Халанд

Се граничи со покраините Вестерјетланд, Смоланд, Сканија и заливот Категат.

Халанд Halland
Знаме
Земја	Шведска
Крај	Јеталанд
Округ	Халанд
Површина
• Вкупна	4,796 км2 (1,852 ми2)
Население (2009)
• Вкупно	303,895
• Густина	63/км2 (160/ми2)
Народ
• Наречја	халандско јетамол сканиско
Култура
• Цвет	жолтика
• Животно	лосос
• Птица	сив сокол
• Риба	лососи
Часовен појас	CET (UTC+1)
• Лете (ЛСВ)	CEST (UTC+2)
Пошт. бр.	Повик. бр.
Повик. бр.	0300 0340–0346 0430

Покраините во Шведска немаат административна улога, туку постојат само како културно-историски целини. Управата е во рацете на окрузите. Во случајот на оваа покраина, подрачјето што го зафаќа е речиси истоветно со она на административниот округ Халанд, со помали делови во окрузите Вестра Јеталанд и Сканија.

Населението на Халанд брои 303.895 жители, од кои 287.668 живеат во округот Халанд, 13.980 во Вестра Јетланд и 2.247 во Сканија.

Низ покраината течат реките Лаган, Етран, Нисан и Вискан, а потоа се влеваат во заливот Категат. Халанд има плодна почва и развиено земјоделство.

Во бронзено време Халанд доживеал развој, за што сведочат бројните нови населби и археолошки наоди. Пронајдени се над 1.100 могили и погребалишта од ова време.

Во средниот Халанд бил данска покраина и претрпел многу воени судири во натпреварот помеѓу Шведска, Данска и (во извесна мера) Норвешка за превласт над Скандинавија. Големиот број на војни ја осиромашиле и разориле покраината, како на материјален, така и на општествен план. Развојот престанал бидејќи населението не гледало причина да вложува во нешто што набргу ќе се опустоши.

Во 1645 Халанд ѝ припаднал на Шведска со одредбите на Вториот договор од Бремсебру, но ова траело само три децении. Во 1658 покраината трајно ѝ припаднала на Шведска под условите на Роскилдскиот мировен договор. Последната битка во Халанд се одиграла во Филебру на 17 август 1676, за време Сконската војна.

Во XX покраината доживеала една од најголемите стапки на развој во Шведска, а по Втора светска војна бројот на населеието се удвоил. Ова се должи делумно на фактот што северните делови како Кундсбака и Онсала станале предградија на Гетеборг.

Ова се поголемите населени места во Халанд со бројот на жители:

• Варберг (27.602)
• Кунгсбака (19.057)
• Лахолм (6.150)
• Фалкенберг (20.035)
• Халмстад (58.577)

Наречјата што се говорат во Халанд збирно се нарекуваат халандски (halländska), но впрочем се двојат на две групи. На северот се говори варијанта на јеталандскиот говор, а на југ е застапен сканискиот говор.

• Варбершка тврдина (Varbergs fästning) - тврдина во Варберг од XIII век, со надградба на ѕидините во XV век