည်။。
ကိုးကား
This article uses material from the Wikipedia မြန်မာဘာသာ article တိန့်ရှောင်ဖိန်, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.