അമേരിക്കൻ ഐക്യനാടുകളിലെ ന്യൂയോർക്ക് ഹാർബറിലെ ലിബർട്ടി ദ്വീപിൽ സ്ഥിതി ചെയ്യുന്ന 93 മീറ്റർ ഉയരമുള്ള നിയോക്ലാസിക്കൽ പ്രതിമയാണ് സ്റ്റാച്യൂ ഓഫ് ലിബർട്ടി.
ഫ്രെഡറിക് അഗസ്റ്റെ ബാർത്തോൾഡി രൂപകൽപ്പന ചെയ്ത് ഗുസ്താവ് ഈഫൽ നിർമ്മിച്ച ഈ ശില്പം രാഷ്ട്രത്തിനു സമർപ്പിച്ചത് 1886 ഒക്ടോബർ 28നാണ്. അമേരിക്കയ്ക്ക് ഫ്രഞ്ചുകാർ നൽകിയ സമ്മാനമാണ് ഈ പ്രതിമ. സ്വാതന്ത്ര്യത്തിന്റെ പ്രതിരൂപമായ റോമൻ ദേവതയായ ലിബർത്താസിന്റെ രൂപമായാണ് പ്രതിമ. വലത്തുകൈയ്യിൽ ഉയർത്തിപ്പിടിച്ച ഒരു ദീപശിഖയും ഇടതുകൈയ്യിൽ ഒതുക്കിപ്പിടിച്ചിരിക്കുന്ന ജൂലൈ 4, 1776 എന്ന് റോമൻ അക്കത്തിൽ (JULY IV MDCCLXXVI) എഴുതിയ അമേരിക്കൻ സ്വാതന്ത്ര്യ പ്രഖ്യാപനദിന ഫലകവുമായ റ്റബുല അൻസാത്തയുമായാണ് (a tablet evoking the law) പ്രതിമ നിൽക്കുന്നത്. ഒരു തകർന്ന ചങ്ങല പ്രതിമയുടെ കാൽക്കൽ കിടക്കുന്നുണ്ട്. ആദ്യകാലങ്ങളിൽ ലിബർട്ടി എൻലൈറ്റെനിങ്ങ് ദ വേൾഡ് എന്നാണിതറിയപ്പെട്ടിരുന്നത്. ഈ പ്രതിമ സ്വാതന്ത്ര്യത്തിന്റെയും അമേരിക്കൻ ഐക്യനാടുകളുടേയും ഒരു പ്രതീകവും അമേരിക്കയിലേക്ക് കുടിയേറിപ്പാർക്കുന്നവർക്ക് സ്വാഗതമേകുന്ന കാഴ്ച്ചയുമാണ്. ഇരുമ്പ് ചട്ടക്കൂടിൽ ചെമ്പ് പാളികൾ പൊതിഞ്ഞാണ് ഈ ശില്പം ഉണ്ടാക്കിയിരിക്കുന്നത്.
സ്റ്റാച്യൂ ഓഫ് ലിബർട്ടി | |
---|---|
Location | ലിബർട്ടി ദ്വീപ്, ന്യൂയോർക്ക് നഗരം, ന്യൂയോർക്ക്, യു.എസ്. |
Coordinates | 40°41′21″N 74°2′40″W / 40.68917°N 74.04444°W |
Built | ഒക്ടോബർ 28, 1886 |
Architect | ഫ്രെഡറിക്ക് അഗസ്റ്റെ ബാർത്തോൾഡി |
Visitors | 3.2 ദശലക്ഷം (in 2007) |
Governing body | യു.എസ്. നാഷണൽ പാർക്ക് സർവീസ് |
Type | സാംസ്കാരികം |
Criteria | i, vi |
Designated | 1984 (8th session) |
Reference no. | 307 |
സ്റ്റേറ്റ് പാർട്ടി | അമേരിക്കൻ ഐക്യനാടുകൾ |
പ്രദേശം | യൂറോപ്പും വടക്കേ അമേരിക്കയും |
U.S. National Register of Historic Places | |
Official name: Statue of Liberty National Monument, Ellis Island and Liberty Island | |
Designated | ഒക്ടോബർ 15, 1966 |
Reference no. | 66000058 |
U.S. National Monument | |
Designated | October 15, 1924 |
Designated by | പ്രസിഡന്റ് കാൽവിൻ കൂളിഡ്ജ് |
New York City Landmark | |
Type | Individual |
Designated | September 14, 1976 |
This article uses material from the Wikipedia മലയാളം article സ്റ്റാച്യൂ ഓഫ് ലിബർട്ടി, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.