ရှောင်ကွန်နရီ
ဆာ တောမတ်စ် ရှောင်ကွန်နရီ (အင်္ဂလိပ်: Thomas Sean Connery; ၂၅ ဩဂုတ် ၁၉၃၀ –၃၁ အောက်တိုဘာ ၂၀၂၀) သည် စကော့လူမျိုး ရုပ်ရှင်သရုပ်ဆောင်နှင့် ရုပ်ရှင်ထုတ်လုပ်သူ တစ်ဦးဖြစ်ပြီး အကယ်ဒမီဆု တစ်ခု၊ ဘက်ဖ်တာဆု နှစ်ခု နှင့် ရွှေကမ္ဘာလုံးဆု ၃ ခု ကို ရရှိခဲ့ဖူးသူ ဖြစ်သည်။
| ဆာ တောမတ်စ် ရှောင်ကွန်နရီ တမ်းပလိတ်:Post-nominals/CAN | |
|---|---|
 ၂၀၀၈ အီဒင်ဘတ်အပြည်ပြည်ဆိုင်ရာ ရုပ်ရှင်ပွဲတော်တွင် တွေ့ရသော ရှောင်ကွန်နရီ | |
| မွေးဖွား | Thomas Sean Connery ၂၅ ဩဂုတ်၊ ၁၉၃၀ ဖောင်တိန်ဘရစ်၊ အီဒင်ဘတ်မြို့၊ စကော့တလန်၊ ယူနိုက်တက်ကင်းဒမ်း |
| ကွယ်လွန် | ၃၁ အောက်တိုဘာ၊ ၂၀၂၀ (အသက် ၉၀) နဲစ်ဆိုးမြို့၊ ဘဟားမား ဓနသဟာယ နိုင်ငံ |
| အလုပ်အကိုင် | သရုပ်ဆောင် |
| တက်ကြွလှုပ်ရှားနှစ်များ | ၁၉၅၄-၂၀၀၃ /၂၀၁၂ |
| နိုင်ငံရေးပါတီ | စကော့အမျိုးသားပါတီ |
| အိမ်ထောင်ဖက်(များ) |
|
| သားသမီး | ဂျေဆန် ကွန်နရီ |
| မိသားစု | Neil Connery (ညီ) |
| ဝက်ဘ်ဆိုဒ် | seanconnery.com |
ငယ်ဘဝ
ရှောင်ကွန်နရီသည် စကော့တလန်နိုင်ငံ၊ အီဒင်ဘာယာမြို့တွင် မွေးဖွားခဲ့သူဖြစ်ပြီး ဖခင်သည် ကုန်တင်ထရပ်ကားမောင်းသူ ဖြစ်သည်။ ရှောင်သည် ငယ်စဉ်ကပင် အလွန်ဆင်းရဲစွာ နေထိုင်ခဲ့ရသူဖြစ်သည်။ ငယ်စဉ်ဘဝ၌ပင် အလုပ်မျိုးစုံ လုပ်ကိုင်ဘူးသည်။ ပန်းရံတပည့် အဖြစ် အုတ်ခဲခွဲခြင်း၊ အင်္ဂတေ လောင်းခြင်းအလုပ်များကို၎င်း၊ အသုဘခေါင်းများ ဆေးသုတ်သည့် အလုပ်ကို၎င်း လုပ်ကိုင်ခဲ့ဘူးသည်။ အသက် (၁၅)နှစ်အရွယ်တွင် ဖခင်နှင့်အတူ ကုန်တင်ကား စတင်မောင်းနှင်ခဲ့ရသည်။
ရုပ်ရှင်သရုပ်ဆောင်
ရှောင်ကွန်နရီသည် ၁၉၆၂ ခုနှစ်မှ ၁၉၈၃ ခုနှစ် အတွင်း ဂျိမ်းစ်ဘွန်း ရုပ်ရှင် ၇ ကားတွင် ပါဝင်သရုပ်ဆောင်ခဲ့သဖြင့် ဂျိမ်းစ်ဘွန်းမင်းသား အဖြစ် လူသိများသည်။ ၁၉၈၈ ခုနှစ်တွင် ရှောင်ကွန်နရီသည် အန်တပ်ရှေဘယ် (The Untouchables) ရုပ်ရှင်ကားဖြင့် အကောင်းဆုံး ဇာတ်ပို့ အကယ်ဒမီဆုကို ရရှိခဲ့သည်။ ဂျိမ်းစ်ဘွန်းကားများတွင် သာမကဘဲ အခြားနာမည်ကျော် ရုပ်ရှင်ကားများ ဖြစ်သော ရက်ဒ်အောက်တိုဘာ သင်္ဘော အား ရှာဖွေခြင်း (The Hunt for Red October)၊ ကုန်းမြင့်သား (Highlander)၊ အင်ဒီယာနာဂျုန်းနှင့် နောက်ဆုံး ခရူးဆိတ် အစရှိသော ရုပ်ရှင်ကားများတွင်လည်း ပါဝင်သရုပ်ဆောင်ခဲ့သည်။ ၂၀၀၀ ခုနှစ် ဇူလိုင်လတွင် နိုက်အဖြစ် သူကောင်းပြုခံခဲ့ရသည်။ ရှောင်ကွန်နရီသည် ၁၉၉၉ ခုနှစ်တွင် အသက်ရှင်နေသူများထဲမှ လိင်ပိုင်းဆိုင်ရာ ဆွဲဆောင်မှု အရှိဆုံးသူ အဖြစ် ပီးပဲလ်မဂ္ဂဇင်းမှ ရွေးချယ်ခဲ့သည့် အပြင် ၁၉၉၉ ခု အသက် ၆၉ ခုနှစ်တွင် ရာစုနှစ်အတွင်း လိင်ပိုင်းဆိုင်ရာ ဆွဲဆောင်မှု အရှိဆုံးသူ အဖြစ် ပရိသတ်မှ မဲပေးရွေးချယ်ခဲ့သည်။
ကိုးကား
This article uses material from the Wikipedia မြန်မာဘာသာ article ရှောင်ကွန်နရီ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.