ഷോൺ കോണറി

1962 മുതൽ 1983 വരെയുള്ള ഏഴ് ജയിംസ് ബോണ്ട് ചിത്രങ്ങളിൽ കോണറി നായകനായി. ജയിംസ് ബോണ്ട് ചിത്രങ്ങൾ കൂടാതെ 1964-ൽ ഇറങ്ങിയ ആൽഫ്രെഡ് ഹിച്ച്‌കോക്ക് ചിത്രങ്ങളായ 'മാമി', 'മർഡർ ഓൺ ഓറിയന്റ് എക്സ്പ്രസ്സ്' (1974) എന്നീ ചിത്രങ്ങളിലും പ്രധാന വേഷങ്ങൾ കൈകാര്യം ചെയ്തു. 1987-ൽ പുറത്തിറങ്ങിയ 'ദ് അൺടച്ചബൾസ്' കോണറിയ്ക്ക് അക്കാദമി അവാർഡ് നേടിക്കൊടുത്തു.

മുത്തച്ഛന്റെ പേരിൽ തോമസ് എന്ന് നാമകരണം ചെയ്യപ്പെട്ട തോമസ് സീൻ കോണറി 1930 ഓഗസ്റ്റ് 25 ന് സ്കോട്ട്ലൻഡിലെ എഡിൻബർഗിലുള്ള ഫൌണ്ടൻബ്രിഡ്ജിലാണ് ജനിച്ചത്. മാതാവ് യൂഫേമിയ "എഫി" മക്ബെയ്ൻ മക്ലീൻ ഒരു ശുചീകരണത്തൊഴിലിൽ ഏർപ്പെട്ടിരുന്ന വനിതയായിരുന്നു. കോണറിയുടെ പിതാവ് ജോസഫ് കോണറി ഒരു ഫാക്ടറിത്തൊഴിലാളിയും ലോറി ഡ്രൈവറുമായിരുന്നു. പത്തൊൻപതാം നൂറ്റാണ്ടിന്റെ മധ്യത്തിൽ അയർലണ്ടിൽ നിന്ന് സ്കോട്ട്ലൻഡിലേക്ക് കുടിയേറിയവരായിരുന്നു അദ്ദേഹത്തിന്റെ പിതാമഹന്റെ മാതാപിതാക്കൾ.

2020 ഒക്ടോബർ 31 ന് 90 വയസ് പ്രായമുള്ളപ്പോൾ ബഹമാസിലെ നസ്സാവിലുള്ള ഭവനത്തിൽവച്ച് ഷോൺ കോണറി നിദ്രയിലായിരിക്കവേ മരണമടഞ്ഞു. അദ്ദേഹത്തിന്റെ മരണം അന്നേ ദിവസംതന്നെ കുടുംബവും ഇയോൺ പ്രൊഡക്ഷനും അറിയിച്ചിരുന്നു. കുറച്ചു അദ്ദേഹം രോഗാവസ്ഥയിലായിരുന്നുവെന്ന് മകൻ പ്രസ്താവിച്ചു.