എർസിയ ഭാഷ

മോർദോവിയ റിപ്പബ്ലിക്കിന്റെ വിവിധഭാഗങ്ങളിലുള്ള ആളുകൾ ഇതു സംസാരിക്കുന്നു. റഷ്യയിലെ നിഷ്നിയെ നൊവൊഗൊറോദ്, ചുവാഷിയ, പെൻസ, സമാറ, സരട്ടോവ്, ഓറെൻബർഗ്, ഉല്യാനോവ്സ്ക്, താർത്താർസ്ഥാൻ, ബാഷ്കോർട്ടോസ്ഥാൻ എന്നിവിറ്റങ്ങളിൽ ഇതു സംസാരിക്കുന്നു. അർമെനിയ, എസ്തോണിയ കസാഖ്സ്ഥാൻ തുടങ്ങിയയിടങ്ങളിൽ ഈ ഭാഷ സംസാരിക്കുന്നവരെ കാണാനാകും. എർസിയ ഇപ്പോൾ സിറില്ലിക്ക് അക്ഷരമാലയിലാണ് എഴുതുന്നത്. മോർദോവിയയിൽ റഷ്യൻ, മോക്ഷ ഭാഷ എന്നിവയ്ക്കൊപ്പം എർസിയയും ഔദ്യോഗികഭാഷയാണ്.

ഉറാലിക്ക് ഭാഷാഗോത്രത്തിലെ മോർദ്വിനിക്ക് ശാഖയിൽപ്പെട്ടതാണ് ഈ ഭാഷ. എർസിയ മോക്ഷ ഭാഷയുമായി വളരെ അടുത്തു ബന്ധപ്പെട്ടിരിക്കുന്നു. എന്നാൽ, രൂപഘടന, ശബ്ദവിന്യാസം, പദസഞ്ചയം ഇവ വ്യത്യസ്തമാണെന്നു മാത്രം.