Смоланд (швед.
Се граничи со покраините Блекинге, Сканија, Халанд, Вестерјетланд, Естерјетланд и островот Еланд во Балтичкото Море. Името буквално значи „мали краишта“. Највисока точка е врвот ридот Томтабакен со 377 м.
Смоланд Småland | ||
---|---|---|
Земја | Шведска | |
Крај | Јеталанд | |
Окрузи | Крунуберг Калмар Јеншепинг Халанд Естерјетланд | |
Површина | ||
• Вкупна | 29,400 км2 (11,351 ми2) | |
Население (2009) | ||
• Вкупно | 720,358 | |
• Густина | 25/км2 (63/ми2) | |
Народ | ||
• Наречје | смолендско | |
Култура | ||
• Цвет | линеја | |
• Животно | видра | |
• Птица | дрозд пејач | |
Часовен појас | CET (UTC+1) | |
• Лете (ЛСВ) | CEST (UTC+2) | |
Пошт. бр. | 33000–34000 | |
Повик. бр. | 0372 0433 0459 0470–0478 0480–0493 |
Традиционалните покраини во Шведска немаат административна или политичка улога, туку постојат само како културно-историски целини. Покраината е поделена помеѓу три управни округа: Јеншепинг, Калмар и Крунуберг, со мали делови во окрузите Халанд и Естерјетланд.
Смоланд има население од 720.358 жители распоредени во пет окрузи:
Округ | Население |
---|---|
Јеншепинг (претежно) | 318.343 |
Калмар (претежно) | 208.999 |
Крунуберг (сосема) | 183.162 |
Халанд (периферно) | 7.081 |
Естерјетланд (периферно) | 2.773 |
Во пределите преовладува шумовита висорамнина, каде почвата е помешана со песок и камења и затоа е гола и непогодна за земјоделство. Единствен исклучок се крајбрежните делови како Калмарската Рамница. Во покраината изобилуваат езера и блата. Брегот го карактеризираат разни острови и заливи на север и обработена рамница на југ.
Најголеми градови се Јеншепинг (на северозапад), Векше (на југ) и Калмар на источното крајбрежје близу островот Еланд.
Подрачјето на Смоленд е населено во камено време и тоа пред 6000 п.н.е., кога доселениците Алби преминале ледениот мост преку Калмарскиот Проток.
Името Смоланд („мали краишта“) се должи на фактот што подрачјето во минатото постоеле неколку независни краишта: Кинда (денес дел од Естерјетланд), Твета, Виста, Ведбо, Шуст, Севеде, Аспеланд, Хандберд, Мере, Веренд, Финведен и Њудунг. Во викиншката ера и раниот среден век секој од нив имал свои закони и можел да се прогласи за неутрален во војните на Шведска, барем кога немало присуство на кралска војска во собраниската расправа. Околу 1350, за време на кралот Магнус Ериксон е донесен државен закон со кој покраините изгубиле голем дел од нивната независност.
Калмар е еден од најстарите градови во Шведска. Во средниот век бил најјужниот град во земјата и трет по големина Во тој период бил центар на железарството.
Смоланд има три национални парка:
Во местото Елмхулт е роден прочуениот ботаничар Карл фон Лине (1707–1778), наречен „татко на таксономијата“. По себеси го нарекол цвеќето Линеја (Linnaea borealis), кое потоа станало симбол на покраината.
Во истото место е роден и претприемачот Ингвар Кампрад, основач на IKEA.
This article uses material from the Wikipedia Македонски article Смоланд, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.