പെരുമ്പടവം ശ്രീധരൻ
മലയാളത്തിലെ ഒരു നോവലിസ്റ്റും,ചെറുകഥാകൃത്തും, തിരക്കഥാകൃത്തുമാണ്‌ പെരുമ്പടവം ശ്രീധരൻ.1975-ലെ കേരള സാഹിത്യ അക്കാദമി പുരസ്കാരമടക്കം നിരവധി പുരസ്കാരങ്ങൾ നേടിയിട്ടുണ്ട്.
എന്നാൽ 1993-ൽ പുറത്തുവന്ന ഒരു സങ്കീർത്തനം പോലെ എന്ന നോവലാണ് മലയാളസാഹിത്യ രംഗത്ത് അദ്ദേഹത്തെ കൂടുതൽ ശ്രദ്ധേയനാക്കിയത്. ഈ നോവലിന് അമ്പതു പതിപ്പുകൾ ആയി.
പെരുമ്പടവം ശ്രീധരൻ | |
|---|---|
 | |
| തൊഴിൽ | നോവലിസ്റ്റ്, ചെറുകഥാകൃത്ത് |
| ശ്രദ്ധേയമായ രചന(കൾ) | അഭയം, അഷ്ടപദി, ഒരു സങ്കീർത്തനം പോലെ |
ജീവിതരേഖ
എറണാകുളം ജില്ലയിൽ മുവാറ്റുപുഴ താലൂക്കിലെ പെരുമ്പടവം ഗ്രാമത്തിൽ നാരായണന്റെയും ലക്ഷ്മിയുടെയും മകനായി 1938 ഫെബ്രുവരി 12-ന് ജനിച്ചു. കുട്ടിക്കാലം മുതൽക്കേ സാഹിത്യത്തിൽ താല്പര്യമുണ്ടായിരുന്നു. എഴുത്തിന്റെ ആരംഭം കവിതയിലായിരുന്നു. പിന്നീട് കഥയിലേക്കും നോവലിലേക്കും തിരിഞ്ഞു. 12 ചലച്ചിത്രങ്ങൾക്ക്‌ തിരക്കഥ രചിച്ചു. കേരള സാഹിത്യ അക്കാദമി, ചലച്ചിത്ര സെൻസർ ബോർഡ്, സാഹിത്യ പ്രവർത്തക സഹകരണസംഘം നിർദ്ദേശക സമിതി എന്നിവയിൽ അംഗമായിരുന്നിട്ടുണ്ട്. 2011 ൽ കേരള സാഹിത്യ അക്കാദമിയുടെ പ്രസിഡന്റായി നിയമിതനായി.
കൃതി
- ഒരു സങ്കീർത്തനം പോലെ
- അഭയം
- അഷ്ടപദി
- അന്തിവെയിലെ പൊന്ന്
- ആയില്യം
- സൂര്യദാഹം
- ഒറ്റച്ചിലമ്പ്
- ആരണ്യഗീതം
- ഗ്രീഷ്മജ്വാലകൾ
- കാൽ‌വരിയിലേക്ക് വീണ്ടും
- ഇടത്താവളം
- അർക്കവും ഇളവെയിലും
- മേഘച്ഛായ
- ഏഴാം വാതിൽ
- നിന്റെ കൂടാരത്തിനരികെ
- വാൾമുനയിൽ വച്ച മനസ്സ്
- എന്റെ ഹൃദയത്തിന്റെ ഉടമ
- അരൂപിയുടെ മൂന്നാം പ്രാവ്
- നാരായണം
- പൊൻപറകൊണ്ട് സ്നേഹമളന്ന്
- ദൂരങ്ങൾ കടന്ന്
- തേവാരം
- പകൽപൂരം
- കൃപാനിധിയുടെ കൊട്ടാരം
- ഇലത്തുമ്പുകളിലെ മഴ
- അസ്തമയത്തിന്റെ കടൽ
- ഗോപുരത്തിനുതാഴെ
- പിന്നെയും പൂക്കുന്ന കാട്
- ഇരുട്ടിൽ പറക്കുന്ന പക്ഷി
- പ്രദക്ഷിണവഴി
- തൃഷ്ണ
- സ്മൃതി
- ദൈവത്തിന്റെ കാട്ടിലെ ഒരില
- ശംഖുമുദ്രയുള്ള വാൾ
- ബോധിവൃക്ഷം
- കടൽക്കരയിലെ വീട്
- ഹൃദയരേഖ
- ഒറ്റ ശിഖരത്തിന്റെ മരം
- ഡിസംബർ
- ഒരുകീറ് ആകാശം
- സ്നേഹത്തിന്റേയും മരണത്തിന്റേയും അതിര്‌, ശലഭത്തിൻ്റെ ലോകം
പുരസ്കാരങ്ങൾ
- കേരള സാഹിത്യ അക്കാദമി പുരസ്കാരം (1975) - അഷ്ടപദി
- വയലാർ പുരസ്കാരം (1996) - ഒരു സങ്കീർത്തനം പോലെ
- വി.ടി. ഭട്ടതിരിപ്പാട് സ്മാരക സാഹിത്യ പുരസ്കാരം - ഒരു സങ്കീർത്തനം പോലെ
- കേരളാ കൾച്ചറൽ സെന്റർ പുരസ്കാരം - ഒരു സങ്കീർത്തനം പോലെ
- മഹാകവി ജി. സ്മാരക പുരസ്കാരം- ഒരു സങ്കീർത്തനം പോലെ
- അബുദാബി മലയാളി സമാജം സാഹിത്യ പുരസ്കാരം - ഒരു സങ്കീർത്തനം പോലെ
- ദുബായ് കൈരളി കലാകേന്ദ്രം സാഹിത്യ പുരസ്കാരം - ഒരു സങ്കീർത്തനം പോലെ
- കാവ്യമണ്ഡലം പുരസ്കാരം - ഒരു സങ്കീർത്തനം പോലെ
- അബുദാബി ശക്തി പുരസ്കാരം- ഒരു സങ്കീർത്തനം പോലെ
- കേരളസംസ്ഥാന ചലച്ചിത്രപുരസ്കാരം - മികച്ച തിരക്കഥ- സൂര്യദാഹം(1980)
- ഫിലിം ക്രിട്ടിക്സ് പുരസ്കാരം
- ഫിലിംഫെയർ പുരസ്കാരം
- കേരളസംസ്ഥാന ബാലസാഹിത്യ പുരസ്കാരം - നിലാവിന്റെ ഭംഗി (കുട്ടികൾക്കുള്ള നോവൽ)
- മലയാറ്റൂർ പുരസ്കാരം - നാരായണം
- വള്ളത്തോൾ പുരസ്കാരം - 2013
അവലംബം
This article uses material from the Wikipedia മലയാളം article പെരുമ്പടവം ശ്രീധരൻ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.