مجسمه آزادی یا آزادی بتی امریکہ وچ نیویارک دے سمندری اڈے نال مینہیٹن وچ لبرٹی جزیرے تے نویں کلاسیکی نمونے تے بنی اک وڈی بتی اے۔ ایہ مجسمہ آزادی یا ازادی بتی فرانس دے لوکاں نیں امریکہ نوں 1886 وچ سغات دتی سی۔ نیویارک دے سمندری اڈے وچ لبرٹی جزیرے تے کھڑی ایہ بتی امریکہ آن والے پاندھیاں، مہاجراں تے واپس آنوالے امریکیاں نوں جی آیاں نوں کیندی اے۔
تانبے چ ڈھکی ہوئی بتی اک کھڑی سوانی نوں دسدی اے جیدے ہتھ وچ بتی تے ہتھ وچ اک تختی اے جیھدے تے امریکی ازادی دی تریخ 4 جولائی 1776 لکھی اے۔ بتی سوانی دا مونہہ ازادی دی رومی دیوی لبرٹاس نوں دسدا اے۔ بتی دے پیراں وچ ٹٹیاں ہویاں سنگلاں نیں۔ ایہ بتی ازادی دی تے فرینچ امریکی یاری دی وی نشانی اے۔
ایہ بتی (بتی تے اودھے نچلے حصے نوں ملا کے) 305 میٹر اچی اے۔ ماؤرس کاکلن نے ایدھا اندرونی حصہ ڈيزائن کیتا۔ ماؤرس کاکلن گستاو انجنینرنگ کمپنی دا چیف انجینیر سی تے اس نیں آئیفل ٹاور وی ڈيزائن کیتا۔ازادی بتی امریکہ دا نشان اے تے ایہ پوری دنیا چ آزادی تے لوکراج نوں دسدا اے۔
فریڈرک آگسٹ برتھولڈی ایہنوں بنان والا سی۔
This article uses material from the Wikipedia شاہ مکھی پنجابی (Shāhmukhī Pañjābī) article ازادی بتی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.