ഗോഡ്ഫാദർ: മലയാള ചലച്ചിത്രം

എൻ.എൻ. പിള്ള, മുകേഷ്, കനക, ഫിലോമിന തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.

ഗോഡ്ഫാദർ
വി.സി.ഡി. പുറംചട്ട
സംവിധാനം	സിദ്ദിഖ്-ലാൽ
നിർമ്മാണം	അപ്പച്ചൻ
രചന	സിദ്ദിഖ്-ലാൽ
അഭിനേതാക്കൾ	എൻ.എൻ. പിള്ള മുകേഷ് കനക ഫിലോമിന
സംഗീതം	എസ്. ബാലകൃഷ്ണൻ
ഗാനരചന	ബിച്ചു തിരുമല
ഛായാഗ്രഹണം	വേണു
ചിത്രസംയോജനം	ടി.ആർ. ശേഖർ
സ്റ്റുഡിയോ	സ്വർഗ്ഗചിത്ര
വിതരണം	സ്വർഗ്ഗചിത്ര റിലീസ്
റിലീസിങ് തീയതി	1991
രാജ്യം	ഇന്ത്യ
ഭാഷ	മലയാളം
സമയദൈർഘ്യം	150 മിനിറ്റ്

തിരുവനന്തപുരത്തെ ഒരു തീയറ്ററിൽ ഈ ചിത്രം തുടർച്ചയായി 405 ദിവസങ്ങളിൽ പ്രദർശിപ്പിച്ച്, ഏറ്റവും വലിയ സാമ്പത്തിക വിജയങ്ങൾ നേടിയ ചിത്രങ്ങളിലൊന്നായി ഗോഡ്ഫാദർ, ആ വർഷത്തെ ജനപ്രിയ ചിത്രത്തിനുള്ള കേരളസംസ്ഥാന ചലച്ചിത്രപുരസ്കാരം നേടി.ഈ ചിത്രത്തിലെ അഞ്ഞൂറാൻ എന്ന കഥാപാത്രത്തിന്റെ പേര് ടെലിഫോൺ ഡയക്ടറിയിൽ നിന്നാണ് സംവിധായകർ കണ്ടെത്തിയത്.

അഞ്ഞൂറാനും ആനപ്പാറ അച്ചാമ്മയും കുടുംബപരമായി ബദ്ധവൈരികളാണ്. എന്തൊക്കെയോ പൂർവ്വകാല അനുഭവങ്ങൾ മൂലം അഞ്ഞൂറാൻ തന്റെ കുടുംബത്തിലേക്ക് സ്ത്രീകളെ പ്രവേശിപ്പിക്കില്ല എന്ന തീരുമാനമെടുത്തിട്ടുണ്ട്. അതിനാൽ പല പ്രായത്തിലുള്ള അദ്ദേഹത്തിന്റെ നാല് ആൺമക്കളും അവിവാഹിതരായി തുടരുന്നു. എന്നിരുന്നാലും, അഞ്ഞൂറാന്റെ ഏറ്റവും ഇളയ മകൻ രാമഭദ്രനും ആനപ്പാറ അച്ചാമ്മയുടെ കൊച്ചുമകൾ മാലുവും തമ്മിൽ പ്രണയത്തിലാകുമ്പോൾ എല്ലാം മാറുന്നു.

• എൻ.എൻ. പിള്ള – അഞ്ഞൂറാൻ
• മുകേഷ് – രാമഭദ്രൻ
• കനക – മാലു
• ഫിലോമിന – ആനപ്പാറ അച്ചാമ്മ
• ജഗദീഷ് – മായിൻകുട്ടി (രാമഭദ്രന്റെ ഉറ്റ സുഹൃത്ത്
• തിലകൻ – ബാലരാമൻ (അഞ്ഞൂറാന്റെ മൂത്ത മകൻ)
• ഇന്നസെന്റ് – സ്വാമിനാഥൻ (അഞ്ഞൂറാന്റെ രണ്ടാമത്തെ മകൻ)
• സിദ്ദിഖ് – വീരഭദ്രൻ (ആനപ്പാറ അച്ചാമ്മയുടെ ഏറ്റവും ഇളയ മകൻ)
• കെ.പി.എ.സി. ലളിത – കൊച്ചമ്മിണി
• ഭീമൻ രഘു – പ്രേമചന്ദ്രൻ (അഞ്ഞൂറാന്റെ മൂന്നാമത്തെ മകൻ)
• പറവൂർ ഭരതൻ – പരശുരാമൻ (ആനപ്പാറ അച്ചാമ്മയുടെ മൂത്ത മകൻ, മാലുവിന്റെ അച്ഛൻ)
• ജനാർദ്ദനൻ – ഗോപിനാഥൻ (ആനപ്പാറ അച്ചാമ്മയുടെ രണ്ടാമത്തെ മകൻ
• ശങ്കരാടി – ആനപ്പാറ അച്ചാമ്മയുടെ കുടുംബ വക്കീൽ
• കൊല്ലം തുളസി – അഞ്ഞൂറാന്റെ കുടുംബ വക്കീൽ
• സീനത്ത് – കടപ്പുറം കാർത്ത്യാനി
• കുണ്ടറി ജോണി- ഹേമചന്ദ്രൻ (ആനപ്പാറ അച്ചാമ്മയുടെ മൂന്നാമത്തെ മകൻ)
• ഉണ്ണിമേരി - ഹേമചന്ദ്രന്റെ ഭാര്യ
• രവി വള്ളത്തോൾ - ശങ്കരാടിയുടെ മകൻ
• SHIBIL VALLIKADAN( CINEMATOGRAPHY)

ഗാനരചന നിർവ്വഹിച്ചിരിക്കുന്നത് ബിച്ചു തിരുമല, സംഗീതസംവിധാനം നിർവ്വഹിച്ചിരിക്കുന്നത് എസ്. ബാലകൃഷ്ണൻ. 

1991 നവംബർ 15-ന് പുറത്തിറങ്ങിയ ഈ ചിത്രം,കിലുക്കത്തിന് ശേഷം ആ വർഷം ഏറ്റവും കൂടുതൽ കളക്ഷൻ നേടിയ രണ്ടാമത്തെ ചിത്രമായിരുന്നു. ഈ ചിത്രം 417 ദിവസം പ്രദർശിപ്പിക്കപ്പെട്ട് ഒരു വൻ വിജയമായി.തിരുവന്തപുരത്തെ ശ്രീകുമാർ തിയേറ്ററിൽ നിന്ന് മാത്രം 246 ദിവസം കൊണ്ട് 2284147 രൂപ നേടി ചിത്രം നേടി. ഇത് പിന്നീട് തെലുങ്കിൽ പെദ്ദാരികം എന്ന പേരിലും, മറാത്തിയിൽ ഘയാൽ എന്ന പേരിലും, ഹിന്ദിയിൽ ഹൽചുൽ എന്ന പേരിലും , പാണ്ഡവരുമായി കന്നടയിലും, ഒഡിയയിൽ ലവ് ഡോട്ട് കോമായും റീമേക്ക് ചെയ്യപ്പെട്ടു.

 

വിക്കിചൊല്ലുകളിലെ ഗോഡ്ഫാദർ എന്ന താളിൽ ഈ ലേഖനവുമായി ബന്ധപ്പെട്ട ചൊല്ലുകൾ ലഭ്യമാണ്‌:

• ഗോഡ്ഫാദർ ഇന്റർനെറ്റ് മൂവി ഡാറ്റാബേസിൽ
• ഗോഡ്ഫാദർ – മലയാളസംഗീതം.ഇൻഫോ