Tomorrow X Together (Солонгосоор: 투모로우바이투게더, Японоор: トゥモローバイトゥギャザー) нь TXT (tee-eks-tee) гэдэг нэрээрээ алдартай, Big Hit Music-ын (хуучнаар Big Hit Entertainment) үүсгэн байгуулсан Өмнөд Солонгосын хөвгүүдийн хамтлаг юм.
Тус хамтлаг нь Yeonjun, Soobin, Beomgyu, Taehyun, HueningKai гэсэн 5 гишүүнээс бүрдэнэ.
Tomorrow X Together | |
2019 оны 8 сард | |
Товч танилцуулга | |
---|---|
Үндсэн нэр | Солонгосоор 투모로우바이투게더 |
Бусад нэр | Tomorrow X Together TXT (товч) |
Бүрдсэн газар | Өмнөд Солонгос |
Дуулдаг хэл | солонгос , япон, англи |
Зах зээл | Өмнөд Солонгос, Япон, болон дэлхийн олон оронд |
Урсгал | K-pop , pop rock, alternative R&B |
Танил үе | 2019 он - одоо |
Хөтөч | Big Hit Music |
Гишүүн (5) | Yeonjun Soobin Beomgyu Taehyun Huening Kai |
Цахим хаяг | ibighit.com/txt |
Тэд 2019 оны 3 сарын 4-нд The Dream Chapter: Star хэмээх цомгоор дебютээ хийсэн. Тус цомог цацагдсанаар Gaon Album Chart болон Billboard World Albums Chart-ийг тэргүүлж, АНУ-ын Billboard 200 жагсаалтанд 140-д орсон нь тухайн үеийн эрэгтэй K-pop хамтлагуудын хамгийн өндөр жагсаалтад орсон анхны цомог болсон юм. Цомгийн гол дуу Crown нь Billboard World Digital Songs чартад 1-т бичигдэж, Billboard Emerging Artists чартыг тэргүүлжээ.
Тэд дэбют хийсэн эхний жилдээ 34 дэх удаагийн Golden Disc Awards болон 2019 оны Melon Music Awards-аас Rookie of the Year шагнал, 9 дэх удаагийн Gaon Chart Music Awards-аас New Artist of the Year шагнал, 2019 оны Mnet Asian Music Awards-аас Best New Male Artist шагналыг тус тус хүртжээ.
TXT гэдэг нь Tomorrow X Together гэсэн үгний товчлол. Солонгос хэлээр тус хамтлагийн нэрийг 투모로우바이투게더 (Tumorou-bai-tugedo) гэж уншина. Тэдний нэр "Илүү сайхан маргаашийг бүтээх итгэл найдвараар нэг мөрөөдлийн дор нэгдсэн" таван хувь хүнийг илэрхийлсэн гэж тайлбарладаг.
Big Hit Entertainment өөрсдийн хоёр дахь хөвгүүдийн хамтлаг байгуулах төлөвлөгөөг үүсгэн байгуулагч Bang Si-hyuk 2017 оны эхээр зарласан бөгөөд 2018 оны 11-н сард дэбют хийх өдрийг зарлаж, улмаар 2019 оны 1 сарын 10-нд албан ёсоор дэбютээ хийсэн.
2019 онд, Big Hit Entertainment-аас BTS дэбют хийснээс хойш 6 жилийн дараах анхны хөвгүүдийн хамтлагийг танилцуулсан нь TXT байв. Тэдний дэбют нэвтрүүлгийг 2019 оны 3 сарын 4-нд Mnet болон YouTube хуудаснаа цацаж, The Dream Chapter: Star цомог худалдаанд гарсан. Тэдний дэбют showcase тоглолт Yes24 Live Hall-д 3 сарын 5-ны өдөр зохион байгуулагдсан. Тэдний дэбют цомгийн гол дуу болох Crown дууны клип Youtube дээр 24 цагийн дотор 14.5 сая хандалт авснаар 24 цагийн дотор хамгийн олон хүн үзсэн К-поп хөвгүүдийн хамтлагийн дэбют клип болжээ. Дэбют цомог нь Gaon Album Chart болон Billboard World Albums Chart-ыг тэргүүлж, цомгийн гол дуу болох Crown дуу нь Billboard World Digital Songs чартад 1-т орсон юм. Тус хамтлаг Billboard Emerging Artists чартад 1-р байранд орж, Billboard 200 чартад 140-д орсноор эрэгтэй K-pop хамтлагуудын дундаас эдгээр чартуудад хамгийн хурдан орсон (тэд Billboard Emerging Artists чартад багтсан хоёр дахь хамгийн хурдан K-поп хамтлаг болсон) болон хамгийн өндөр жагсаалтанд орсон анхны дэбют цомог байв. Энэ цомог нь Oricon чартын долоо хоног тутмын цомгийн жагсаалтад мөн гуравдугаарт бичигдсэн. Нэмж дурдахад Gaon Monthly Album Chart-ын 3-р сарын цомгийн жагсаалтыг тэргүүлсэн байна. TXT-ийн анхны хөгжмийн шоу үзүүлбэр нь 2019 оны 3 сарын 7-нд Mnet-ийн M Countdown дээр байлаа. Тэд дэбют хийснээс хойш ердөө долоо хоногийн дараа SBS MTV-ийн The Show-наас Crown дуугаараа анхны ялалтаа авч, дараа нь M Countdown болон Show Champion-д мөн түрүүлсэн.
2019 оны 4 сарын 9-нд TXT анх удаагаа гадаадад хийх аялан тоглолтоо зарлаж, Америкийн Нью-Йорк, Чикаго, Лос-Анжелес, Даллас, Орландо, Атланта зэрэг зургаан хотод 5 сарын 9-нөөс 24-ны хооронд буюу хоёр долоо хоногийн турш зургаан удаа дэбют тоглолтоо үзүүлсэн. Бүх тоглолтын тасалбар 24 цагийн дотор зарагдаж дууссан байна. Уг showcase тоглолтынхоо дараа, 6 сарын 1-нд Лос-Анжелес дахь Dignity Health Sports Park-д болсон iHeartRadio Wango Tango хөгжмийн концерт дээр үзүүлбэрээ үзүүлсэн.
6 сарын 11-нд TXT нь шинэ платформ болох Weverse-д нэгдсэн анхны уран бүтээлч болно гэж зарласан юм.
6 сарын 20-нд тус хамтлаг Японы хамгийн том хоёр загварын наадам болох Kansai Collection-ын 8 сарын 27-нд болох 2019 оны намар/өвлийн загварын шоу, 9 сарын 7-нд болох Tokyo Girls Collection-ын 2019 оны намар/өвлийн шоунд тус тус оролцохоо зарлаж, нэг улиралд хоёр шоунд оролцсон анхны Солонгос уран бүтээлч болжээ. Тэд 7 сарын 6-нд Нью-Йоркийн Madison Square Garden-д болсон KCON 2019 NY хөгжмийн наадамд 55,000 үзэгчдийн өмнө тоглолтоо хийсэн. Тэр сарынхаа сүүлээр MTV Video Music Award-ын Best K-pop төрөлд анх удаа нэр дэвшсэн.
Тайзны нэр | Төрсөн нэр | Төрсөн өдөр, газар | ||
---|---|---|---|---|
Монгол | анхдагч | Монгол | анхдагч | |
Сүбин | Soobin | Чүэ Сүбин | 최수빈 | 2000 оны 12 сарын 5 , Аньсань |
Ёнжүн | Yeonjun | Чүэ Ёнжүн | 최연준 | 1999 оны 9 сарын 13 , Сөүл |
Бомгюү | Beomgyu | Чүэ Бомгюү | 최범규 | 2001 оны 3 сарын 13 , Тэгү |
Тэхён | Taehyun | Кан Тэхён | 강태현 | 2002 оны 2 сарын 5 , Сөүл |
Хюүнин Кай | Huening Kai | Хюүнин Кай | 휴닝카이 | 2002 оны 8 сарын 14 , Хавай - Хонолулу |
This article uses material from the Wikipedia Монгол article Tomorrow X Together, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.