ഒരു മലയാളചലച്ചിത്ര നടനും നിർമ്മാതാവുമാണ് ജോജു ജോർജ്ജ്.
മഴവിൽ കൂടാരം (1995) എന്ന ചിത്രത്തിലൂടെ ജൂനിയർ ആർട്ടിസ്റ്റായി അഭിനയ ജീവിതം ആരംഭിച്ച അദ്ദേഹം പിന്നീട് സഹ നടനായി പല വേഷങ്ങളിലും പ്രത്യക്ഷപ്പെട്ടു. 2018-ൽ പുറത്തിറങ്ങിയ ജോസഫ് എന്ന ചിത്രത്തിൽ പ്രധാന കഥാപാത്രത്തെ അവതരിപ്പിക്കുകയും ചിത്രം ബോക്സ് ഓഫീസിൽ വിജയവും അദ്ദേഹത്തിന്റെ കരിയറിലെ വഴിത്തിരിവായി കണക്കാക്കുകയും ചെയ്യുന്നു. ചോള, ജോസഫ് എന്നി ചിത്രങ്ങളിലെ അഭിനയത്തിന് 2018-ലെ മികച്ച കഥാപാത്രത്തിനുള്ള കേരള സംസ്ഥാന ചലച്ചിത്ര പുരസ്കാരവും ദേശീയ ചലച്ചിത്ര പുരസ്കാരവും (പ്രത്യേക പരാമർശം) ലഭിച്ചു.
ജോജു ജോർജ്ജ് | |
---|---|
ജനനം | |
മറ്റ് പേരുകൾ | ജോജു മാള |
തൊഴിൽ | അഭിനേതാവ്, നിർമ്മാതാവ് |
സജീവ കാലം | 1999 - മുതൽ |
പുരസ്കാരങ്ങൾ | 2015ലെ കേരള സംസ്ഥാന സർക്കാർ ജൂറി പുരസ്കാരം |
1977 ഒക്ടോബർ 22-ന് തൃശൂർ ജില്ലയിലെ മാളക്കടുത്ത് കുഴൂരിൽ ജനനം. ജോർജ്ജ് പരേതട്ടിൽ, റോസി ജോർജ്ജ് എന്നിവരാണു മാതാപിതാക്കൾ. ഹൈസ്കൂൾ വിദ്യാഭ്യാസം കുഴൂർ ജി.എച്ച്.എസ്.എസിലും തുടർപഠനം ഇരിങ്ങാലക്കുട ക്രൈസ്റ്റ് കോളേജിലുമായിരുന്നു. 1991-ൽ സംവിധാനസഹായിയായിട്ടാണ് സിനിമ രംഗത്തേക്ക് വന്നത്.
ലാൽ ജോസ് സംവിധാനം ചെയ്ത പട്ടാളമാണ് ആദ്യചിത്രം. 1983, ഹോട്ടൽ കാലിഫോർണിയ, കസിൻസ്, പുള്ളിപ്പുലികളും ആട്ടിൻകുട്ടിയും, രാജാധിരാജ, ഒരു സെക്കന്റ് ക്ലാസ്സ് യാത്ര, ലുക്കാ ചുപ്പി, രാമന്റെ ഏദൻ തോട്ടം, ഉദാഹരണം സുജാത തുടങ്ങിയ സിനിമകളിൽ ശ്രേദ്ധേയമായ വേഷങ്ങൾ ചെയ്തു. സനൽ കുമാർ ശശിധരന്റെ ചോലയിലെ നായക വേഷം അവതരിപ്പിച്ചു. ജോസഫ് എന്ന ചലച്ചിത്രത്തിലെ റ്റൈറ്റിൽ റോൾ ഏറെ ശ്രദ്ധ പിടിച്ചുപറ്റി. ചാർളി എന്ന ചിത്രത്തിന്റെ സഹ നിർമ്മാതാവാണ്.
അബ്ബയാണ് ഭാര്യ. ഇയാൻ, സാറാ, ഇവാൻ എന്നീ മൂന്ന് മക്കൾ.
വർഷം | സിനിമയുടെ പേര് | വേഷം |
---|---|---|
1995 | വഴവിൽ കൂടാരം | സിബി ജേക്കബ് |
1999 | ഫ്രണ്ട്സ് | |
ഇൻഡിപെൻഡൻസ് | ||
2000 | ദാദാസാഹിബ് | സക്കീർ അലി |
2001 | രാക്ഷസരാജാവ് | |
രാവണപ്രഭു | പോലീസ് ഓഫീസർ | |
പ്രജ | ||
2003 | പട്ടാളം | |
വാർ ആന്റ് ലവ് | ||
മനസ്സിനക്കരെ | ||
2004 | വജ്രം | |
ഫ്രീഡം | ||
ബ്ലാക്ക് | ||
2005 | ഫിംഗർപ്രിന്റ് (ചലച്ചിത്രം) | സി.ഐ. ശേഖർ |
ചാന്ത്പൊട്ട് | ||
2006 | വാസ്തവം | ബഷീർ |
2007 | ഡിറ്റക്ടീവ് | ശേഖർ |
നാദിയ കൊല്ലപ്പെട്ട രാത്രി | സെൽവൻ | |
റോക്ക് & റോൾ | ||
2008 | മുല്ല | |
അണ്ണൻ തമ്പി | പ്രകാശൻ | |
സുൽത്താൻ | ||
തിരക്കഥ | ||
ട്വന്റി 20 | ||
2010 | കൊക്ക്ടെയിൽ | ആനന്ദ് |
ബെസ്റ്റ് ആക്ടർ | ||
2011 | റേസ് | |
ഡബിൾസ് | ||
സെവൻസ് | രമേശൻ | |
ഇന്ത്യൻ റുപ്പി | ||
ബ്യൂട്ടിഫുൾ | ||
2012 | ഓർഡിനറി | സെബാസ്റ്റ്യൻ |
ഔട്ട്സൈഡർ | ആന്റണി | |
മായാമോഹിനി | പോലീസ് ഓഫീസർ | |
മല്ലുസിംഗ് | ||
തട്ടത്തിൻ മറയത്ത് | വിശ്വവൻ | |
റൺ ബേബി റൺ | ഷിബു | |
ട്രിവാൻഡ്രം ലോഡ്ജ് | ||
ജവാൻ ഓഫ് വെള്ളിമല | വിനു | |
ഐ ലൗ മി | ||
2013 | മൈ ഫാൻ രാമു | |
കമ്മത്ത് & കമ്മത്ത് | മാളികപ്പുരത്ത് ടോമിച്ചൻ | |
ഡേവിഡ് & ഗോലിയാത്ത് | ||
കിളി പോയി | ടോണി | |
നത്തോലി ഒരു ചെറിയ മീനല്ല | ||
സൗണ്ട് തോമ | ചാക്കോ | |
ഹോട്ടൽ കാലിഫോർണിയ | ഭരത് ചന്ദ്രൻ ഐ.പി.എസ് | |
നേരം | ||
പുള്ളിപ്പുലികളും ആട്ടിൻകുട്ടിയും | ചക്ക സുഖു | |
ഡി കമ്പനി | ||
വിശുദ്ധൻ | ||
എസ്കേപ്പ് ഫ്രം യുഗാണ്ട | ഗൗതം | |
2014 | 1983 | ക്രിക്കറ്റ് കോച്ച് |
മോസയിലെ കുതിരമീനുകൾ | മാത്യൂ പി മാത്യൂ | |
ആംഗ്രി ബേബീസ് ഇൻ ലവ് | അലക്സ് മാളിയേക്കൽ | |
വേഗം | ജോർജ്ജ് | |
മംഗ്ലീഷ് | ||
അവതാരം | ||
രാജാധിരാജ | അയ്യപ്പൻ | |
മണിരത്നം | മകുടി ദാസ് | |
ഹോംലി മീൽസ് | മ്യൂസിക് ഡയറക്ടർ | |
ഓടും രാജ ആടും റാണി | ||
ദി ഡോൾഫിൻസ് | ||
കാർണവർ | ||
കസിൻസ് | ടോണി | |
2015 | മിലി | എബി |
ഒന്നാം ലോക മഹായുദ്ധം | അനിരുദ്ധ് | |
ഒരു സെക്കന്റ് ക്ലാസ്സ് യാത്ര | ജോളി കുര്യയൻ | |
ലുക്ക ചുപ്പി | റഫീഖ് | |
ലോഹം | പല്ലൻ ഡേവിസ് | |
2016 | ആക്ഷൻ ഹീറോ ബിജു | ഹെഡ് കോൺസ്റ്റബിൾ മിനിമോൻ |
ഹലോ നമസ്തേ | ജയ മോഹൻ | |
ഇൻസ്പറ്റർ ദാവൂദ് ഇബ്രാഹിം | വാസു | |
10 കല്പനകൾ | വക്കച്ചൻ | |
2017 | ഫുക്രി | ഉസ്മാൻ |
കുഞ്ഞു ദൈവം | ഷിബു | |
ടേക്ക് ഓഫ് | ||
രാമന്റെ ഏദൻ തോട്ടം | എൽവിസ് | |
കടങ്കഥ | ||
ഒരു വിശേഷപ്പെട്ട ബിരിയാണി കിസ്സ | ||
ഉദാഹരണം സുജാത | ഹെഡ് മാസ്റ്റർ | |
മെല്ലെ | ||
ഹിസ്റ്ററി ഓഫ് ജോയ് | പോലീസ് | |
2018 | കളി | സി.ഐ. തിലകൻ.ടി |
പൂമരം | പോലീസ് ഇൻസ്പെക്ടർ | |
ഞാൻ മേരിക്കുട്ടി | പോലീസ് ഇൻസ്പെക്ടർ | |
ചാലക്കുടിക്കാരൻ ചങ്ങാതി | രാജ് കുമാർ | |
ജോസഫ് | ജോസഫ് | |
ഒറ്റയ്ക്കൊരു കാമുകൻ | അനന്ദകൃഷ്ണൻ | |
2019 | ലോനപ്പന്റെ മാമോദിസ | ബാബു |
ജൂൺ | ജോയ് (ജൂണിന്റെ അച്ഛൻ) | |
വൈറസ് | ബാബു | |
പൊറിഞ്ചു മറിയം ജോസ് | പൊറിഞ്ചു | |
ചോല | ബോസ് | |
വലിയ പെരുന്നാൾ | പെരുമ്പാവൂർ ശിവൻകുട്ടി | |
2020 | ട്രാൻസ് | |
ഹലാൽ ലവ് സ്റ്റോറി | ഡയറക്ടർ സിറാജ് | |
2021 | ചുരുളി | |
വൺ | ബേബിച്ചൻ | |
ആണും പെണ്ണും | ||
നായാട്ട് | മണിയൻ | |
ജഗമേ തൻന്തിരം | ||
മാലിക് | അൻവർ അലി ഐ.എ.എസ് / സബ് കളക്ടർ | |
തുറമുഖം |
2021 നവംബർ 1 ന്, ആവർത്തിച്ചുള്ള ഇന്ധന വിലവർദ്ധനവിനെതിരെ പാർട്ടി പ്രവർത്തകരുടെ റോഡ് ഉപരോധത്തെ ചോദ്യം ചെയ്ത ജോജുവിനെ കൊച്ചിയിൽ വെച്ച് കോൺഗ്രസ് പ്രവർത്തകർ ആക്രമിച്ചു. ആക്രമണത്തിനിടെ ഇദ്ദേഹത്തിന്റെ വാഹനവും തകർക്കുകയും ചെയ്തു.കേരളത്തിലെ രാഷ്ട്രീയ പാർട്ടികൾ നടത്തുന്ന റോഡ് ഉപരോധം പോലുള്ള പരമ്പരാഗത സമര രീതികൾ മാറേണ്ടതുണ്ടെന്ന് അദ്ദേഹം ചൂണ്ടിക്കാട്ടി. താൻ ഒരു രാഷ്ട്രീയ പാർട്ടിക്കും എതിരല്ലെന്നും ഇന്ധന വില വർദ്ധനയുടെ സമരത്തെ പിന്തുണയ്ക്കുന്നതായും അദ്ദേഹം പറഞ്ഞു.[അവലംബം ആവശ്യമാണ്] ചുരുളി എന്ന ചിത്രവുമായി ബന്ധപ്പെട്ട് നവ മാധ്യമങ്ങളിലെ ചില അഭിപ്രായ വ്യത്യാസങ്ങൾ ചർച്ചാവിഷയമായി മാറി.[അവലംബം ആവശ്യമാണ്]
This article uses material from the Wikipedia മലയാളം article ജോജു ജോർജ്, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.