ഇടശ്ശേരി ഗോവിന്ദൻ നായർ: കേരളീയ രചയിതാവ്‌

(ഡിസംബർ 23, 1906 - ഒക്ടോബർ 16, 1974). പൂതപ്പാട്ട്‌, കാവിലെപ്പാട്ട്, പുത്തൻകലവും അരിവാളും, ബുദ്ധനും നരിയും ഞാനും എന്നീ കവിതകളിലൂടെ വ്യത്യസ്തമായ ഭാവുകത്വം പ്രകടമാക്കി .

ഇടശ്ശേരി ഗോവിന്ദൻ നായർ
ഇടശ്ശേരി ഗോവിന്ദൻ നായർ
ജനനം	1906 ഡിസംബർ 23
മരണം	1974 ഒക്ടോബർ 16
ദേശീയത	ഭാരതീയൻ
മറ്റ് പേരുകൾ	ശക്തിയുടെ കവി
അറിയപ്പെടുന്നത്	കവിയും നാടകകൃത്തും

ഇടശ്ശേരി ഗോവിന്ദൻ നായർ പൊന്നാനിക്കടുത്തുള്ള കുറ്റിപ്പുറത്ത്‌ 1906 ഡിസംബർ 23ന് പി .കൃഷ്ണക്കുറുപ്പിന്റെയും ഇടശ്ശേരിക്കളത്തിൽ കുഞ്ഞിക്കുട്ടിയമ്മയുടെയും മകനായി ജനിച്ചു. സാമാന്യ വിദ്യാഭ്യാസത്തിനു ശേഷം ആലപ്പുഴ, പൊന്നാനി, കോഴിക്കോട് എന്നിവിടങ്ങളിൽ ജോലി ചെയ്തു. 1938ൽ ഇടക്കണ്ടി ജാനകിയമ്മയെ വിവാഹം ചെയ്തു. കേരള സാഹിത്യ അക്കാദമിയുടെയും സംഗീത നാടക അക്കാദമിയുടെയും ഭരണ സമിതി അംഗമായിരുന്നു. 1974 ഒക്ടോബർ 16-നു സ്വവസതിയിൽ വച്ച്‌ മരിച്ചു. കഥാകൃത്ത് ഇ. ഹരികുമാർ മകനാണ്.

 

19 പുസ്തകങ്ങളും 10 സമാഹാരങ്ങളിലായി 300-ലധികം കവിതകളും 6 നാടകപുസ്തകങ്ങളും ലേഖനങ്ങളുടെ ഒരു ശേഖരവും ഇടശ്ശേരിയുടെ കൃതികളിൽ ഉൾപ്പെടുന്നു. മലയാള കവിതയിലെ കാല്പനികതയെ റിയലിസത്തിലേക്ക് മാറ്റിയ കവികളുടെ കൂട്ടത്തിലായിരുന്നു അദ്ദേഹം. പൂതപ്പാട്ട്, പണിമുടക്കം, കല്യാണപ്പുടവ, കറുത്ത ചെട്ടിച്ചികൾ, കാവിലെ പാട്ട് തുടങ്ങിയ കവിതകളിലെ ആഖ്യാനശൈലി ശക്തമായ മാനവികതയെ പ്രതിഫലിപ്പിക്കുന്നവയാണ്.

കവിതകൾ

• അളകാവലി(1940)
• പുത്തൻ കലവും അരിവാളും (1951)
• പൂതപ്പാട്ട്‌
• കുറ്റിപ്പുറം പാലം
• കറുത്ത ചെട്ടിച്ചികൾ
• വായാടി
• ഇടശ്ശേരിയുടെ തിരഞ്ഞെടുത്ത കവിതകൾ (1966)
• ഒരു പിടി നെല്ലിക്ക (1968)
• അന്തിത്തിരി (1977)
• അമ്പാടിയിലേക്കു വീണ്ടും
• ഹനൂമൽ സേവ തുഞ്ചൻ പറമ്പിൽ
• തൊടിയിൽ പടരാത്ത മുല്ല
• ഇസ്ലാമിലെ വന്മല
• നെല്ലുകുത്തുകാരി പാറുവിന്റെ കഥ
• കൊച്ചനുജൻ
• ലഘുഗാനങ്ങൾ (1954)
• ത്രിവിക്രമന്നു മുമ്പിൽ
• കുങ്കുമപ്രഭാതം
• അന്തിത്തിരി
• പണിമുടക്കം

നാടകങ്ങൾ

• നൂലുമാല (1947)
• കൂട്ടുകൃഷി (1950)
• കളിയും ചിരിയും (1954)
• എണ്ണിച്ചുട്ട അപ്പം (1957)
• ചാലിയത്തി (1960)
• 'ഇടശ്ശേരിയുടെ നാടകങ്ങൾ' (2001)

• കാവിലെപ്പാട്ട്‌ (1966) -കേന്ദ്ര സാഹിത്യ അക്കാദമി അവാർഡ് - 1969
• ഒരു പിടി നെല്ലിക്ക (1968) - കേരള സാഹിത്യ അക്കാദമി അവാർഡ് - 1971

ഇടശ്ശേരി സ്മാരക സമിതി ഏർപ്പെടുത്തിയ അവാർഡ് 20,000 രൂപയും പ്രശസ്തിഫലകവുമടങ്ങിയതാണ് ഇടശ്ശേരി പുരസ്കാരം

• ചിത്രങ്ങൾ

ജീവചരിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക.