ജിൻകോ ബൈലൊബ

29 കോടി വർഷങ്ങൾക്ക് മുമ്പ് ഭൂമിയിൽ ആദ്യമായി പ്രത്യക്ഷപ്പെട്ട ജിൻകോയേൽസ് എന്ന വർഗീകരണക്രമത്തിൽ വരുന്ന, ഇന്നും ജീവിച്ചിരിക്കുന്ന ഒരേയൊരു സ്പീഷിസാണിത്. ജിൻകോ ജനുസ്സിൽപ്പെടുന്ന ജീവജാലങ്ങളുമായി സാമ്യമുള്ള ഫോസിലുകൾ ഏകദേശം 17 കോടി വർഷങ്ങൾക്ക് മുമ്പ് മധ്യജുറാസിക് കാലഘട്ടം വരെ കാണപ്പെടുന്നു. ഇന്ന് ഈ വൃക്ഷം വ്യാപകമായി നട്ടുവളർത്തുന്നുണ്ടെന്നു മാത്രമല്ല മനുഷ്യ ചരിത്രത്തിന്റെ തുടക്കത്തിൽ തന്നെ ഇത് വളർത്തിവന്നിരുന്നു.

ജിൻകോ ബൈലൊബ Temporal range: 51.5–0 Ma PreꞒ Ꞓ O S D C P T J K Pg N Early Eocene (Ypresian) - Present
Mature tree
പരിപാലന സ്ഥിതി
വംശനാശത്തിന്റെ വക്കിൽ  (IUCN 3.1)
ശാസ്ത്രീയ വർഗ്ഗീകരണം
കിങ്ഡം:	സസ്യലോകം
Division:	Ginkgophyta
Class:	Ginkgoopsida
Order:	Ginkgoales
Family:	Ginkgoaceae
Genus:	Ginkgo
Species:	G. biloba
Binomial name
Ginkgo biloba L.
Synonyms
Ginkgo macrophylla K.Koch Pterophyllus salisburiensis J.Nelson, nom. illeg. Salisburia adiantifolia Sm., nom. illeg. Salisburia biloba (L.) Hoffmanns. Salisburia ginkgo Rich., nom. illeg. Salisburia macrophylla Reyn.

ജിങ്കോ ഇല സത്ത് സാധാരണയായി ഒരു ഭക്ഷണ പദാർത്ഥമായി ഉപയോഗിക്കുന്നു. എന്നാൽ ഇത് മനുഷ്യന്റെ ആരോഗ്യത്തെ പിന്തുണയ്ക്കുന്നതിനോ ഏതെങ്കിലും രോഗത്തിനെതിരെ ഫലപ്രദമാണെന്നോ ശാസ്ത്രീയ തെളിവുകളൊന്നുമില്ല.

ജിൻക്യോ എന്ന ജാപ്പനീസ് പദത്തിൽ നിന്നും ഒരു അക്ഷര പിശക് മൂലം ഉണ്ടായ വാക്കാണ്‌ എന്ന് കരുതപ്പെടുന്നു

 

സാധാരണയായി 20–35 m (66–115 ft) വളരുന്ന വലിയ മരങ്ങളാണ് ജിൻകോ, ചൈനയിലെ ചില മരങ്ങൾ 50 m (160 ft) വരെ വളരാറുണ്ട്. ജിൻകോ വൃക്ഷത്തിന് ഒരു കോണീയ ഇലചാർത്തും, നീളമേറിയതും ഏതാണ്ട് പല ഭാഗങ്ങളിലേക്ക് പോകുന്നതുമായ ശാഖകളുമുണ്ട്, ഇത് സാധാരണയായി ആഴത്തിൽ വേരൂന്നിയതും കാറ്റിനെയും മഞ്ഞുവീഴ്ചയെയും പ്രതിരോധിക്കുന്നതുമാണ്. ഇളം മരങ്ങൾ പലപ്പോഴും ഉയരമുള്ളതും നേർത്തതുമാണ്. പ്രായമാകുമ്പോൾ ഇലചാർത്ത് വിശാലമാകും. ശരത്കാല സമയത്ത്, ഇലകൾ മഞ്ഞനിറമാവുകയും പിന്നീട് ചിലപ്പോൾ വളരെ ചുരുങ്ങിയ സമയത്തിനുള്ളിൽ തന്നെ (ഒന്ന് മുതൽ 15 വരെ  ദിവസങ്ങളിൽ) വീഴുകയും ചെയ്യുന്നു . രോഗത്തിനെതിരായ പ്രതിരോധം, പ്രാണികളെ പ്രതിരോധിക്കുന്നതിനുള്ള കഴിവ്, ആകാശ വേരുകളും മുളകളും രൂപപ്പെടുത്താനുള്ള കഴിവ് എന്നിവ ജിൻങ്കോ മരങ്ങൾക്ക് ദീർഘകാലം ആയുസ്സ് നൽകുന്നു. ചില മരങ്ങൾക്ക് 2,500 ൽ കൂടുതൽ വർഷം പ്രായം ഉണ്ടെന്നു കരുതപ്പെടുന്നു.