ကန့်ဘလူခရိုင်
ကန့်ဘလူခရိုင် (အင်္ဂလိပ်: Kanbalu District) သည် စစ်ကိုင်းတိုင်းဒေသကြီးရှိ ခရိုင်တစ်ခုဖြစ်သည်။ ခရိုင်ရုံးစိုက်ရာမြို့မှာ ကန့်ဘလူမြို့ဖြစ်သည်။
| ကန့်ဘလူခရိုင် | |
|---|---|
 စစ်ကိုင်းတိုင်းအတွင်းတည်နေရာ | |
  ကန့်ဘလူခရိုင် | |
| ကိုဩဒိနိတ်: 23°20′N 95°51′E / 23.333°N 95.850°E 95°51′E / 23.333°N 95.850°E | |
| နိုင်ငံ |  မြန်မာ |
| တိုင်းဒေသကြီး |  စစ်ကိုင်း |
| မြို့နယ်ပေါင်း | ၂ |
| မြို့တော် | ကန့်ဘလူမြို့ |
| လူဦးရေ (၂၀၁၄) | ၃၉၉,၆၄၈ |
| အချိန်ဇုန် | မြန်မာစံတော်ချိန် (UTC+6:30) |
ပါဝင်သောမြို့နယ်များ
ကန့်ဘလူခရိုင်တွင် ပါဝင်သည့် မြို့နယ်များမှာ အောက်ပါအတိုင်းဖြစ်သည်။
သမိုင်းကြောင်း
ယခင်က ရွှေဘိုခရိုင်တွင် ပါဝင်သော ကန့်ဘလူမြို့နယ် နှင့် ကျွန်းလှမြို့နယ်တို့ကို ခွဲထုတ်ကာ ကန့်ဘလူခရိုင်အဖြစ် အသစ်ဖွဲ့စည်းခဲ့ခြင်း ဖြစ်သည်။
ပထဝီဝင်အနေအထား
တည်နေရာနှင့်အကျယ်အဝန်း
ကန့်ဘလူခရိုင်သည် စစ်ကိုင်းတိုင်းဒေသကြီးအလယ်ပိုင်းတွင် တည်ရှိသည်။
နယ်နိမိတ်
ကန့်ဘလူခရိုင်၏ အရှေ့ဘက်တွင် မန္တလေးတိုင်းမှ သပိတ်ကျင်းခရိုင်၊ တောင်ဘက်တွင် ရွှေဘိုခရိုင်နှင့် ရေဦးခရိုင်၊ အနောက်ဘက်တွင် ရေဦးခရိုင်၊ မော်လိုက်ခရိုင်နှင့် ကလေးခရိုင်၊ မြောက်ဘက်တွင် ကောလင်းခရိုင်တို့ တည်ရှိသည်။
မြေမျက်နှာသွင်ပြင်
ကန့်ဘလူခရိုင်သည် တောင်တန်းနှင့် မြေပြန့်ရောနှောတည်ရှိသည်။ ခရိုင်အရှေ့ဘက်တွင် မင်းဝံတောင်တန်း တည်ရှိသည်။ ခရိုင်၏အနောက်ဘက်ခြမ်းတွင် ဇီးဖြူတောင်တန်း တည်ရှိသည်။
ရေဆင်း
ကန့်ဘလူခရိုင်၏ အရှေ့ဘက်ခြမ်းနေရာအနည်းငယ်တွင် ဧရာဝတီမြစ် စီးဆင်းနေသည်။ ကျွန်းလှမြို့နယ်တွင် သဖန်းဆိပ်ဆည်ကြီးတည်ရှိကာ ချောင်းငယ်များသည် ထိုဆည်၏ရေဝပ်ဧရိယာအတွင်း စီးဝင်ကြသည်။ ထိုဆည်မှနေ၍ မူးမြစ်သည် ဆက်လက်စီးဆင်းသည်။
လူဦးရေ
၂၀၁၄သန်းခေါင်စာရင်းကောက်ခံချိန်တွင် ကန့်ဘလူခရိုင်ကို ဖွဲ့စည်းထားခြင်းမရှိသေးဘဲ ရွှေဘိုခရိုင်လက်အောက်တွင်သာ ရှိသေးသည်။ ကန့်ဘလူမြို့နယ်နှင့် ကျွန်းလှမြို့နယ်တို့၏ လူဦးရေမှာ (၃၉၉,၆၄၈) ဖြစ်သည်။ မြို့ပြနေလူဦးရေ (၃၇,၁၇၀)ဦးရှိသည်။
| သမိုင်းတစ်လျှောက် လူဦးရေများ | ||
|---|---|---|
| ခုနှစ် | လူဦးရေ | ±% |
| ၂၀၁၄ | ၃၉၉၆၄၈ | — |
| Source: ၂၀၁၄ သန်းခေါင်စာရင်း | ||
စီးပွားရေး
ကန့်ဘလူခရိုင်သည် စစ်ကိုင်းတိုင်းအတွင်း စီးပွားရေးအသင့်အတင့်ကောင်းမွန်သော ခရိုင်ဖြစ်သည်။ ခရိုင်နေလူထုသည် စိုက်ပျိုးရေးကို အဓိကလုပ်ကိုင်ကြသည်။ စပါး၊ ပဲ၊ ပြောင်း၊ နှမ်းတို့ကို အဓိကထုတ်လုပ်ပြီး မန္တလေးမြို့သို့ တင်ပို့သည်။
ပို့ဆောင်ဆက်သွယ်ရေး
ရွှေဘို-မြစ်ကြီးနားကားလမ်းသည် ခရိုင်အတွင်းမှ ဖြတ်သန်းသွားသည်။ ထို့အပြင် မန္တလေး- မြစ်ကြီးနားရထားလမ်းလည်း ဖြတ်သန်းသွားသည်။ မူးမြစ်အတွင်း ရေကြောင်းခရီးသွားလာနိုင်သည်။
ကိုးကား
This article uses material from the Wikipedia မြန်မာဘာသာ article ကန့်ဘလူခရိုင်, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.